3 Juan 1:8 - Nuevo Testamento Tzeltal de Amatenango

⁸ Jaꞌ yuꞌun te joꞌotike ya skꞌan ya jkuentaintik skoltayel, yuꞌun ya jkoltatik ta yalel te tut batsꞌi jiche.

Bible in Tzeltal Bachajón

⁸ Ha yu'un ya sc'an te ya jcoltaytic te mach'atic hich yacalic ta a'tel, scuenta yu'un pajal ya x'a'tejotic ta scuenta te smelelil c'ope.

Bible in Tzeltal de Oxchuc y Tenejapa

⁸ Jich yu'un jo'otic te jch'uunejtic te Diose, ya sc'an ya jwentaintic scoltayel, swenta yu'un jich ya jcoltaytic ta at'el ta xcholel te smelelil c'ope.

3 Juan 1:8 Iomraidhean Croise

San Mateo 10:14

Teme maꞌ skꞌan a snajkanexe, sok teme maꞌ skꞌan a yaꞌiybeyex sluwar te akꞌopike, lokꞌanik tel te ba snae, o lokꞌanik bael te ba jtejklume. Tijtina jilel te stanil awokike.

San Mateo 10:40

“Te machꞌa ya yikꞌex ta snae, joꞌon a yikꞌonix ta sna euk. Sok te machꞌa ya yikꞌon ta snae, jaꞌ la yikꞌix ta sna euk te machꞌa stikonejon tale.

San Lucas 11:7

Ta yut sna ya sjakꞌbeyat akꞌop, ya yalbeyat: “Ma awulilanon, yuꞌun tsꞌusulix te jpuertae, yuꞌun wayalotikix sok te kuntikile sok te joꞌone. Ma spas xjajch kaꞌbeyat te tut ya akꞌane”, ya yutat.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

2 Corintios 8:23

Teme ay machꞌa ya sjojkꞌoy tutꞌil ay te jTitoe, albeyaik te joy jba sok te jun nax ya xꞌaꞌtejon sok ta akuentaike. Y teme ya sjojkꞌobeyex tutꞌil ay te cheb xan hermanoetike, albeyaik te jaꞌ tikonbil yuꞌun te juju-tijkꞌ hermanoetike, y te yakꞌojik ta akꞌel ta jkuenta te Cristoe.

Filipenses 4:3

Y jaꞌat te jun awoꞌtan te joy jbajtik ta aꞌtele, ya jkꞌan ya akoltayik te hermanaetik to te la spasik puersa te la skoltayon ta yalel te skꞌoplal kolele, sok euk te jClementee y sok te yanetik te jun nax a aꞌtejon soke. Te sbiilike tsꞌibalanbilix te ba sjunal te kuxlejale.

Colosenses 4:11

Sok xkoltanukex laj me yuꞌun euk te Jesus, te Justo te xcheꞌbal sbiile. Jaꞌ to stukelik nax te ay ta yolilik te hermanoetik juriyoetik te la sjoyinikon ta aꞌtel te tutꞌil ay ta ajwalinel te Diose, y lom bayal a sjunutesbonik koꞌtan.

1 Tesalonicenses 3:2

y jaꞌ a jtikon te kermanotik jTimoteo, te jaꞌ jtul jꞌaꞌtel yuꞌun Dios te ay ta yalel te lek achꞌ kꞌop yuꞌun te Cristoe. La jtikon tal yuꞌun ya xtal yilex, y ya xtal yalbeyex xan lek te skꞌop Diose, y ya yaꞌbeyex spuersa te xchꞌuunel awoꞌtanike.

Filemón 1:2

Sok albeya xkoltanuk te hermanoetik te ya stsob sbaik ta anae, jich tutꞌil te kermanatik xꞌApia y sok te kermanotik Arquipo te joy jbajtik sok ta stsalel te pukuje.

Filemón 1:24

Y jich euk te jMarcos sok Aristarco sok Demas sok Lucas te ya skoltayikon ta aꞌtele.

3 Juan 1:10

Jaꞌ yuꞌun te kꞌalal ya xtalone, ya me kalbe ta jamal te tut ma tsaꞌamuk ya spase. Yuꞌun ya yaltalan kꞌael jontol kꞌop aꞌbiyej sok le-lot te skontrainejotike. Sok ay to xan yan te tut ya spase: Jaꞌ te ma skꞌan xyikꞌ te hermanoetik te ya xlaj kꞌote. Sok ya skomtalan te machꞌatik ya skꞌan ya yikꞌike, y ya stentalan lokꞌel te ba ay te hermanoetike.

3 Juan 1:7

Yuꞌun ayik ta abatinel ta beel yuꞌun te Jesucristoe, y maꞌyuk a skꞌanbeyik chꞌinuk koltayel te gente te ma xchꞌuunejuk Diose.

3 Juan 1:9

Joꞌon a jtsꞌibay jun karta ta stojol te jtijk hermanoetike te ba ayate, pero te Diotrefese maꞌ yakꞌ ta jkuenta te ay kichꞌoj kꞌatele, porke la skꞌupin te stukel ya xꞌakꞌot ta jkuentae.