1 Juan 1:3 - Nuevo Testamento Tzeltal de Amatenango

³ Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

Bible in Tzeltal Bachajón

³ Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

Bible in Tzeltal de Oxchuc y Tenejapa

³ Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

1 Juan 1:3 Iomraidhean Croise

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 19:35

Te machꞌa la yil te jicha kꞌot ta pasele jaꞌ testigo yuꞌun. Ma slotuk te tut ya yale. Sok snaꞌoj te batsꞌi jich te tut ya yale, yuꞌun jich me ya achꞌuunik a te jaꞌexe.

Hechos 13:32

Jich te joꞌotike jaꞌ ya kalbetikex te lek achꞌ kꞌop to: Te tut yaloj Dios ta stojol te antibo jmeꞌ-jtatike,

Hechos 13:41

“Aꞌiya awaꞌiyik jaꞌex jpꞌajawanejetik, xiꞌanik me, baanik ta chꞌayel. Porke ay me tut ya kakꞌ kꞌotuk ta pasel ta atojolik te kuxulex ta balmilale, te ma xꞌachꞌuunik aunke me ay machꞌa ya yalbeyex”, xchi me —xchi ta yalel te jPabloe.

Hechos 2:42

Spisilik aꞌ yoꞌtaninik snopel te tut ya snojpesot yuꞌun te apostoletike, y ben jun yoꞌtan a yaꞌi sbaik ta spisilik, y la stsob sbaik ta weꞌel sok ta skꞌoponel Dios.

Hechos 20:27

porke la kalbeyexix spisil te tut ay ta yoꞌtan te Diose, ni maꞌyuk tuti jmuk ta koꞌtan.

Hechos 4:20

Te joꞌotike ma xjuꞌ ya jkom jbatik ta yalel te tut kilojtike sok te tut kaꞌiyejtike —xchiik.

Romanos 15:27

La snopik te gusto te jich lek a spasike. Yuꞌun la snaꞌik te ay sbetik kꞌoem yuꞌun te hermanoetik juriyoetike te la spukik te bendision yuꞌun Dios ta skuenta te machꞌatik ma juriyouke. Yan te ora to jaꞌ ya skꞌan ya yichꞌ koltayel te hermanoetik juriyoetik ta skuenta te tutik ay yuꞌun te machꞌatik ma juriyouke.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 1:9

Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

1 Corintios 15:1

Te ora to, kermanotak, ya jkꞌan ya anaꞌik te skꞌoplal kolel te la kaltalanbeyexe. Jaꞌ to te skꞌoplal te jaꞌex la awaꞌiyik, y sok te ben jun awoꞌtanik achꞌuunejike.

2 Corintios 13:14

A me kꞌotuk ta akuentaik te slekil yoꞌtan te Kajwaltik Jesucristoe sok te xkꞌuxul yoꞌtan te Diose, sok a me sjoyinex sil tiempo te Chꞌul Espiritue. Jichuk.

Efesios 3:6

Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

Filipenses 2:1

Jich yuꞌun, teme ya yaꞌbeyex spuersa awoꞌtanik te Cristoe, sok teme ya sjunutesbeyex awoꞌtanike te skꞌuxul yoꞌtane, sok teme sjoyinejex te Espiritue, sok teme ay slekil awoꞌtanik sok kꞌux ya awaꞌiy abaike,

Filipenses 3:10

Te tut ya jkꞌane, jaꞌ te yauk jnaꞌbey sba te Cristoe, sok te yauk kaꞌiy tutꞌil ay te spoder te la yichꞌ chaꞌkusesel yuꞌune, sok te pajaluk ya xkꞌax jwokol soke, y asta jich ya xkꞌoon ekꞌa te tutꞌil a laje.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

1 Tesalonicenses 1:10

Sok ya yalik xan te tutꞌil yipalex ta smaliyel te ya sujt tal ta chꞌulchan te Jesus te Xnichꞌan Diose. Jaꞌ te Jesus te la yichꞌ xchaꞌkusesel yuꞌun Dios te ba ay animaetike, sok te stukel ya skoltayotik yuꞌun te tulan kastigo ya xtale.

1 Timoteo 6:2

Teme ay te abatetik te xchꞌuunej Dios te yajwale, ma me xyijkitayik ta yakꞌel ta jkuenta te yajwale yuꞌun te yermano sba ta xchꞌuunel te Diose. Jaꞌ ya skꞌan te kꞌax jich ya yakꞌ sbaik ta mantaltesele. Porke te machꞌa ya xꞌabatinotik yuꞌune, jaꞌ xchꞌuunej Dios sok yermano sbaik te kꞌux ya yaꞌiy sbaike. Jich me xꞌawakꞌ ta nopel, sok jich me xꞌawalbey yaꞌiyik.

Hebreos 2:12

Jich tutꞌil ya yal te Sjun Diose: “Ya me kal akꞌoplal ta skuenta te kijtsꞌinabe, y ya jkꞌayojinbeyat kayojetik ta skuenta te kongregasione”, xchi me.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

2 Pedro 1:16

Te nojpesel te la kaꞌbetikex te tutꞌil ay spoder te ya xtal xan te Kajwaltik Jesucristoe, ma kꞌop abiyejuk nax te ya xloꞌlawane. Yuꞌun batsꞌi ta sitik a kiltik te Kajwaltik te lom mukꞌ ay slekilale.

1 Juan 1:1

Te tut ya jtsꞌibabetikex a, jaꞌ skꞌoplal te Machꞌa ayix a desde slijkibale, te kaꞌiyejtik te skꞌope y te kilojtik ta sitike. Porke la kiltik y la jpiktik ta jkꞌabtik. Ja xyal te Machꞌa Kꞌop yuꞌun te Kuxlejale.

1 Juan 1:5

Te tut la snojpesotik te Jesucristoe, jaꞌ ya kalbetikex te jaꞌexe. La yalbotik te jaꞌ sakil kꞌinal te Diose, sok maꞌyuk ijkꞌal kꞌinal ta skuenta stukel.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.