1 Juan 4:2 - Nuevo Testamento Tzeltal de Amatenango

² Jich ya xjuꞌ ya anaꞌik a te machꞌa yikꞌoj te Espíritu yuꞌun te Diose: Spisil te machꞌa ya yal ta jamal te la yichꞌ stiꞌbalul te Jesucristo jich tutꞌil winik, jaꞌ yikꞌoj te Espíritu yuꞌun te Diose.

Bible in Tzeltal Bachajón

² Hich ay ta na'el teme ha yu'un te Espíritu yu'un Dios: Spisil te mach'atic te jamal ya yalic te xtaluc soc sbaq'uetal te Jesucristo, ha me yu'un Dios stuquel.

Bible in Tzeltal de Oxchuc y Tenejapa

² Jich me ya xchicnaj teme ya yic'ojic te Espíritu yu'un te Diose: Spisil mach'a ya yal ta jamal te ja' la yich' sbaq'uetal te Jesucristo te xtaluque, tey me ya ana'ic a te ja' nix Espíritu yu'un Dios te yic'ojique.

1 Juan 4:2 Iomraidhean Croise

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

1 Corintios 12:3

Jaꞌ yuꞌun, te ora to ya jkꞌan ya anaꞌik te maꞌyuk machꞌa xjuꞌ ya yal te ma tsaꞌamuk te Jesuse teme jaꞌ ya xkꞌopoj ta spoder te Espíritu yuꞌun te Diose. Y sok maꞌyuk machꞌa ya xjuꞌ ya yal: Te Jesuse ja Kajwal”, teme ma jaꞌuk ya xkꞌopoj ta spoder te Chꞌul Espiritue.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

1 Juan 1:2

Kꞌo chiknajuk te Jꞌakꞌkuxlejale, y joꞌotik a kiltik, y joꞌotik a kalbetik skꞌoplal. Jaꞌ ya kalbetikex skꞌoplal te Machꞌa ya yakꞌ te kuxlejal sbajtel kꞌinale, jaꞌ te jun nax ay sok te Tatile, sok te la yakꞌ sba ta ilel ta jtojoltike.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.

1 Juan 4:15

Machꞌauk a te ya yal ta jamal te jaꞌ Xnichꞌan Dios te Jesuse, kuxulix ta stojol Dios y Dios ayix ta yoꞌtan.

1 Juan 4:3

Yan te machꞌa ma jichuk ya yal ta jamal te Jesuse, ma jaꞌuk yikꞌoj te Espíritu yuꞌun Diose, yuꞌun jaꞌ yikꞌoj te espíritu te skontrainej te Cristoe. Te jaꞌexe awaꞌiyejik te ya xtal te espíritu to, y te ora to ayix ta balmilal.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

2 Juan 1:7

Yipalik ta beel ta balmilal bayal jloꞌlawanejetik te ya yalik te ma la yichꞌ stiꞌbalul te Jesucristo jachik tutꞌil winik te batsꞌi jiche. Te machꞌa jich ya yale, jaꞌ jloꞌlawanej y skontrainej te Cristoe.