3 Juan 1:3 - Nuevo Testamento Tzeltal de Amatenango

³ Ben bayal sbujtsꞌ koꞌtan te kꞌalal ay hermanoetik a laj tal y la yalbikon te batsꞌi ben jun awoꞌtane.

Bible in Tzeltal Bachajón

³ Mero tse'el co'tan te c'alal hul te quermanotic te la yalic te jun awo'tan ta stojol te smelelil c'op soc te ha at'unoje.

Bible in Tzeltal de Oxchuc y Tenejapa

³ Bayal bujts'naj co'tan yu'un te c'alal jul yalbonic caiy cha'oxtul quermanotactic te bit'il jc'axel ay ta awo'tan te smelelil c'ope, soc te jun nax awo'tan yacat ta spasel te bila smelelile.

3 Juan 1:3 Iomraidhean Croise

Hechos 1:15

Jaꞌ skꞌaalel a te la stsob sbaik te hermanoetik te ay wan siento beinte ta jtul. Te jPedroe tejkꞌaj y la yaltalanbe:

1 Corintios 13:6

Sok ma sniꞌuk xyaꞌiy te mulil ay ta pasele. Jaꞌ ben sniꞌ xyaꞌiy te tut leke.

Gálatas 6:10

Jaꞌ yuꞌun, siluk me tiempo te ya xjuꞌ kuꞌuntike, aꞌ jpastik te tut lek ta spisile. Y mas jaꞌ ta stojol te kermanotaktik te jun nax jchꞌuunejtik sok Diose.

Filipenses 1:4

y te kꞌalal ya jkꞌopon Diose, sil tiempo bayal slekil koꞌtan ya jkꞌoponbeyex Dios ta apisilik te jaꞌexe.

2 Juan 1:2

Kꞌuxex ta koꞌtan te jaꞌexe ta skꞌaj te tut batsꞌi jiche te ayix ta koꞌtantike y sil tiempo ay ta jtojoltik.

2 Juan 1:4

Bayal sbujtsꞌ koꞌtan yuꞌun te jich a jul jtajtalan te awuntikil te jich xchꞌuunejik te tut batsꞌi jiche, jachik tutꞌil spasojotik ta mantal te Jtatik Diose.

3 Juan 1:10

Jaꞌ yuꞌun te kꞌalal ya xtalone, ya me kalbe ta jamal te tut ma tsaꞌamuk ya spase. Yuꞌun ya yaltalan kꞌael jontol kꞌop aꞌbiyej sok le-lot te skontrainejotike. Sok ay to xan yan te tut ya spase: Jaꞌ te ma skꞌan xyikꞌ te hermanoetik te ya xlaj kꞌote. Sok ya skomtalan te machꞌatik ya skꞌan ya yikꞌike, y ya stentalan lokꞌel te ba ay te hermanoetike.

3 Juan 1:2

Hermano te ben kꞌuxat ta koꞌtane, ya jkꞌanbe te Diose te lek ayat sok spisil te tut ya apase, sok te lekuk ayat sok te atꞌbalule, y sok te lek ayat ta stojol Dios.

3 Juan 1:4

Maꞌyuk yan te tut ben jun koꞌtan yuꞌune, jich tutꞌil te ya kaꞌiy te jich aylan tutꞌil ya yal te tut batsꞌi jiche te kuntikile.

3 Juan 1:5

Kermano te ben kꞌuxat ta koꞌtane, jaꞌ lek te jun awoꞌtan awakꞌoj aba ta abatinel yuꞌun spisil te hermanoetike. Sok mas to xan yuꞌun te machꞌatik ya xtal ta yanetik luware.