1 Juan 3:4 - Nuevo Testamento Tzeltal de Amatenango

⁴ Pero spisil te machꞌa ya sle smule, jaꞌ ya skꞌaxintaybe smantal te Diose, yuꞌun te le-mulile jaꞌ te ya yichꞌ kꞌaxintayel te smantale.

Bible in Tzeltal Bachajón

⁴ Spisil mach'a ya sta smul, ya sc'axuntay te Ley; como ha mulil te sc'axuntayel te Ley.

Bible in Tzeltal de Oxchuc y Tenejapa

⁴ Spisil mach'a yat'elinej sleel te smule, ja' ya xc'axintaybey smandal te Diose, melel ja' mulil te ya yich' c'axintayel te smandale.

1 Juan 3:4 Iomraidhean Croise

San Mateo 5:19

Jich yuꞌun te machꞌa ya xchꞌaybe skꞌoplal pꞌaluk te mantaliletike, manchuk me chꞌin nax ay skꞌoplal, sok teme jich ya yaꞌbey snop te genteetike, jich me maꞌyuk skꞌoplal ta ilel ya xkꞌot te ba ay ta mantal te Diose. Pero te machꞌa ya xchꞌuun spasel sok teme jich ya snojpꞌeswane, jaꞌ me aꞌbil ta jkuenta ya xkꞌot te ba ay ta mantal te Diose.

Hechos 23:3

Pero te jPabloe la sjakꞌbe: —Dios me ya smajat euk te jaꞌat te pajalat sok te majtanibil pajk. Teme jaꞌat te teꞌ nakalat yuꞌun ya achap chikan te tut ya yal te mantaliletike, ¿tuꞌun te la amajon te ma jichuk ya yal te mantaliletike? —xchi te jPabloe.

Romanos 3:20

Porke te Diose maꞌyuk machꞌa ya yalbe te jaꞌ libre ya xkꞌot yuꞌun te xchꞌuunej te tut ya yal te mantaliletike. Yuꞌun te mantaliletike jaꞌ nax ya xtuꞌun te ya yaꞌbotik jnaꞌtik te jmulawilotike.

Romanos 4:15

Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.

2 Corintios 12:21

Jaꞌ ya jxiꞌ te kꞌalal ya xtal kilex xane ya me xkꞌexawon ta stojol Dios awuꞌunik, y ya me xꞌokꞌon yuꞌun te bayalexix te jaꞌexe te ayix tiempo lijk a le amulike, y maꞌ jilesejikuk te tut skuenta balmilale, te antsiwejele, sok te tut kꞌexlaltik sba ta pasele.

Santiago 5:15

Y te kꞌalal ya skꞌoponik Dios sok te xchꞌuunel yoꞌtanike, te jchamele ya me xlekub y ya me xjajchesot yuꞌun te Kajwaltike. Y teme ay mulawene, ya me xꞌaꞌbot perdon.

1 Juan 5:17

Spisil te tut ma lekuke, jaꞌ mulil abi. Pero ay mulil te makꞌ ya xꞌakꞌawan bael ta lajele.