Iosua 9:6 - Am Bìoball Gàidhlig 1992

⁶ Agus chaidh iad a dh’ionnsaigh Iosua don champ gu Gilgal, agus thubhairt iad ris, agus ri fir Israeil, Thàinig sinne o dhùthaich fad as; a‑nis uime sin dèanaibh coicheangal rinn.

Am Bìoball Iomraidh Gàidhlig 1880 1992

⁶ Agus chaidh iad a dh’ionnsaigh Iosua don champ gu Gilgal, agus thubhairt iad ris, agus ri fir Israeil, Thàinig sinne o dhùthaich fad as; a‑nis uime sin dèanaibh coicheangal rinn.

Iosua 9:6 Iomraidhean Croise

1 Rìgh 8:41

Os bàrr, a‑thaobh coigrich nach eil ded shluagh Israel, ach a thig à tìr chèin air sgàth d’ainme-sa;

2 Rìgh 20:14

An sin thàinig Isaiah am fàidh gu rìgh Heseciah, agus thubhairt e ris, Ciod a thubhairt na daoine seo? Agus cia as a thàinig iad ad ionnsaigh? Agus thubhairt Heseciah, Thàinig iad o thìr chèin, o Bhàbilon.

Iosua 10:43

Agus thill Iosua, agus Israel uile maille ris, don champ gu Gilgal.

Iosua 10:6

Agus chuir fir Ghibeoin fios gu Iosua, don champ gu Gilgal, ag ràdh, Na dèanadh do làmh moille od sheirbhisich: thig a‑nìos dar n‑ionnsaigh gu grad, agus saor sinn, agus cuidich leinn: oir tha rìghrean nan Amorach uile a tha nan còmhnaidh anns na beanntan air cruinneachadh ri chèile nar n‑aghaidh.

Iosua 4:19

Agus thàinig an sluagh a‑nìos à Iòrdan air an deicheamh là den chiad mhìos, agus champaich iad ann an Gilgal, anns an iomall a làimh na h‑àird an ear de Iericho.

Iosua 5:10

Agus champaich clann Israeil ann an Gilgal, agus chùm iad a’ chàisg, air a’ cheathramh-là‑deug den mhìos anns an fheasgar, ann an còmhnardan Iericho.

Iosua 9:5

Agus brògan a bha sean agus càraichte air an casan, agus seann aodach orra; agus bha aran an lòin uile tioram agus liath.

Iosua 9:9

Agus thubhairt iad ris, O dhùthaich ro‑fhada air astar thàinig do sheirbhisich, air sgàth ainm an Tighearna do Dhia: oir chuala sinn a iomradh-san, agus gach nì a rinn e anns an Eiphit,