1 Juan 4:8 - Nuevo Testamento Tzeltal de Amatenango

⁸ Te machꞌa ma xkꞌuxutaywane, ma snaꞌojbeyuk sba te Diose, porke te Diose ay xkꞌuxul yoꞌtan.

Bible in Tzeltal Bachajón

⁸ Yan te mach'a ma sna' c'uxultaywanej, ma sna'be sba te Diose, como jc'uxultaywanej stuquel te Diose.

Bible in Tzeltal de Oxchuc y Tenejapa

⁸ Yan te mach'a ma'yuc xc'uxul yo'tane, yu'un nanix ma sna'bey sba te Diose, te melel ja' Jc'uxul-o'tanil stuquel te Diose.

1 Juan 4:8 Iomraidhean Croise

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

Efesios 2:4

Pero te Diose lom bayal slekil yoꞌtan y bayal a skꞌanotik ta yoꞌtan.

Hebreos 12:29

Porke te Dios kuꞌuntike jachik tutꞌil kꞌajkꞌ te spisil ya slajine.

1 Juan 1:5

Te tut la snojpesotik te Jesucristoe, jaꞌ ya kalbetikex te jaꞌexe. La yalbotik te jaꞌ sakil kꞌinal te Diose, sok maꞌyuk ijkꞌal kꞌinal ta skuenta stukel.

1 Juan 2:4

Pero teme ay machꞌa ya yal: “Te joꞌone jnaꞌojbe sba”, te xchie, y ma xchꞌuunbe te mantaliletik yuꞌune, jaꞌ jtul jloꞌlawanej y maꞌyuk ta stojol te tut batsꞌi jiche.

1 Juan 2:9

Teme ay machꞌa ya yal te ayix ta sakil kꞌinale, pero teme ya spꞌaj te yermanoe, yuꞌun nanix ay to ta ijkꞌal kꞌinal a.

1 Juan 3:10

Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

1 Juan 3:6

Jich yuꞌun, spisil te machꞌa jun nax ay sok te Jesucristoe, makꞌ sleix smul. Pero spisil te machꞌa ya sle smule, yuꞌun ma yilojuk y ni ma snaꞌojbeyuk sba.

1 Juan 4:16

Jich a jnaꞌtikix sok jchꞌuunejtik te kꞌuxotik ta yoꞌtan te Diose. Ay xkꞌuxul yoꞌtan te Diose, y te machꞌa batsꞌi ay skꞌuxul yoꞌtane kuxulix ta stojol Dios y Dios ay ta yoꞌtane.

1 Juan 4:7

Kermanotak te kꞌuxex ta koꞌtane, ya skꞌan te talel bael te kꞌux ya kaꞌiy jbajtike, porke te xkꞌuxul-oꞌtanile ya xtal ta stojol Dios. Spisil te machꞌa ya xkꞌuxutaywane, jaꞌ xnichꞌan Dios y snaꞌojbe sba te Diose.