Ecsodus 9:6 - Am Bìoball Iomraidh Gàidhlig 1880 1992

⁶ Agus rinn an Tighearna an nì sin air an là màireach, agus fhuair sprèidh na h‑Èiphit uile bàs: ach de sprèidh chloinn Israeil cha d’fhuair a h‑aon bàs.

Am Bìoball Gàidhlig 1992

⁶ Agus rinn an Tighearna an nì sin air an là màireach, agus fhuair sprèidh na h‑Eiphit uile bàs: ach de sprèidh chloinn Israeil cha d’fhuair a h‑aon bàs.

Ecsodus 9:6 Iomraidhean Croise

Salm 78:48

Agus a thug e thairis am feudail don chloich‐mheallain, agus an treudan don tein‐adhair;

Salm 78:50

A rinn e slighe da fheirg, nach do chaomhain e an anam on bhàs, ach a thug e thairis an anam don phlàigh;

Ecsodus 12:12

Oir thèid mise tro thìr na h‑Èiphit air an oidhche seo, agus buailidh mi gach ciad‐ghin ann an tìr na h‑Èiphit, araon duine agus ainmhidh: agus an aghaidh diathan nan Èiphiteach uile cuiridh mi breitheanas an gnìomh; is mise an Tighearna.

Ecsodus 12:29

Agus air meadhon na h‑oidhche sin fhèin bhuail an Tighearna gach ciad‐ghin ann an tìr na h‑Èiphit, o chiad‐ghin Phàraoh a shuidh air a rìgh‐chathair, gu ciad‐ghin a’ chiomaich a bha ann an sloc a’ phrìosain; agus gach ciad‐ghin ainmhidh.

Ecsodus 8:22

Agus cuiridh mi air leth, air an là sin fhèin, fearann Ghòsein, anns a bheil mo shluagh a chòmhnaidh, air chor is nach bi cuileagan sam bith an sin; a‑chum is gum bi fhios agad gur mise an Tighearna ann am meadhon na talmhainn.

Ecsodus 9:25

Agus bhuail a’ chlach‐mheallain air feadh tìr na h‑Èiphit uile gach nì a bha anns a’ mhachair, araon duine agus ainmhidh: agus bhuail a’ chlach‐mheallain uile luibh na machrach, agus bhris i uile chraobhan na machrach.

Ecsodus 9:26

A‑mhàin ann an tìr Ghòsein, far an robh clann Israeil, cha robh clach‐mheallain.

Ecsodus 9:4

Agus cuiridh an Tighearna dealachadh eadar sprèidh Israeil, agus chan fhaigh a’ bheag bàs a dh’aon nì as le cloinn Israeil.

Ecsodus 9:5

Agus shuidhich an Tighearna àm, ag ràdh, A‑màireach nì an Tighearna an nì seo anns an tìr.