Apocalipsis 15:6 - Nuevo Testamento Tzeltal de Amatenango

⁶ Te ba templo yuꞌun Diose, teꞌ lokꞌik tal a te jukeb angeletik te yichꞌojlanik te jukkaj tulan wokoletike. Slapojlanik lino-pakꞌ te ben sak y xlemete, y aylan sinturonik pasbil ta oro y te snajtꞌile kꞌoem kꞌal ta stiꞌ yoꞌtanik.

Bible in Tzeltal Bachajón

⁶ Loq'uic tal ta templo te huqueb ch'ul a'batetic te yich'ojic te huqueb wocol, slapojic lino-pac' xlipet sacal soc ay sbehch'il stahnic pasbilic ta oro.

Bible in Tzeltal de Oxchuc y Tenejapa

⁶ Tey loq'uic tel ta templo te juctul ch'ul abatetic te yich'ojic te juqueb castigoetique. Slapojic lino-pac' te xujt' ma ba ts'ilajem te xlemet nax ta ilele. Te xchujq'uil ch'ujt'ique pasbilic ta oro soc chucul c'alal ta yo'tanic.

Apocalipsis 15:6 Iomraidhean Croise

San Lucas 24:4

Ben xlaj xiꞌ yuꞌun, ni ma snaꞌ tut ya spasik. Toj nax la yilik teꞌa cheb winketik te tekꞌajtik ta stsꞌeelike. Te skꞌuꞌ-spakꞌe xlemlajet nax.

Apocalipsis 1:13

Y te ba yolil te jukchꞌix yawil kꞌajkꞌe la kil ay Machꞌa teꞌey a te pajal sok te Nichꞌanile. Palal sok jun skꞌuꞌ-spakꞌ te kꞌoem kꞌalal ta yoke y sok jun xchꞌujkil xchꞌujt pasbil ta oro kꞌoem kꞌalal ta stiꞌ yoꞌtan.

Apocalipsis 14:15

Y lokꞌ tal ta templo jtul xan ángel, xꞌawet tal ta tulan kꞌop te machꞌa nakal ta tokale. Jich a yal: “Ochan ta aꞌtel sok te aluk awichꞌoje y tsoꞌba te kosecha ta balmilale. Porke la staix yorail, yuꞌun yijubix te kosecha ta balmilale”, xchi.

Apocalipsis 14:17

Te nax a, jtul ángel lokꞌ tal te ba templo te ay ta chꞌulchane. Jich yichꞌoj euk jun mam luk te beno yee.

Apocalipsis 15:1

La kil ta chꞌulchan jun xan mukꞌul señail te yan ta ilele: Jaꞌ te jukeb angeletik te yichꞌoj jukeb slajibal tulan wokole, te jaꞌ ya stsakay a te jayeb kastigo ya yakꞌ te Diose.

Apocalipsis 19:8

Akꞌtalanbotix ta slapel te lino pakꞌ te ben finoe, te limpio ay, sok te xlemlune —xchiik. Porke te lino pakꞌe jaꞌ seña te toj te tut ya spas te machꞌatik yuꞌun te Diose.