Apocalipsis 1:1 - Nuevo Testamento Tzeltal de Amatenango

¹ Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Bible in Tzeltal Bachajón

¹ Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Bible in Tzeltal de Oxchuc y Tenejapa

¹ Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Apocalipsis 1:1 Iomraidhean Croise

San Juan 12:49

Porke ma joꞌukon jkꞌop te ya kale, ja skꞌop te jTat te la stikonon tale. Jaꞌ yalojbon mantal te tut ya kale sok te tut ya kakꞌ ta nopele.

San Juan 15:15

Makꞌ ya kalbeyexix “kaj-aꞌtel”, porke te aj-aꞌtelile ma snaꞌ te tut ya spas te yajwale. Yan te jaꞌexe amigo ya kalbeyex, porke la kakꞌix anaꞌik spisil te tut yalojbon te jTate.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 3:32

Jaꞌ ya yal stukel te tutik yiloje sok te tutik yaꞌiyeje. Pero maꞌyuk machꞌa ya xchꞌuun te tut ya yale.

San Juan 8:26

Ay to bayal te tut ya kalbeyexe sok skꞌoplal te awaꞌtelike. Te Machꞌa la stikonon tale batsꞌi jich te tut ya yale, y te tut ya kalbe te genteetik ta balmilale, jaꞌ mismo te kaꞌiyej tal te tut ya yale —xchi.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

Gálatas 1:12

Ma teyuk a jta a ni ma teyuk jnopoj a te ta skuenta nax jtul winike, yuꞌun jaꞌ ta skuenta te Jesucristoe stukel mismo a yaꞌbon jnaꞌ.

Efesios 3:3

Dios la yaꞌbon kil te tut mukul ta yoꞌtane, y la yaꞌbonix jnaꞌ jich tutꞌil la jtsꞌibabeyex chaꞌoxpꞌaluke.

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

Apocalipsis 1:19

Tsꞌibaya te tutik la awile sok te tut ay ta ora to y sok te tut ay ta patile.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 17:1

Tal skꞌoponon jtul te ta sjukebal te angeletik te yichꞌojik te jukeb basoetike, y la yalbon: —Laꞌ, ya kꞌabeyat awil te kastigo ya yichꞌ te mera jmulawil ants te teꞌ nakal ba sba te jaꞌe.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 21:2

La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:16

La yal xan te Jesuse: —Joꞌon Jesuson te la jtikon tal te ángel kuꞌune yuꞌun ya yal ta jamal ta spisil to ta stojol te juju-tijkꞌ hermanoetike. Joꞌon slujp kꞌoemon te stsꞌumbal te jDavide. Joꞌon te ekꞌ te ya xojobin ta ben sabe —xchi.

Apocalipsis 22:6

Te ángele la yalbon: —Te kꞌopetik to batsꞌi jich, y ya xjuꞌ ya xchꞌuun awoꞌtan te jich ya xkꞌote. Te Kajwaltik Diose, te la skuentainbe yoꞌtan te jꞌalwanejetike, la stikon tal te ángel yuꞌune, yuꞌun ya yaꞌbe yil te yaj aꞌteletik te tut xba kꞌotuk ta pasel —xchi.

Apocalipsis 22:8

Joꞌon Juanon la kil y la kaꞌiy te tutik to. Y ta patil te la kiltalan y te la kaꞌilane, la jkejan jba ta yok te ángele te la yaꞌbon kile yuꞌun ya kichꞌ ta muk.

Apocalipsis 22:9

Pero stukel a yalbon: —Ma me apas jich. Yuꞌun joꞌon jꞌaꞌtelon yuꞌun euk te Dios, jich mismo tutꞌ jaꞌate, y sok te awermanotak te jꞌalwanejetike, y ta spisil te machꞌatik ya yakꞌ ta jkuenta te tut tsꞌibabil liꞌ ba libro to. Jaꞌ me ya awichꞌ ta mukꞌ te Diose —xchi.

Apocalipsis 4:1

Ta patil tsꞌin to la kil y la jta ta ilel jun tiꞌ puerta jeꞌel ta chꞌulchan, y te kꞌop te la kaꞌiy ta primeroe, te pajal sok te jtujtel yokꞌel kornetae, la yalbon: —Liꞌ xmoat tal to, y ya kakꞌ awil te tutik te puersa ya xkꞌot ta pasel ta patil baele —xchi.

Apocalipsis 5:7

Te chꞌin Carnerae ba stsak te balbil jun te ay ta sbatsꞌil kꞌab te Machꞌa nakal te ba ay te mukꞌul naktajibale.