Iosua 6:19 - Am Bìoball Iomraidh Gàidhlig 1880 1992

¹⁹ Ach tha an t‑airgead uile, agus an t‑òr, agus na soithichean umha agus iarainn, coisrigte don Tighearna: thig iad a‑steach do ionmhas an Tighearna.

Am Bìoball Gàidhlig 1992

¹⁹ Ach tha an t‑airgead uile, agus an t‑òr, agus na soithichean umha agus iarainn, coisrigte don Tighearna: thig iad a‑steach do ionmhas an Tighearna.

Iosua 6:19 Iomraidhean Croise

2 Samuel 8:11

Iad sin mar an ceudna choisrig rìgh Daibhidh don Tighearna, maille ris an airgead agus ris an òr a choisrig e o na h‑uile chinnich a cheannsaich e;

1 Rìgh 14:26

Agus thug e leis ionmhasan taigh an Tighearna, agus ionmhasan taigh an rìgh; bhuin e leis eadhon an t‑iomlan: agus thug e leis na sgiathan òir uile a rinn Solamh.

1 Rìgh 7:51

Agus chrìochnaicheadh an obair uile a rinn rìgh Solamh airson taigh an Tighearna: agus thug Solamh a‑steach nithean naomhaichte Dhaibhidh a athair; eadhon an t‑airgead, agus an t‑òr, agus an t‑uidheam, chuir e am measg ionmhas taigh an Tighearna.

2 Rìgh 24:13

Agus thug e a‑mach as a sin uile ionmhasan taigh an Tighearna, agus ionmhasan taigh an rìgh, agus gheàrr e nam bloighdean na soithichean òir uile a rinn Solamh rìgh Israeil ann an teampall an Tighearna, mar a labhair an Tighearna.

1 Eachdraidh 18:11

Iad sin mar an ceudna choisrig rìgh Daibhidh don Tighearna, maille ris an airgead agus an òr a thug e o na cinnich seo uile; o Edom, agus o Mhòab, agus o chloinn Amoin, agus o na Philistich, agus o Amalec.

1 Eachdraidh 26:20

Agus de na Lèbhithich, bha Ahiah os cionn ionmhasan taigh Dhè, agus os cionn ionmhasan nan nithean naomha.

1 Eachdraidh 26:26

B’e Selomit seo agus a bhràithrean, a bha os cionn uile ionmhasan nan nithean coisrigte, a choisrig Daibhidh an rìgh, agus cinn nan athraichean, agus na ceannardan mhìltean agus cheud, agus ceannardan an t‑slòigh.

1 Eachdraidh 26:27

As na cathan agus as na creachan choisrig iad tabhartasan a chàradh taigh an Tighearna.

1 Eachdraidh 26:28

Agus gach uile nì a choisrig Samuel am fear‐seallaidh, agus Saul mac Chis, agus Abner mac Neir, agus Ioab mac Sheruiah; agus ge bè neach a choisrig nì air bith, bha sin fo làimh Shelomit agus a bhràithrean.

1 Eachdraidh 28:12

Agus samhladh nan uile nithean a bha aige na inntinn, a‑thaobh lùchairtean taigh an Tighearna, agus a‑thaobh nan uile sheòmraichean mun cuairt, a‑thaobh ionadan‐ionmhais taigh Dhè, agus a‑thaobh ionadan‐taisgidh nan nithean coisrigte:

2 Eachdraidh 15:18

Agus thug e a‑steach na nithean a naomhaich a athair, agus na nithean a naomhaich e fhèin, do thaigh an Tighearna, airgead, agus òr, agus soithichean.

2 Eachdraidh 31:12

Agus thug iad a‑steach na tabhartasan, agus an deicheamh, agus na nithean naomhaichte gu fìrinneach; agus os an cionn bha Cononiah an Lèbhitheach na fhear‐riaghlaidh, agus Simei a bhràthair anns an àit a b’fhaisge.

Nehemiah 10:38

Agus bidh an sagart, mac Aaroin, maille ris na Lèbhithich, nuair a thogas na Lèbhithich suas leo deicheamh an deichimh gu taigh ar Dè, a‑steach do na seòmraichean, do thaigh an ionmhais:

Ieremiah 38:11

Agus thug Ebed‐melech leis na daoine, agus chaidh e a‑steach do thaigh an rìgh fon taigh‐thasgaidh, agus thug e as a sin seann bhroineagan, agus seann luideagan, agus leig e sìos iad gu Ieremiah don t‑sloc le cùird.

Lebhiticus 19:24

Ach air a’ cheathramh bliadhna bidh a thoradh uile naomh, a‑chum cliù don Tighearna.

Micah 4:13

Èirich agus buail an t‑arbhar, O nighean Shioin; oir nì mise d’adharc na h‑iarann, agus d’iongannan nan umha; agus buailidh tu nam bloighdean mòran chinneach; agus coisrigidh tu an ionmhas don Tighearna; agus am maoin do Thriath na talmhainn uile.

Àireamh 31:11

Agus thug iad leo a’ chreach uile, agus an cobhartach uile, eadar dhaoine agus ainmhidhean.

Àireamh 31:12

Agus thug iad na braighdean agus a’ chreach agus an cobhartach gu Maois agus Eleàsar an sagart, agus gu co‑chruinneachadh chloinn Israeil, a‑chum a’ champa aig còmhnardan Mhòaib, a tha làimh ri Iòrdan am fagas do Iericho.

Àireamh 31:22

A‑mhàin an t‑òr, agus an t‑airgead, an t‑umha, an t‑iarann, an staoin, agus an luaidh,

Mata 27:6

Agus ghlac na h‑àrd‐shagartan na buinn airgid, agus thubhairt iad, Cha chòir an cur anns an ionmhas, oir is luach fala iad.

Marcus 12:41

Agus air do Iosa suidhe fa chomhair àite‐coimhead an ionmhais, thug e fa‑near cionnas a bha am poball a’ cur an airgid anns an ionmhas: agus chuir mòran de dhaoine saoibhir mòran ann.

Iosua 7:11

Pheacaich Israel, agus bhris iad mar an ceudna mo choicheangal a dh’àithn mi dhaibh; oir ghabh iad eadhon den nì mhallaichte, agus mar an ceudna ghoid iad, agus mar an ceudna cheil iad, agus chuir iad eadhon am measg an àirneis fhèin e.