Ecsodus 14:7 - Am Bìoball Iomraidh Gàidhlig 1880 1992

⁷ Agus thug e leis sia ceud carbad taghte, agus uile charbadan na h‑Èiphit, agus ceannardan orra uile.

Am Bìoball Gàidhlig 1992

⁷ Agus thug e leis sia ceud carbad taghte, agus uile charbadan na h‑Eiphit, agus ceannardan orra uile.

Ecsodus 14:7 Iomraidhean Croise

Genesis 50:9

Agus chaidh suas maille ris araon carbadan agus marc‐shluagh: agus bha a’ chuideachd ro‑mhòr.

Salm 20:7

Earbaidh cuid à carbadan, agus cuid à eich, ach cuimhnichidh sinne ainm an Tighearna ar Dia.

Salm 68:17

Tha carbadan Dhè nam fichead mìle, le mìltean de mhìltean aingeal; tha an Tighearna nam measg, mar ann an Sinài, anns an ionad naomh.

Ecsodus 14:23

Agus lean na h‑Èiphitich, agus chaidh iad a‑steach nan dèidh gu meadhon na fairge, eadhon eich Phàraoh uile, a charbadan, agus a mharc‐shluagh.

Ecsodus 14:6

Agus bheartaich e a charbad, agus thug e a shluagh maille ris;

Ecsodus 14:8

Agus chruadhaich an Tighearna cridhe Phàraoh rìgh na h‑Èiphit, agus lean e air tòir chloinn Israeil: agus chaidh clann Israeil a‑mach le làimh àird.

Ecsodus 15:4

Carbadan Phàraoh agus a armailt thilg e anns an fhairge; agus tha rogha a cheannardan air am bàthadh anns an fhairge ruaidh.

Isaiah 37:24

Led luchd‐muinntir mhaslaich thu an Tighearna, agus thubhairt thu, Le lìonmhorachd mo charbad dhìrich mi àirde nam beann, sliosan Lebanoin; agus gearraidh mi sìos a’ chuid as àirde de a chraobhan seudair, rogha a chraobhan giuthais; agus thèid mi a‑steach do ionad àrd a chrìche, frìth a Charmeil.

Britheamhan 4:15

Agus sgrios an Tighearna Sisera, agus a charbadan uile, agus a shluagh uile, le faobhar a’ chlaidheimh ro Bharac: agus theirinn Sisera sìos o a charbad, agus theich e as da chois.

Britheamhan 4:3

Agus ghlaodh clann Israeil ris an Tighearna: oir bha naoi ceud carbad iarainn aige; agus rinn e ainneart air cloinn Israeil gu ro‑mhòr rè fichead bliadhna.