1 Juan 3:2 - Nuevo Testamento Tzeltal de Amatenango

² Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

Bible in Tzeltal Bachajón

² Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

Bible in Tzeltal de Oxchuc y Tenejapa

² Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Juan 3:2 Iomraidhean Croise

San Mateo 5:8

“Ben me tsaꞌam slekilik te machꞌatik maꞌyuk mulil ta yoꞌtanike, jich me ya xkꞌo yilbeyik sit te Diose.

San Lucas 17:30

Jich mismo yipalik ta spasel a te genteetik te kꞌalal ya xchiknaj tal te Nichꞌanile.

San Lucas 20:36

sok makꞌ me xchamikix a. Yuꞌun jich me kꞌoemikix te tutꞌil chꞌul angeletike. Yal-xnichꞌan Dios kꞌoemikix te tutꞌil chaꞌkuxemikixe.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

San Juan 11:52

Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

Romanos 8:16

Y jaꞌ to jaꞌ mismo te Espíritu ya yalbotik ta koꞌtantik te joꞌotik te yal-xnichꞌanotikix te Diose.

Romanos 8:18

Te ora to ayotik ta wokolajel, pero ma tulanuk ta koꞌtantik te wokolajel teme jaꞌ ya jnaꞌtik te lekilal te ya kiltik ta patile.

Romanos 8:19

Sok te tutik spasoj te Diose jun yoꞌtan yipal ta smaliyel te tut ora ya xchiknatesot te machꞌatik yal-xnichꞌan te Diose.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

1 Corintios 13:12

Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.

1 Corintios 15:49

Jich tutꞌil te pajalotik sok te winik te pasbil ta tsꞌubilume, jich pajal ya xkꞌootik sok euk te machꞌa skuenta te chꞌulchane.

1 Corintios 2:9

Pero komo jich tsꞌibabil jilel ta Sjun te Diose: “Te Diose xchapoj yuꞌun te machꞌatik kꞌanbil yuꞌune te tut maꞌyuk machꞌa yiloje sok maꞌyuk yaꞌiyeje sok te ma snopojuke”, xchi me.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

2 Corintios 4:17

Te tut ya xkꞌax jwokoltik yuꞌun te jkuxlejaltik te ora toe ya xkꞌax stukel. Pero kꞌunkꞌun yipalotik ta stael te lekilal sbajtel kꞌinal te mas mukꞌ y te lom bayale.

Gálatas 3:26

Yuꞌun te xchꞌuunel awoꞌtanik ta skuenta te Cristo Jesuse, ta apisilik te jaꞌexe yal xnichꞌanexix te Diose.

Gálatas 4:6

Y yuꞌun jich me ya xchiknaj a te yal xnichꞌanotikixe, Dios a stikon tal ta koꞌtantik te Espíritu yuꞌun te Xnichꞌane. Jaꞌ mismo te Espiritue ya xkꞌopoj: “Tat”, xchi ta stojol te Diose.

Filipenses 3:21

Ya me syanutesbotik bael te jtiꞌbalultik te maꞌyuk yipe, yuꞌun jich me ya xkꞌot te tutꞌil stiꞌbalul stukel te ben tsaꞌame. Y jich ya spas ta skuenta spoder te ya xjuꞌ yuꞌun spasel ta mantal spisil te tutik aye.

Colosenses 3:4

Jaꞌ akuxlejalik te Cristoe. Te kꞌalal stukel ya xchiknaj tale, te jaꞌexe jich me ya xchiknajex tal ta skuenta, sok ya me xkꞌot ta akuentaik te slekilale.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

2 Pedro 1:4

Ta skuenta te tutik to, la yalbotik te tut ya yaꞌbotik ta patile, te kꞌax lom tsaꞌam y lom mukꞌe. Yuꞌun jich pajal kileltik ya xkꞌootik sok te tutꞌil ay te Diose, sok te libre ya xjilotik yuꞌun spisil te tutik ma lekuk te kꞌayemik ta spasel liꞌ ba balmilale.

1 Juan 2:28

Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

1 Juan 3:1

Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

1 Juan 3:10

Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

1 Juan 3:21

Kermanotak te kꞌuxex ta koꞌtane, teme maꞌyuk tut ya yalbotik te koꞌtantike, ay smukꞌul koꞌtantik ta stojol te Diose.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

Apocalipsis 2:28

Y jich me ya kakꞌtalanbe te ekꞌ te ya xlok tal ta sakubel kꞌinale.

Apocalipsis 22:4

Ta sit ya yilbeyik sit te Diose, y yichꞌojbeyik sbiil ta stiꞌsbaik.