Marcus 15:16 - Am Bìoball Iomraidh Gàidhlig 1880 1992

¹⁶ Agus thug na saighdearan leo e a‑steach don talla, eadhon cùirt an uachdarain: agus ghairm iad a’ chuideachd uile an ceann a chèile.

Am Bìoball Gàidhlig 1992

¹⁶ Agus thug na saighdearan leo e a‑steach don talla, eadhon cùirt an uachdarain: agus ghairm iad a’ chuideachd uile an ceann a chèile.

An Tiomnadh Nuadh anns an Eadar-Theangachadh Ùr Gàidhlig 2017

¹⁶ Agus thug na saighdearan air falbh e a‑steach dhan lùchairt (is e sin am Praetorium), agus ghairm iad còmhla am buidheann shaighdearan gu lèir.

Ann An Gàidhlig an Latha An-diugh 1986

¹⁶ Dh'fhalbh na saighdearan leis a‑steach dhan lùchairt ris an canadh iad am Praetorium, agus ghairm iad còmhla an còrr dhen àireamh.

Tiomnadh Nuadh (MacEachen) 1875

¹⁶ Ach thug na saighdearan leo e a stigh gu cùirt an uachdrain, us ghairm iad am buidheann uile.

Marcus 15:16 Iomraidhean Croise

Eòin 19:9

Agus chaidh e a‑steach a‑rìs do àit a’ bhreitheanais, agus thubhairt e ri Iosa, Cia as dhut? Ach cha tug Iosa freagradh dha.

Eòin 18:28

An sin thug iad Iosa o Chaiaphas gu àit a’ bhreitheanais: agus b’i a’ mhadainn a bha ann, agus cha deachaidh iad fhèin do àit a’ bhreitheanais, a‑chum nach biodh iad air an salachadh; ach gun itheadh iad a’ chàisg.

Mata 26:3

An sin chruinnich uachdarain nan sagart, agus na sgrìobhaichean, agus seanairean a’ phobaill, gu talla an àrd‐shagairt, den goirear Caiaphas,

Gnìomharan 10:1

Agus bha duine àraidh ann an Cesarèa, dom b’ainm Cornelius, ceannard‐ceud den chuideachd ris an abrar a’ chuideachd Eadailteach,

Eòin 18:33

An sin chaidh Pilat a‑steach a‑rìs do àit a’ bhreitheanais, agus ghairm e Iosa, agus thubhairt e ris, An tusa Rìgh nan Iùdhach?

Marcus 15:17

Agus chuir iad uime aodach purpair, agus air dhaibh coron droighinn fhighe, chuir iad air e.

Eòin 19:2

Agus dh’fhigh na saighdearan crùn droighinn, agus chuir iad air a cheann e, agus chuir iad fallaing phurpair uime,