Iosua 8:4 - Am Bìoball Iomraidh Gàidhlig 1880 1992

⁴ Agus dh’àithn e dhaibh, ag ràdh, Feuch, nì sibh feall‐fhalach an aghaidh a’ bhaile, eadhon air cùl a’ bhaile: na rachaibh ro‑fhada on bhaile, ach bithibh uile deas:

Am Bìoball Gàidhlig 1992

⁴ Agus dh’àithn e dhaibh, ag ràdh, Feuch, nì sibh feall-fhalach an aghaidh a’ bhaile, eadhon air cùl a’ bhaile: na rachaibh ro‑fhada on bhaile, ach bithibh uile deas:

Iosua 8:4 Iomraidhean Croise

2 Rìgh 7:12

Agus dh’èirich an rìgh anns an oidhche, agus thubhairt e ra sheirbhisich, Innsidh mi dhuibh a‑nis ciod a rinn na Sirianaich oirnn: tha fhios aca gu bheil sinne acrach, agus chaidh iad a‑mach as a’ champ gu am falach fhèin anns a’ mhachair, ag ràdh, Nuair a thig iad a‑mach as a’ bhaile, glacaidh sinn beò iad, agus thèid sinn a‑steach don bhaile.

2 Eachdraidh 13:13

Ach thug Ierobòam air luchd feall‐fhalaich teachd mun cuairt air an cùlaibh, air chor is gu robh iad fhèin fa chomhair Iùdah, agus an luchd feall‐fhalaich air an cùlaibh.

Eclesiastes 7:19

Neartaichidh gliocas duine glic nas mò na deichnear dhaoine cumhachdach a tha anns a’ chathair.

Eclesiastes 9:16

An sin thubhairt mise, Is fheàrr gliocas na neart: gidheadh, nìthear tàir air gliocas an duine bhochd, agus chan èisdear ra bhriathran.

Gnìomharan 23:21

Ach na aontaich thusa leo: oir tha os cionn dà‑fhichead fear dhiubh ri feall‐fhalach na aghaidh, a chuir iad fhèin fo mhallachadh, nach ith agus nach òl iad gus am marbh iad e: agus a‑nis tha iad ullamh, a’ feitheamh ri gealladh uatsa.

Iosua 8:16

Agus ghairmeadh an sluagh uile a bha ann an Ai an ceann a chèile gu dol air an tòir, agus chaidh iad air tòir Iosua, agus thàirngeadh on bhaile iad.

Iosua 8:3

Agus dh’èirich Iosua agus an sluagh‐cogaidh uile, a dhol suas an aghaidh Ai: agus thagh Iosua a‑mach deich‐mìle‐fichead fear treun ann an neart, agus chuir e air falbh iad anns an oidhche.

Britheamhan 20:29

Agus chuir Israel luchd feall‐fhalaich mun cuairt air Gibeah.

Britheamhan 20:33

Agus dh’èirich clann Israeil uile suas as an àite, agus chuir iad iad fhèin ann an òrdagh catha ann am Bàal‐tàmar: agus thàinig luchd feall‐fhalaich Israeil a‑mach as an àitean, eadhon o uchdaich Ghibeah.

Britheamhan 20:36

Agus chunnaic clann Bheniàmin gun do bhuaileadh iad: oir thug fir Israeil àite do na Beniàminich, a chionn gun d’earb iad ris an luchd feall‐fhalaich a shuidhich iad làimh ri Gibeah.

Britheamhan 9:25

Agus chuir maithean Shecheim luchd feall‐fhalaich air a shon air mullaichean nam beann, agus rinn iad reubainn air gach neach a chaidh seachad orra anns an t‑slighe sin: agus dh’innseadh sin do Abimelech.

Britheamhan 9:32

A‑nis uime sin, èirich suas anns an oidhche, thu fhèin agus an sluagh a tha maille riut, agus dèan feall‐fhalach anns an fhearann:

1 Samuel 15:2

Mar seo tha Tighearna nan sluagh ag ràdh, Is cuimhne leam ciod a rinn na h‑Amalecich air na h‑Israelich, cionnas a chuir iad nan aghaidh anns an t‑slighe, nuair a thàinig iad a‑nìos as an Eiphit.

1 Samuel 15:5

Agus thàinig Saul gu baile le Amalec, agus rinn e feall‐fhalach anns a’ ghleann.