1 Juan 5:3 - Nuevo Testamento Tzeltal de Amatenango

³ Te xkꞌuxutayel te Diose jaꞌ teme ya jchꞌuunbetik te mantaliletik yuꞌune. Y te mantaliletik yuꞌune ma aluk ta aꞌiyel.

Bible in Tzeltal Bachajón

³ yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

Bible in Tzeltal de Oxchuc y Tenejapa

³ Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

1 Juan 5:3 Iomraidhean Croise

San Mateo 23:4

Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik.

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

San Juan 15:14

Te jaꞌexe kamigoex, teme jaꞌ ya apasik te tut ya kalbeyex ta jmantale.

Romanos 7:12

Jaꞌ yuꞌun te mantaliletike lekil kꞌop stukel; te chꞌul mantaliletike toj y lek ta spisil.

Romanos 7:22

Ta koꞌtan ben tsaꞌam ya kaꞌiy te smantal Diose.

Hebreos 8:10

Te trate te ya jchap sok te Israele ta patil, jaꞌ me to: Ya me kaꞌbe ta sjolik te mantaliletik kuꞌune y ya me jtsꞌibabe ta yoꞌtanik. Joꞌon Dioson yuꞌunik ya xkꞌoon, y te stukelike jaꞌ jtejklum kuꞌun.

1 Juan 2:3

Teme ya jchꞌuunbetik te mantaliletik yuꞌun te Diose, ya xjuꞌ seguro ayotik te jnaꞌojbetikix sbae.

2 Juan 1:6

Ya xchiknaj te xkꞌuxul koꞌtantik teme ya jchꞌuuntik spasel te tut ya yal te mantaliletik yuꞌun te Diose. Y te mantaliletike, jachik tutꞌil te awaꞌiyejikix desde ta slijkibal to tale, jaꞌ te ya xchiknaj ta akuxlejalik te xkꞌuxul awoꞌtanike.