Iosua 10:7 - Am Bìoball Gàidhlig 1992

⁷ Agus chaidh Iosua suas o Ghilgal, e fhèin, agus an sluagh-cogaidh uile maille ris, agus na fir threuna uile.

Am Bìoball Iomraidh Gàidhlig 1880 1992

⁷ Agus chaidh Iosua suas o Ghilgal, e fhèin, agus an sluagh‐cogaidh uile maille ris, agus na fir threuna uile.

Iosua 10:7 Iomraidhean Croise

Isaiah 8:12

Na abraibh-sa co‑bhainn ris gach nì ris an abair an sluagh seo co‑bhainn; agus na gabhaibh eagal ron uamhas-san, agus na biodh geilt oirbh.

Isaiah 8:14

Agus bidh e na ionad naomh; ach na chloich-thuislidh, agus na charraig-oilbheim do dhà thaigh Israeil, na lìon agus na ribe do luchd-àiteachaidh Ierusaleim.

Iosua 10:6

Agus chuir fir Ghibeoin fios gu Iosua, don champ gu Gilgal, ag ràdh, Na dèanadh do làmh moille od sheirbhisich: thig a‑nìos dar n‑ionnsaigh gu grad, agus saor sinn, agus cuidich leinn: oir tha rìghrean nan Amorach uile a tha nan còmhnaidh anns na beanntan air cruinneachadh ri chèile nar n‑aghaidh.

Iosua 8:1

Agus thubhairt an Tighearna ri Iosua, Na gabh eagal, agus na bi fo gheilt; gabh an sluagh-cogaidh uile maille riut, agus èirich, imich suas gu Ai: feuch, thug mi thairis dod làimh rìgh Ai, agus a shluagh, agus a bhaile, agus a fhearann.

Iosua 8:3

Agus dh’èirich Iosua agus an sluagh-cogaidh uile, a dhol suas an aghaidh Ai: agus thagh Iosua a‑mach deich-mìle-fichead fear treun ann an neart, agus chuir e air falbh iad anns an oidhche.