Ecsodus 12:12 - Am Bìoball Gàidhlig 1992

¹² Oir thèid mise tro thìr na h‑Eiphit air an oidhche seo, agus buailidh mi gach ciad-ghin ann an tìr na h‑Eiphit, araon duine agus ainmhidh: agus an aghaidh diathan nan Eiphiteach uile cuiridh mi breitheanas an gnìomh; is mise an Tighearna.

Am Bìoball Iomraidh Gàidhlig 1880 1992

¹² Oir thèid mise tro thìr na h‑Èiphit air an oidhche seo, agus buailidh mi gach ciad‐ghin ann an tìr na h‑Èiphit, araon duine agus ainmhidh: agus an aghaidh diathan nan Èiphiteach uile cuiridh mi breitheanas an gnìomh; is mise an Tighearna.

Ecsodus 12:12 Iomraidhean Croise

1 Eachdraidh 14:12

Agus dh’fhàg iad an diathan an sin, agus thug Daibhidh àithne, agus loisgeadh iad le teine.

Salm 135:8

A bhuail ciad-ghin na h‑Eiphit, araon duine agus ainmhidh,

Salm 82:1

Tha Dia na sheasamh ann an coitheanal nan cumhachdach; am measg nan diathan bheir e breith.

Salm 82:6

Thubhairt mi, Is diathan sibh, agus is mic sibh uile don Tì as àirde.

Salm 91:7

Tuitidh mìle rid thaobh, agus deich mìle air do làimh dheis, ach cha tig e am fagas dhut.

Salm 95:3

Oir is Dia mòr ar Tighearna, agus is Rìgh mòr e os cionn nan uile dhiathan.

Ecsodus 12:23

Agus thèid an Tighearna thairis a bhualadh nan Eiphiteach; agus nuair a chì e an fhuil air an àrd-doras, agus air an dà ursainn, thèid an Tighearna thairis air an doras, agus cha leig e leis a’ mhilltear teachd a‑steach dur taighean gu ur bualadh.

Ecsodus 18:11

A‑nis, tha fhios agam gur mò an Tighearna na na h‑uile dhiathan; oir anns an nì sin anns an do rinn iad gu h‑uaibhreach, bha esan os an cionn.

Ecsodus 21:6

An sin bheir a mhaighistir e a‑chum nam britheamh; bheir e mar an ceudna a‑chum an dorais e, no a‑chum ursann an dorais, agus tollaidh a mhaighistir a chluas le minidh, agus nì e seirbhis dha gu bràth.

Ecsodus 22:28

Air britheamhan cha labhair thu olc, agus uachdaran do shluaigh cha chàin thu.

Ecsodus 6:2

Agus labhair Dia ri Maois, agus thubhairt e ris, Is mise an Tighearna.

Ecsodus 9:6

Agus rinn an Tighearna an nì sin air an là màireach, agus fhuair sprèidh na h‑Eiphit uile bàs: ach de sprèidh chloinn Israeil cha d’fhuair a h‑aon bàs.

Isaiah 19:1

Trom-eallach na h‑Eiphit. Feuch tha an Tighearna a’ marcachd air neul luath, agus a’ teachd don Eiphit; agus bidh iodhalan na h‑Eiphit air an gluasad na fhianais; agus leaghaidh cridhe na h‑Eiphit na meadhon.

Ieremiah 43:12

Agus fadaidh mise teine ann an taighean diathan na h‑Eiphit; agus loisgidh esan iad, agus bheir e air falbh nam braighdean iad, agus èididh e e fhèin le tìr na h‑Eiphit, mar a dh’èideas buachaille e fhèin le a thrusgan; agus thèid e a‑mach as a sin ann an sìth.

Ieremiah 43:13

Brisidh e fòs dealbhan taigh na grèine a tha an tìr na h‑Eiphit; agus taighean diathan na h‑Eiphit loisgidh e le teine.

Ieremiah 46:25

Thubhairt Tighearna nan sluagh, Dia Israeil, Feuch, smachdaichidh mise Amon, No, agus Phàraoh, agus an Eiphit, agus a diathan, agus a rìghrean; eadhon Phàraoh agus iadsan a tha a’ cur an dòchais ann.

Eseciel 12:16

Agus fàgaidh mi beagan fhear dhiubh on chlaidheamh, on ghort, agus on phlàigh, a‑chum gun cuir iad an cèill an uile ghràinealachdan am measg nan cinneach gus an tig iad; agus aithnichidh iad gur mise an Tighearna.

Amos 5:17

Agus anns a h‑uile fhìonlios bidh caoineadh: oir gabhaidh mise tro do mheadhon, deir an Tighearna.

Sephaniah 2:11

Bidh an Tighearna uamhasach nan aghaidh: oir bheir e gort air uile dhiathan na talmhainn; agus bheir iad adhradh dhàsan, gach aon o a àite fhèin, eadhon uile eileanan nan cinneach.

Àireamh 33:4

(Oir dh’adhlaic na h‑Eiphitich an ciad-ghin uile, a bhuail an Tighearna nam measg: air an diathan mar an ceudna chuir an Tighearna breitheanas an gnìomh.)

1 Samuel 5:3

Agus nuair a dh’èirich muinntir Asdoid gu moch air an là màireach, feuch, bha Dàgon air tuiteam air a aghaidh a dh’ionnsaigh an làir fa chomhair àirc an Tighearna: agus ghabh iad Dàgon, agus chuir iad a‑rìs e na àite fhèin.

1 Samuel 6:5

Uime sin nì sibh dealbhan ur neasgaidean, agus dealbhan ur luchan, a tha a’ milleadh na tìre; agus bheir sibh glòir do Dhia Israeil: theagamh gun aotromaich e a làmh dhibh, agus de ur diathan, agus de ur tìr.