Iosua 9:18 - Am Bìoball Gàidhlig 1992

¹⁸ Agus cha do bhuail clann Israeil iad a chionn gun do mhionnaich uachdarain a’ cho-chruinneachaidh dhaibh air an Tighearna, Dia Israeil. Agus rinn an co‑chruinneachadh uile gearan an aghaidh nan uachdaran.

Am Bìoball Iomraidh Gàidhlig 1880 1992

¹⁸ Agus cha do bhuail clann Israeil iad a chionn gun do mhionnaich uachdarain a’ cho‐chruinneachaidh dhaibh air an Tighearna, Dia Israeil. Agus rinn an co‑chruinneachadh uile gearan an aghaidh nan uachdaran.

Iosua 9:18 Iomraidhean Croise

2 Samuel 21:7

Ach chaomhain an rìgh Mephiboset mac Ionatain mhic Shauil, airson mionnan an Tighearna, a bha eatorra, eadar Daibhidh agus Ionatan mac Shauil.

Salm 15:4

Leis an suarach an droch dhuine, ach a bheir urram dhaibhsan air am bi eagal an Tighearna; a mhionnaicheas a‑chum a challdaich fhèin, agus nach caochail;

Eclesiastes 5:2

Na bi bras led bheul, agus na luathaicheadh do chridhe gu nì a labhairt an làthair Dhè: oir tha Dia air nèamh, agus thusa air thalamh: uime sin biodh do bhriathran tearc.

Eclesiastes 5:6

Na leig led bheul a thoirt air d’fheòil peacachadh; agus na abair an làthair an aingil gum bu mhearachd e; cuim am biodh fearg air Dia airson do ghutha-sa, agus an sgriosadh e obair do làmh?

Eclesiastes 9:2

Thig na h‑uile nithean air aon seòl do na h‑uile dhaoine: tachraidh an aon nì don fhìrean agus don aingidh; don mhath, agus don ghlan, agus don neòghlan; dhàsan a dh’ìobras, agus dhàsan nach ìobair: mar a tha an duine math, is ann mar sin a tha am peacach; agus esan a mhionnaicheas, mar an tì air a bheil eagal mhionn.

Àireamh 30:3

Mar an ceudna, ma bhòidicheas bean bòid don Tighearna, agus gun ceangail i i fhèin le ceangal, agus i ann an taigh a h‑athar na h‑òige;

Deuteronomi 23:22

Ach ma dh’fhanas tu gun bhòid a thabhairt, cha bhi e na pheacadh dhut.

Deuteronomi 23:23

An nì sin a chaidh a‑mach as do bhilean, coimheadaidh agus coileanaidh tu; a rèir mar a bhòidich thu don Tighearna do Dhia, eadhon tabhartas saor-thoile, a gheall thu led bheul.

Deuteronomi 23:24

Nuair a thèid thu a‑steach do fhìonlios do choimhearsnaich, an sin faodaidh tu fìondhearcan ithe mar as miann leat, eadhon do shàth; ach cha chuir thu a’ bheag ad shoitheach.

Iosua 9:17

Agus chaidh clann Israeil air an aghaidh, agus thàinig iad a dh’ionnsaigh am bailtean air an treas là: a‑nis b’iad am bailtean Gibeon, agus Chephirah, agus Beerot, agus Ciriat-iearim.

Iosua 9:19

Ach thubhairt na h‑uachdarain uile ris a’ cho-chruinneachadh uile, Mhionnaich sinn dhaibh air an Tighearna, Dia Israeil; agus uime sin chan fhaod sinn beantainn riu.