1 Juan 4:1 - Nuevo Testamento Tzeltal de Amatenango

¹ Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

Bible in Tzeltal Bachajón

¹ Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

Bible in Tzeltal de Oxchuc y Tenejapa

¹ Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

1 Juan 4:1 Iomraidhean Croise

San Marcos 13:21

“Teme ay machꞌa jich ya yalbeyexe: “Ilawil, liꞌ ayix te Cristoe”, teme xchie, o teme yan ya yal: “Lum ayix to”, teme xchiꞌe, ma me chꞌuunik.

San Lucas 12:57

“¿Tuꞌun te ma xjuꞌ awuꞌunik snopel te tut lek ta pasele? Teme ay machꞌa ya yikꞌat bael te ba ay te jꞌuꞌeletike, chapa aba sok nailuk mientras ay to tiempo, yuꞌun makꞌ yikꞌat bael a te ba alkale.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

Hechos 17:11

Te juriyoetik te ayik ta jtejklum Bereae ay srazonik, ma pajaluk sok te machꞌatik ay ta jtejklum Tesalónicae. Ben jun yoꞌtanik la yaꞌiybeyik sluwar te tuti altalanbot yuꞌun te jPabloe. Jujun kꞌaal ya yilik ta Sjun Dios teme jich te tut ya xꞌaltalanbote.

Hechos 20:29

Ya jnaꞌ te kꞌalal boemonix ae, ya xtal yan jich tutꞌil tiꞌawal teꞌtikil tsꞌiꞌ te ya xlijk yilbajin jichuk karnera te hermanoetik te ma xpichꞌuk yoꞌtane.

1 Corintios 12:10

Sok ay yan yichꞌojik spoder ta spasel milagroetik, y ay xan yan yuꞌun ya yalik skꞌop Dios. Y ay yan te ya xꞌaꞌbot snaꞌ yuꞌun Dios teme ta skuenta lekil Espíritu o ta skuenta pukuj te ya xkꞌopojike. Y ay xan yan te ya snaꞌ xkꞌopojik ta yanetik kꞌope, y ay yan xan te ya xꞌaꞌbot te ya snaꞌik skꞌasesel te yan kꞌopetik te tutꞌ ya xꞌalote.

1 Corintios 14:29

Jich euk, teme jaꞌ ya awalik te skꞌop Diose, jaꞌ lek teme ay cheb-oxeb naxe. Y te yanetike a me yaꞌiyik ta lek te tut ya xꞌalote.

1 Tesalonicenses 5:20

Ma me xꞌapꞌajbeyik te skꞌopik te machꞌatik ya yalik te tut ya xꞌalbot yuꞌun te Diose.

1 Tesalonicenses 5:21

Kuiadoukex me yuꞌun spisil kꞌopetik, sok akꞌa ta awoꞌtanik te tut leke.

2 Tesalonicenses 2:2

ma me pasiluk ya xyanej te tut ya achꞌuunike. Ni ma me ayuk machꞌa ya yal te kꞌaxix skꞌaalel te ya xchaꞌtal te Kajwaltike, o teme jich ya yal ta karta kuybil ta kuꞌune.

1 Timoteo 4:1

Pero jamal ya yal te Espiritue: Ta slajibal kꞌaal ay machꞌa ya sjilesik ta chꞌuunel te Diose. Jaꞌ ya xbajt ta yoꞌtanik te skꞌopik jloꞌlawanejetike y te nojpesel yuꞌun te pukujetike.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

2 Pedro 2:1

Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.

1 Juan 2:18

Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

2 Juan 1:7

Yipalik ta beel ta balmilal bayal jloꞌlawanejetik te ya yalik te ma la yichꞌ stiꞌbalul te Jesucristo jachik tutꞌil winik te batsꞌi jiche. Te machꞌa jich ya yale, jaꞌ jloꞌlawanej y skontrainej te Cristoe.

3 Juan 1:11

Hermano te kꞌuxat ta koꞌtane, ma me jaꞌuk xꞌatsꞌakliy te tut ma lekuk ya spase; jaꞌuk me xꞌatsꞌakliy te tutik leke. Te machꞌa lek te tut ya spase, jaꞌ yuꞌun te Diose; pero te machꞌa ya spas te tut ma lekuke, yuꞌun ma snaꞌbe sba te Diose.

Apocalipsis 2:2

“Joꞌon jnaꞌoj spisil te tut ya apase. Kiloj te tulan ya xꞌaꞌtejate, y te ya stsꞌijk awuꞌune, y jnaꞌoj te ma xkujch awuꞌun te machꞌatik ma lekikuke. Y jnaꞌoj te awilojix tutꞌ ay yoꞌtanik te machꞌatik te ya skuy sbaik ta apostole y ma jaꞌukik, y ataojbeyix slotik.