1 Juan 4:4 - Nuevo Testamento Tzeltal de Amatenango

⁴ Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

Bible in Tzeltal Bachajón

⁴ Cal-jnich'nab, yu'unex Dios te ha'exe soc atsalojiquix te lotil jalwanejetic, como te Mach'a ay ta awo'tanic c'ax hich yu'el a te bin ut'il te mach'a ay ta bahlumilal.

Bible in Tzeltal de Oxchuc y Tenejapa

⁴ Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 4:4 Iomraidhean Croise

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

Romanos 8:31

¿Tut mas ya kaltik? Teme Dios ayotikix ta koltayel yuꞌune, maꞌyuk machꞌa ya xjuꞌ te ya skontrainotike.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

1 Corintios 2:12

Y te joꞌotike ma jaꞌuk kichꞌojtik te spꞌijil te balmilale. Jaꞌ kikꞌojtik te Espíritu te tikonbil tal yuꞌun te Diose, yuꞌun jich me ya jnaꞌbeytik sluwar a te tutik yakꞌojbotik te Diose ta skuenta slekil yoꞌtan.

1 Corintios 6:13

Ya awalik xan: “Te weꞌelile jaꞌ yuꞌun te jchꞌujtike y te jchꞌujtike jaꞌ yuꞌun te weꞌelile. Batsꞌi jich. Pero te Diose ya slajinbe jilel skꞌoplal ta xchebal. Pero ma me xkakꞌtik te ya xꞌantsiwe te jtiꞌbalultike. Te jtiꞌbalultike jaꞌ yuꞌun te Kajwaltike, y te Kajwaltike jaꞌ yuꞌun te jtiꞌbalultike.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Efesios 6:10

Y te ora to, kermanotak, tulan xꞌawakꞌ abaik te jun nax ayex sok te Kajwaltike ta skuenta te spuersa spodere.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

1 Juan 2:13

Meꞌil-tatiletik, la jtsꞌibabeyex ta akuentaik porke la anaꞌbeyikix sba te Machꞌa ayix a desde ta slijkibale. Bikꞌtal kermetik, la jtsꞌibabeyex ta akuentaik porke la atsalikix te pukuje. La jtsꞌibabeyex ta akuentaik, kuntikil, porke la anaꞌbeyikix sba te Tatile.

1 Juan 3:20

Yuꞌun teme ya yalbotik te koꞌtantike te ay palta kuꞌuntike, te Diose lom mukꞌ ke te koꞌtantike, sok snaꞌoj ta spisil.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 4:13

Jich ya jnaꞌtik a te ayotik ta stojol te Diose sok te ay ta jtojoltik stukele, yuꞌun jaꞌ yakꞌojbotik te Espíritu yuꞌune.

1 Juan 4:16

Jich a jnaꞌtikix sok jchꞌuunejtik te kꞌuxotik ta yoꞌtan te Diose. Ay xkꞌuxul yoꞌtan te Diose, y te machꞌa batsꞌi ay skꞌuxul yoꞌtane kuxulix ta stojol Dios y Dios ay ta yoꞌtane.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

1 Juan 5:4

Porke spisil te machꞌa yuntikil te Diose ya me stsalik te balmilale. Te xchꞌuunel koꞌtantike jaꞌ ya yaꞌbotik jtsaltik te tut skuenta balmilale.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.