Ecsodus 13:18 - Am Bìoball Iomraidh Gàidhlig 1880 1992

¹⁸ Ach threòraich Dia an sluagh mun cuairt, air slighe fàsach na mara ruaidhe: agus chaidh clann Israeil suas ann an òrdagh catha à tìr na h‑Èiphit.

Am Bìoball Gàidhlig 1992

¹⁸ Ach threòraich Dia an sluagh mun cuairt, air slighe fàsach na mara ruaidhe: agus chaidh clann Israeil suas ann an òrdagh catha à tìr na h‑Eiphit.

Ecsodus 13:18 Iomraidhean Croise

Genesis 50:25

Agus ghabh Iòseph mionnan de chloinn Israeil, ag ràdh, Amhaircidh Dia gu cinnteach oirbhse, agus giùlainidh sibh mo chnàmhan‐sa suas as a seo.

Salm 107:7

Agus threòraich e iad air slighe cheirt, a‑chum gun rachadh iad gu baile tàimh.

Salm 136:16

Dhàsan a threòraich a shluagh tron fhàsach, oir gu bràth mairidh a thròcair;

Salm 68:8

Chriothnaich an talamh, shil mar an ceudna na nèamhan; leagh na beanntan o làthair Dhè, Sinài sin fhèin o làthair an Tighearna, Dia Israeil.

Ecsodus 12:51

Agus, air an là sin fhèin, thug an Tighearna a‑mach clann Israeil à tìr na h‑Èiphit, a rèir an slògh.

Ecsodus 14:2

Labhair ri cloinn Israeil, gun till iad, agus gun campaich iad fa chomhair Phi‐hahiroit, eadar Migdol agus an fhairge, fa chomhair Bhàal‐sèphoin; fa choinneamh‐san campaichidh sibh làimh ris an fhairge.

Ecsodus 14:9

Ach chaidh na h‑Èiphitich air an tòir (eich agus carbadan Phàraoh, agus a mharc‐shluagh, agus a armailt uile), agus rug iad orra, agus iad a’ campachach làimh ris an fhairge, làimh ri Pi‑hahirot, fa chomhair Bhàal‐sèphoin.

Deuteronomi 17:16

Ach cha chuir e eich an lìonmhorachd dha fhèin, cha mhò a bheir e air an t‑sluagh tilleadh don Eiphit, a‑chum is gun cuir e eich an lìonmhorachd: do bhrìgh gun dubhairt an Tighearna ribh, Cha till sibh o seo a‑mach nas mò air an t‑slighe sin.

Deuteronomi 32:10

Fhuair e ann am fearann fàs e, eadhon ann am fàsach falamh, làn ulfhartaich: threòraich e mun cuairt e, theagaisg e e, ghlèidh e mar ubhal a shùla e.

Iosua 1:14

Fanaidh ur mnathan, ur clann bheag, agus ur sprèidh, anns an tìr a thug Maois dhuibh air an taobh seo de Iòrdan; ach thèid sibh fhèin thairis fo ur n‑airm ro ur bràithrean, sibhse uile a tha treun ann an neart, agus cuidichidh sibh leo;

Iosua 4:12

Agus chaidh clann Reubein, agus clann Ghad, agus leth‐threubh Mhanaseh, thairis fo an airm ro chloinn Israeil, mar a labhair Maois riu:

Iosua 4:13

Chaidh thairis mu thimcheall dà‑fhichead mìle, deas airson cogaidh, an làthair an Tighearna gu cath, do chòmhnardan Iericho.