Ecsodus 19:1 - Am Bìoball Gàidhlig 1992

¹ Anns an treas mìos an dèidh do chloinn Israeil teachd a‑mach à tìr na h‑Eiphit, anns an là sin fhèin thàinig iad gu fàsach Shinài.

Am Bìoball Iomraidh Gàidhlig 1880 1992

¹ Anns an treas mìos an dèidh do chloinn Israeil teachd a‑mach à tìr na h‑Èiphit, anns an là sin fhèin thàinig iad gu fàsach Shinài.

Ecsodus 19:1 Iomraidhean Croise

Ecsodus 12:2

Bidh am mìos seo dhuibh na thoiseach nam mìos: bidh e dhuibh na chiad mhìos na bliadhna.

Ecsodus 12:51

Agus, air an là sin fhèin, thug an Tighearna a‑mach clann Israeil à tìr na h‑Eiphit, a rèir an slògh.

Ecsodus 12:6

Agus gleidhidh sibh a‑staigh e, gu ruig an ceathramh-là‑deug den mhìos seo; agus marbhaidh co‑chruinneachadh iomlan chloinn Israeil e anns an fheasgar.

Ecsodus 16:1

Agus dh’fhalbh iad o Elim, agus thàinig coitheanal chloinn Israeil uile gu fàsach Shin a tha eadar Elim agus Sinài, air a’ chòigeamh-là‑deug den dara mìos an dèidh dhaibh teachd a‑mach à tìr na h‑Eiphit.

Ecsodus 3:12

Agus thubhairt e, Bidh mise gu cinnteach leat; agus bidh seo na chomharradh dhut, gun do chuir mise uam thu: nuair a bheir thu a‑mach an sluagh as an Eiphit, nì sibh adhradh do Dhia air an t‑sliabh seo.

Ecsodus 40:2

Air a’ chiad là den chiad mhìos cuiridh tu suas pàillean bùth a’ choitheanail.

Eseciel 20:10

Air an adhbhar sin thug mi orra dol a‑mach à tìr na h‑Eiphit, agus thug mi iad a‑chum an fhàsaich:

Àireamh 1:1

Agus labhair an Tighearna ri Maois ann am fàsach Shinài, ann am pàillean a’ choitheanail, air a’ chiad là den dara mìos, anns an dara bliadhna an dèidh dhaibh teachd a‑mach à tìr na h‑Eiphit, ag ràdh,

Àireamh 10:12

Agus ghabh clann Israeil an turasan à fàsach Shinài; agus stad an neul ann am fàsach Phàrain.

Àireamh 3:14

Agus labhair an Tighearna ri Maois ann am fàsach Shinài, ag ràdh,

Àireamh 33:15

Agus dh’imich iad o Rephidim, agus champaich iad ann am fàsach Shinài.

Deuteronomi 1:6

Labhair an Tighearna ar Dia rinn ann an Hòreb, ag ràdh, Ghabh sibh còmhnaidh fada gu leòr anns an t‑sliabh seo:

Deuteronomi 4:10

Gu h‑àraidh an là a sheas thu an làthair an Tighearna do Dhia ann an Hòreb, nuair a thubhairt an Tighearna riumsa, Tionail thugam an sluagh ri chèile, agus bheir mi orra mo bhriathran a chluinntinn, a‑chum gum fòghlaim iad eagal a ghabhail romham rè nan uile làithean a bhios iad beò air an talamh, agus gun teagaisg iad an clann.

Deuteronomi 4:15

Thugaibh uime sin an aire mhath dhuibh fhèin (oir chan fhaca sibh gnè coslais sam bith anns an là air an do labhair an Tighearna ribh ann an Hòreb, à meadhon an teine),

Deuteronomi 5:2

Rinn an Tighearna ar Dia coicheangal rinn ann an Hòreb.