Iosua 13:14 - Am Bìoball Iomraidh Gàidhlig 1880 1992

¹⁴ A‑mhàin do threubh Lèbhi cha tug e oighreachd sam bith; is iad ìobairtean an Tighearna Dia Israeil, a bheirear suas le teine, an oighreachd‐san, mar a thubhairt e riu.

Am Bìoball Gàidhlig 1992

¹⁴ A‑mhàin do threubh Lèbhi cha tug e oighreachd sam bith; is iad ìobairtean an Tighearna Dia Israeil, a bheirear suas le teine, an oighreachd-san, mar a thubhairt e riu.

Iosua 13:14 Iomraidhean Croise

Eseciel 44:28

Agus cha bhi oighreachd air bith aca; is mise an oighreachd: agus cha toir sibh dhaibh sealbh air bith ann an Israel; is mise an sealbh.

Eseciel 44:29

Ithidh iad an tabhartas‐bìdh, agus an tabhartas‐peacaidh, agus an tabhartas‐easaontais; agus acasan bidh gach uile nì coisrigte ann an Israel.

Deuteronomi 10:9

Uime sin chan eil aig Lèbhi roinn no oighreachd maille ra bhràithrean: is e an Tighearna as oighreachd dha, a rèir mar a gheall an Tighearna do Dhia dha.

Deuteronomi 12:12

Agus nì sibh gàirdeachas an làthair an Tighearna ur Dia, sibh fhèin, agus ur mic, agus ur nigheanan, agus ur n‑òglaich, agus ur banoglaich, agus an Lèbhitheach a tha an taobh a‑staigh de ur geatachan; do bhrìgh nach eil roinn no oighreachd aige maille ribh.

Deuteronomi 12:19

Thoir an aire dhut fhèin, nach trèig thu an Lèbhitheach am feadh as beò thu air d’fhearann.

Iosua 13:13

Gidheadh, cha d’fhògair clann Israeil a‑mach na Gesuraich, no na Maachataich; ach tha na Gesuraich agus na Maachataich nan còmhnaidh am measg nan Israelach gus an là‑an‑diugh.

Iosua 13:15

Agus thug Maois do threubh chloinn Reubein oighreachd a rèir an teaghlaichean:

Iosua 13:33

Ach do threubh Lèbhi cha tug Maois oighreachd: b’e an Tighearna Dia Israeil e fhèin an oighreachd‐san, mar a thubhairt e riu.

Iosua 18:7

Ach chan eil aig na Lèbhithich roinn sam bith nur measg, oir is i sagartachd an Tighearna an oighreachd‐san: agus fhuair Gad, agus Reuben, agus leth‐threubh Mhanaseh, an oighreachd‐san an taobh thall de Iòrdan air an làimh an ear, a thug Maois, òglach an Tighearna, dhaibh.