1 Juan 1:9 - Nuevo Testamento Tzeltal de Amatenango

⁹ Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

Bible in Tzeltal Bachajón

⁹ Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel.

Bible in Tzeltal de Oxchuc y Tenejapa

⁹ Yan teme jamal ya caltic te jmultique, jna'ojtic stojol te jich ya spasbotic perdón te Diose, soc ya spocbotic loq'uel spisil ta jten te sbolil co'tantique. Yu'un toj yo'tan soc jun yo'tan stuquel te Diose.

1 Juan 1:9 Iomraidhean Croise

San Mateo 3:6

Te machꞌatik la yalik ta jamal te smulike, akꞌtalanbot yichꞌik jaꞌ ta ukꞌum Jordan yuꞌun te Juane.

San Marcos 1:5

Te genteetik talik ta spꞌejel estado yuꞌun Judea sok ta jtejklum Jerusalen, tal yaꞌiyik tut ya yal te Juane. La me yalik ta jamal te smulike, jich aꞌbot yichꞌik jaꞌ ta ukꞌum Jordan yuꞌun te Juane.

San Lucas 22:57

Pero te jPedroe la smuk ta yoꞌtan. Jich a yal: —Ants, ma jnaꞌbe sba te machꞌa ya awale —xchi.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

Hechos 19:18

Bayal te machꞌatik xchꞌuunejikix te Jesuse tal yalik ta jamal spisil te tut ma tsaꞌamuk a spasik te nail toe.

Romanos 3:26

jaꞌ nax ta skaj te ya smaliye. Jaꞌ jich mismo te ora to te ya yakꞌ ta ilel te toj stukel te Diose, y sigue toj kꞌalal ya yal te libre ya xkꞌotik yuꞌun smulik te machꞌatik ya xchꞌuun te Jesuse.

1 Corintios 1:9

Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 10:23

Junuk me koꞌtantik, ma me tut xyal koꞌtantik. Ya me jnaꞌtik te tut yipalotik ta smaliyel, sok te xchꞌuunel koꞌtantik te ya kaltik ta jtiꞌtike. Porke te Diose ya skꞌoes ta pasel te tut yalojbotik te ya spasbotike.

Hebreos 11:11

Sok ta skuenta xchꞌuunel yoꞌtan, aunke maꞌyuk yuntikil te Sarae, sok lom mamalix te jꞌAbrahame, aꞌbot to yichꞌ spuersa yuꞌun jun tatil ya xkꞌote. Porke la xchꞌuun ya yakꞌ kꞌouk ta pasel te Diose, sok te ma jowiluk te tut yaloje.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.