Iosua 17:1 - Am Bìoball Iomraidh Gàidhlig 1880 1992

¹ Bha mar an ceudna crannchur aig treubh Mhanaseh (oir b’esan ciad‐ghin Iòseiph), eadhon aig Machir, ciad‐ghin Mhanaseh, athair Ghilead; a chionn gum b’fhear‐cogaidh e: uime sin bha Gilead agus Basan aige.

Am Bìoball Gàidhlig 1992

¹ Bha mar an ceudna crannchur aig treubh Mhanaseh (oir b’esan ciad-ghin Iòseiph), eadhon aig Machir, ciad-ghin Mhanaseh, athair Ghilead; a chionn gum b’fhear-cogaidh e: uime sin bha Gilead agus Basan aige.

Iosua 17:1 Iomraidhean Croise

Genesis 41:51

Agus thug Iòseph Manaseh mar ainm air a’ chiad‐ghin; oir thug Dia orm, arsa esan, mo shaothair uile a dhìochuimhneachadh, agus taigh m’athar uile.

Genesis 41:52

Agus air an dara mac thug e Ephraim mar ainm; oir thug Dia orm, arsa esan, a bhith sìolmhor ann an tìr m’àmhghair.

Genesis 46:20

Agus rugadh do Iòseph ann an tìr na h‑Èiphit, Manaseh agus Ephraim, a rug Asenat, nighean Photipherah, sagart Oin, dha.

Genesis 48:17

Agus nuair a chunnaic Iòseph gun do chuir a athair a làmh dheas air ceann Ephraim, cha do thaitinn e ris: agus chùm e suas làmh a athar, a‑chum a h‑atharrachadh o cheann Ephraim gu ceann Mhanaseh.

Genesis 48:18

Agus thubhairt Iòseph ra athair, Chan ann mar sin, athair: oir is e seo an ciad‐ghin; cuir do làmh dheas air a cheann.

Genesis 50:23

Agus chunnaic Iòseph clann Ephraim, den treas ginealach: thogadh suas mar an ceudna clann Mhachir mhic Mhanaseh air glùinean Iòseiph.

2 Samuel 2:9

Agus rinn e e na rìgh air Gilead, agus air na h‑Asuraich, agus air Iesreel, agus air Ephraim, agus air Beniàmin, agus air Israel uile.

1 Eachdraidh 2:23

Agus thug e Gesur agus Aram le bailtean Iair uapa, maille ri Cenat agus a bhailtean, eadhon trì‐fichead baile mòr: bhuin iad sin uile do mhic Mhachir, athair Ghilead.

Eseciel 47:13

Mar seo tha an Tighearna Dia ag ràdh, Seo a’ chrìoch leis an sealbhaich sibh am fearann, a rèir dà‑threubh‐dheug Israeil: bidh dà roinn aig Iòseph.

Eseciel 48:4

Agus làimh ri crìch Naphtali, on taobh an ear gus an taobh an iar, aon aig Manaseh.

Àireamh 26:29

De mhic Mhanaseh: o Mhachir, teaghlach nam Machireach; agus ghin Machir Gilead: o Ghilead thàinig teaghlach nan Gileadach.

Àireamh 27:1

An sin thàinig nigheanan Shelophehaid, mhic Hepheir, mhic Ghilead, mhic Mhachir, mhic Mhanaseh, de theaghlaichean Mhanaseh, mhic Iòseiph: agus is iad seo ainmean a nigheanan, Mahlah, Nòah, agus Hoglah, agus Milcah, agus Tirsah.

Àireamh 32:33

Agus thug Maois dhaibh, eadhon do chloinn Ghad, agus do chloinn Reubein, agus do leth‐threubh Mhanaseh mhic Iòseiph, rìoghachd Shihoin rìgh nan Amorach, agus rìoghachd Og rìgh Bhasain, an tìr maille ra bailtean anns na crìochan, eadhon bailtean na dùthcha mun cuairt.

Deuteronomi 21:17

Ach gabhaidh e ri mac na mnà fuathaichte mar an ciad‐ghin, le roinn dhùbailte a thoirt dha de gach nì a tha aige: oir is esan toiseach a neirt, is leis còir a’ chiad‐ghin.

Iosua 17:2

Bha mar an ceudna crannchur aig a’ chuid eile de chloinn Mhanaseh a rèir an teaghlaichean; aig cloinn Abieseir, agus aig cloinn Heleic, agus aig cloinn Asrieil, agus aig cloinn Shecheim, agus aig cloinn Hepheir, agus aig cloinn Shemida: b’iad sin clann‐mhac Mhanaseh mhic Iòseiph, a rèir an teaghlaichean.

Iosua 22:7

A‑nis do aon leth‐threubh Mhanaseh, thug Maois sealbh ann am Basan; ach don leth‐threubh eile dhiubh thug Iosua sealbh am measg am bràithrean air an taobh seo de Iòrdan air an làimh an iar. Agus cuideachd, nuair a chuir Iosua air falbh iad dam pàilleanan, an sin bheannaich e iad.

Britheamhan 5:14

A Ephraim bha freumh dhiubh an aghaidh Amaleic; ad dhèidh‐sa, a Bheniàmin, am measg do sluaigh: à Machir thàinig a‑nuas lagh‐thabhairtairean, agus à Sebulun iadsan a làimhsicheas peann an sgrìobhadair.