Ecsodus 15:7 - Am Bìoball Iomraidh Gàidhlig 1880 1992

⁷ Agus ann am meud d’òirdheirceis chlaoidh thu iadsan a dh’èirich suas ad aghaidh; chuir thu d’fhearg a‑mach, loisg i suas iad mar asbhuain.

Am Bìoball Gàidhlig 1992

⁷ Agus ann am meud d’òirdheirceis chlaoidh thu iadsan a dh’èirich suas ad aghaidh; chuir thu d’fhearg a‑mach, loisg i suas iad mar asbhuain.

Ecsodus 15:7 Iomraidhean Croise

Iob 9:4

Glic ann an cridhe, agus treun ann an neart, cò a chruadhaich e fhèin na aghaidh, agus a shoirbhich?

Salm 148:13

Moladh iad sin ainm an Tighearna, oir tha a ainm‐san a‑mhàin urramach, tha a ghlòir os cionn na talmhainn agus nan nèamh.

Salm 59:13

Sgrios iad ann am feirg, sgrios iad, agus na biodh iad ann; agus biodh fhios aig daoine gu bheil Dia na uachdaran ann an Iàcob, gu ruig crìochan na talmhainn. Selah.

Salm 68:33

Dhàsan a tha a’ marcachd air nèamhan nan nèamh o chian! Feuch, tha e a’ cur a‑mach a ghutha, guth neirt.

Salm 83:13

O mo Dhia, dèan iad mar roth, mar asbhuain ron ghaoith.

Ecsodus 14:27

Agus shìn Maois a‑mach a làmh os cionn na fairge, agus thill an fhairge ga neart, nuair a shoillsich a’ mhadainn; agus theich na h‑Èiphitich na h‑aghaidh; agus chuir an Tighearna na h‑Èiphitich fodha ann am meadhon na fairge.

Ecsodus 5:12

Uime sin sgaoileadh an sluagh air feadh tìr na h‑Èiphit uile, a chruinneachadh asbhuain an àite connlaich.

Ecsodus 9:16

Agus gu deimhinn airson seo thog mi suas thu, a‑chum is gun nochdainn annad mo chumhachd, agus gum biodh m’ainm iomraiteach anns an domhan uile.

Isaiah 37:17

Crom, O Thighearna, do chluas, agus cluinn; fosgail, O Thighearna, do shùilean, agus faic; agus cluinn uile bhriathran Shenacherib, a chuir e a mhaslachadh an Dè bheò.

Isaiah 37:23

Cò don tug thu masladh agus toibheum? Agus cò a thog thu do ghuth na aghaidh, agus a thog thu suas do shùilean gu h‑àrd? An ann an aghaidh Tì naomh Israeil?

Isaiah 37:29

A chionn gun tàinig do bhoile am aghaidh, agus d’àrdan a‑nìos gum chluasan; air an adhbhar sin cuiridh mi mo dhubhan ann ad shròin, agus mo shrian ann ad bheul; agus tillidh mi air d’ais thu air an t‑slighe air an tàinig thu.

Isaiah 37:36

Agus chaidh aingeal an Tighearna a‑mach, agus bhuail e ann an camp nan Asirianach ceud agus ceithir‐fichead agus còig mìle; agus nuair a dh’èirich daoine anns a’ mhadainn, bha iad sin uile nan cuirp mharbha.

Isaiah 37:38

Agus thàrladh, nuair a bha e ri adhradh ann an taigh Nisroch, a dhia, gun do bhuail Adramelec agus Sareser, a mhic, e leis a’ chlaidheamh, agus theich iad do thìr Armenia; agus rìghich Esarhadan a mhac na àite.

Isaiah 47:14

Feuch, bidh iad mar asbhuain, loisgidh an teine suas iad; cha tèarainn iad an anaman fhèin o chumhachd na lasrach; chan fhàgar fiù èibhleig gu neach a gharadh, no teine gu suidhe làimh ris.

Isaiah 5:16

Ach bidh Tighearna nan sluagh air àrdachadh ann am breitheanas; agus bidh an Dia naomh air a naomhachadh ann an ceartas.

Isaiah 5:24

Uime sin mar a dh’imlicheas teanga an teine suas an asbhuain, agus a chnàmhas an lasair am moll, mar sin bidh am freumh‐san mar fhiodh grod, agus thèid am blàth suas mar dhuslach; a chionn gun do dhiùlt iad le tàir lagh Tighearna nan sluagh, agus gun do chuir iad cùl ri facal Tì naomh Israeil.

Ieremiah 10:6

Chan eil aon neach ann cosmhail riutsa, O Thighearna; Is mòr thu, agus is mòr d’ainm ann an cumhachd.

Micah 4:11

A‑nis fòs tha mòran chinneach air cruinneachadh ad aghaidh, a tha ag ràdh, Biodh i air a truailleadh, agus faiceadh ar sùil ar miann air Sion.

Sechariah 14:3

Agus thèid an Tighearna a‑mach, agus cogaidh e an aghaidh nan cinneach sin, mar a chog e ann an là a’ chatha.

Sechariah 14:8

Agus tàrlaidh air an là sin, gun tèid uisgeachan beò a‑mach à Ierusalem; leth dhiubh ris an fhairge an ear, agus leth dhiubh ris an fhairge an iar: anns an t‑samhradh agus anns a’ gheamhradh bidh e.

Sechariah 2:8

Oir mar seo tha Tighearna nan sluagh ag ràdh, An dèidh na glòire seo chuir e mise a‑chum nan cinneach a chreach sibhse; oir an tì a bheanas ribhse, beanaidh e ri cloich a shùla‑san.

Malachi 4:1

Oir feuch, tha an là a’ teachd, a loisgeas mar àmhainn; agus bidh na h‑uaibhrich uile, seadh, gach neach a tha ri aingidheachd, mar asbhuain: agus loisgidh an là a tha a’ teachd suas iad, tha Tighearna nan sluagh ag ràdh; oir chan fhàg e bun no bàrr dhiubh.

Mata 3:12

Aig a bheil a’ ghuit na làimh, agus glanaidh e gu ro‑bhuileach a ùrlar‐bualaidh, agus cruinnichidh e a chruithneachd da thaigh‐tasgaidh; ach loisgidh e am moll le teine nach faodar a mhùchadh.

Gnìomharan 9:4

Agus air tuiteam dha air an talamh, chuala e guth ag ràdh ris, A Shauil, a Shauil, carson tha thu gam gheur‐leanmhainn‐sa?

Deuteronomi 33:26

Chan eil neach cosmhail ri Dia Iesuruin, a tha a’ marcachd air nèamh ad chòmhnadh, agus na mhòrachd air na speuran.

Deuteronomi 4:24

Oir is teine dian‐loisgeach an Tighearna do Dhia; is Dia eudmhor e.

Eabhraidhich 12:29

Oir tha ar Dia‐ne na theine dian‐loisgeach.