Ecsodus 9:15 - Am Bìoball Iomraidh Gàidhlig 1880 1992

¹⁵ Oir a‑nis sìnidh mi a‑mach mo làmh, agus buailidh mi thu fhèin agus do shluagh le plàigh; agus gearrar as thu on talamh.

Am Bìoball Gàidhlig 1992

¹⁵ Oir a‑nis sìnidh mi a‑mach mo làmh, agus buailidh mi thu fhèin agus do shluagh le plàigh; agus gearrar as thu on talamh.

Ecsodus 9:15 Iomraidhean Croise

2 Samuel 7:23

Agus cia an cinneach air thalamh cosmhail rid shluagh‐sa, cosmhail ri Israel, a chaidh Dia a shaoradh mar shluagh dha fhèin, agus a dhèanamh ainme dha fhèin, agus a dhèanamh air an son nithean mòra agus uamhasach, airson do thìre, am fianais do shluaigh a shaor thu dhut fhèin as an Eiphit, o na cinnich agus on diathan?

1 Rìgh 13:34

Agus bha an nì seo na pheacadh do thaigh Ierobòaim, agus a‑chum a ghearradh as, agus a‑chum a sgrios bhàrr aghaidh na talmhainn.

2 Rìgh 17:36

Ach an Tighearna, a thug a‑nìos sibh à tìr na h‑Eiphit le mòr chumhachd, agus le gàirdean sìnte a‑mach, a eagal‐san bidh oirbh, agus dhàsan lùbaidh sibh an glùn, agus dhàsan ìobraidh sibh.

2 Rìgh 19:35

Agus air an oidhche sin fhèin chaidh aingeal an Tighearna a‑mach, agus bhuail e ann an camp nan Asirianach, ceud agus ceithir‐fichead agus còig mìle: agus nuair a dh’èirich iad gu moch anns a’ mhadainn, feuch, bha iad uile nan cuirp mharbha.

Ecsodus 14:28

Agus thill na h‑uisgeachan, agus dh’fhalaich iad na carbadan, agus am marc‐shluagh, agus armailt Phàraoh uile, a thàinig anns an fhairge nan dèidh: cha d’fhàgadh uiread is a h‑aon dhiubh.

Ecsodus 3:20

Agus sìnidh mise a‑mach mo làmh, agus buailidh mi an Èiphit le m’iongantasan uile, a nì mi na meadhon: agus an dèidh sin leigidh e dhuibh imeachd.

Ecsodus 9:14

Oir air an àm seo cuiridh mise mo phlàighean uile air do chridhe‐sa, agus air do sheirbhisich, agus air do shluagh; a‑chum is gum bi fhios agad nach eil neach ann cosmhail riumsa anns an talamh uile.

Ecsodus 9:16

Agus gu deimhinn airson seo thog mi suas thu, a‑chum is gun nochdainn annad mo chumhachd, agus gum biodh m’ainm iomraiteach anns an domhan uile.

Ecsodus 9:3

Feuch, bidh làmh an Tighearna air do sprèidh a tha anns a’ mhachair, air na h‑eich, air na h‑asail, air na càmhail, air a’ chrodh, agus air na caoraich: bidh plàigh ro‑mhòr ann.

Ecsodus 9:6

Agus rinn an Tighearna an nì sin air an là màireach, agus fhuair sprèidh na h‑Èiphit uile bàs: ach de sprèidh chloinn Israeil cha d’fhuair a h‑aon bàs.

Gnàth-fhacal 2:22

Ach gearrar na daoine aingidh bhàrr na talmhainn, agus spìonar luchd‐easaontais as.