Ecsodus 19:21 - Am Bìoball Iomraidh Gàidhlig 1880 1992

²¹ Agus thubhairt an Tighearna ri Maois, Imich sìos, thoir àithne don t‑sluagh, air eagal gum bris iad a‑steach a dh’ionnsaigh an Tighearna a dh’amharc, agus gun tuit mòran dhiubh.

Am Bìoball Gàidhlig 1992

²¹ Agus thubhairt an Tighearna ri Maois, Imich sìos, thoir àithne don t‑sluagh, air eagal gum bris iad a‑steach a dh’ionnsaigh an Tighearna a dh’amharc, agus gun tuit mòran dhiubh.

Ecsodus 19:21 Iomraidhean Croise

Ecsodus 3:3

Agus thubhairt Maois, Tionndaidhidh mi a‑nis a lethtaobh, agus chì mi an sealladh mòr seo, carson nach eil am preas air a losgadh.

Ecsodus 3:5

Agus thubhairt e, Na tig am fagas an seo; cuir dhìot do bhrògan bhàrr do chas, oir an t‑àit air a bheil thu ad sheasamh, is talamh naomh e.

Ecsodus 33:20

Agus thubhairt e, Chan fhaod thu m’aghaidh‐sa fhaicinn; oir chan urrainn duine air bith mise fhaicinn, agus a bhith beò.

Eclesiastes 5:1

Coimhead do chas nuair a thèid thu do thaigh Dhè, agus bi nas deise gu cluinntinn na gu ìobairt nan amadan a thabhairt; oir chan eil iad sin a’ toirt an aire gu bheil iad a’ dèanamh uilc.

Àireamh 4:15

Agus crìochnaichidh Aaron agus a mhic còmhdach an ionaid naoimh, agus uile shoithichean an ionaid naoimh, nuair a bhios an camp gu dol air aghaidh; agus an dèidh sin thig mic Chohait gan giùlan: ach cha bhean iad ri nì naomh sam bith, air eagal gum bàsaich iad. Is iad na nithean sin eallach mic Chohait ann am pàillean a’ choitheanail.

Àireamh 4:18

Na gearraibh as treubh teaghlaichean nan Cohatach o mheasg nan Lèbhitheach.

Àireamh 4:19

Ach seo nì sibh riu, a‑chum gum bi iad beò agus nach bàsaich iad, nuair a thig iad am fagas do na nithean ro‑naomha; thèid Aaron agus a mhic a‑steach, agus òrdaichidh iad iad gach aon da sheirbhis fhèin, agus da eallaich.

Àireamh 4:20

Ach cha tèid iad a‑steach a dh’fhaicinn nuair a chòmhdaichear na nithean naomha, air eagal gum faigh iad bàs.

Deuteronomi 5:5

(Sheas mise eadar an Tighearna agus sibhse anns an àm sin, a nochdadh dhuibh facal an Tighearna: oir bha eagal oirbh ron teine, agus cha deachaidh sibh suas don t‑sliabh), ag ràdh,

1 Samuel 6:19

Ach bhuail e daoine Bhet‐semeis, a chionn gun do sheall iad air àirc an Tighearna; bhuail e eadhon den t‑sluagh trì‐fichead agus deichnear fhear: agus rinn an sluagh caoidh, do bhrìgh gun do bhuail an Tighearna cuid den t‑sluagh le plàigh mhòir.