Ecsodus 11:5 - Am Bìoball Gàidhlig 1992

⁵ Agus gheibh gach ciad-ghin ann an tìr na h‑Eiphit bàs, o chiad-ghin Phàraoh, a tha na shuidhe air a rìgh-chathair, eadhon gu ciad-ghin na ban-tràille a tha air cùl a’ mhuilinn, agus uile chiad-ghin nan ainmhidhean.

Am Bìoball Iomraidh Gàidhlig 1880 1992

⁵ Agus gheibh gach ciad‐ghin ann an tìr na h‑Èiphit bàs, o chiad‐ghin Phàraoh, a tha na shuidhe air a rìgh‐chathair, eadhon gu ciad‐ghin na ban‐tràille a tha air cùl a’ mhuilinn, agus uile chiad‐ghin nan ainmhidhean.

Ecsodus 11:5 Iomraidhean Croise

Salm 105:36

Agus bhuail e gach ciad-ghin nan tìr, toiseach an neirt uile.

Salm 135:8

A bhuail ciad-ghin na h‑Eiphit, araon duine agus ainmhidh,

Salm 136:10

Dhàsan a bhuail na h‑Eiphitich nan ciad-ghinean, oir gu bràth mairidh a thròcair;

Salm 78:51

Agus a bhuail e gach ciad-ghin anns an Eiphit, toiseach an neirt ann am pàilleanan Ham;

Ecsodus 12:12

Oir thèid mise tro thìr na h‑Eiphit air an oidhche seo, agus buailidh mi gach ciad-ghin ann an tìr na h‑Eiphit, araon duine agus ainmhidh: agus an aghaidh diathan nan Eiphiteach uile cuiridh mi breitheanas an gnìomh; is mise an Tighearna.

Ecsodus 12:29

Agus air meadhon na h‑oidhche sin fhèin bhuail an Tighearna gach ciad-ghin ann an tìr na h‑Eiphit, o chiad-ghin Phàraoh a shuidh air a rìgh-chathair, gu ciad-ghin a’ chiomaich a bha ann an sloc a’ phrìosain; agus gach ciad-ghin ainmhidh.

Ecsodus 13:15

Agus nuair a chruadhaich Phàraoh e fhèin, agus nach b’àill leis ar leigeadh air falbh, an sin mharbh an Tighearna gach ciad-ghin ann an tìr na h‑Eiphit, araon ciad-ghin duine, agus ciad-ghin ainmhidh; air an adhbhar sin, ìobraidh mi don Tighearna gach nì a dh’fhosglas a’ bhrù, mas fireann iad, ach uile chiad-ghin mo chloinne fuasglaidh mi.

Ecsodus 4:23

Agus tha mi ag ràdh riut, Leig lem mhac imeachd, a‑chum is gun dèan e seirbhis dhomh; agus ma dhiùltas tu leigeadh leis imeachd, feuch, marbhaidh mise do mhac-sa, eadhon do chiad-ghin.

Isaiah 47:2

Gabh na clachan-muilinn agus bleith min; leig ris do chiabhan, rùisg do throigh, leig ris do chas, imich tro na h‑aibhnichean.

Tuireadh Ieremiah 5:13

Ghabh iad na h‑òganaich gu meileadh, agus thuit a’ chlann fon chonnadh.

Mata 24:41

Bidh dithis bhan a’ meileadh anns a’ mhuileann; gabhar aon dhiubh, agus fàgar an aon eile.

Eabhraidhich 11:28

Tre chreideamh ghlèidh e a’ chàisg, agus an dòrtadh fala, a‑chum nach beanadh an tì a sgrios na ciad-ghin riùsan.

Britheamhan 16:21

Ach ghlac na Philistich e, agus chuir iad a‑mach a shùilean; agus thug iad sìos e gu Gàsa, agus cheangail iad e le geimhlean umha, agus bha e a’ bleith ann an taigh a’ phrìosain.