1 Eachdraidh 16:4 - Am Bìoball Gàidhlig 1992

⁴ Agus dh’òrdaich e cuid de na Lèbhithich a fhrithealadh ro àirc an Tighearna, agus a chur air chuimhne agus a thoirt buidheachais agus cliù don Tighearna Dia Israeil:

Am Bìoball Iomraidh Gàidhlig 1880 1992

⁴ Agus dh’òrdaich e cuid de na Lèbhithich a fhrithealadh ro àirc an Tighearna, agus a chur air chuimhne agus a thoirt buidheachais agus cliù don Tighearna Dia Israeil:

1 Eachdraidh 16:4 Iomraidhean Croise

Genesis 17:7

Agus daingnichidh mi mo choicheangal eadar mise agus thusa agus do shliochd ad dhèidh nan ginealaichean, mar choicheangal sìorraidh, gu bhith am Dhia dhutsa agus dod shliochd ad dhèidh.

Genesis 32:28

Agus thubhairt esan, Cha ghoirear Iàcob nas mò riut mar ainm, ach Israel: oir bha cumhachd agad mar uachdaran ri Dia, agus ri daoine, agus thug thu buaidh.

Genesis 33:20

Agus chuir e suas altair an sin, agus thug e El‑Elohe-Israel mar ainm oirre.

1 Rìgh 8:15

Agus thubhairt e, Guma beannaichte an Tighearna Dia Israeil, a labhair le a bheul fhèin rim athair Daibhidh, agus a choilean e le a làimh, ag ràdh,

1 Eachdraidh 15:16

Agus labhair Daibhidh ri uachdarain nan Lèbhitheach, am bràithrean òrdachadh a bhith nan luchd-ciùil le innealan-ciùil, saltairean, agus clàrsaichean, agus ciombalan, a’ dèanamh fuaim, a’ togail suas a’ ghutha le aoibhneas.

1 Eachdraidh 16:3

Agus roinn e air gach aon de Israel, eadar fhir agus mhnathan, do gach aon, buileann arain, agus mìr math feòla, agus cupan fìona.

1 Eachdraidh 16:5

Aspah an ceann, agus na dhèidh-san Sechariah, an sin Ieiel, agus Semiramot, agus Ieheil, agus Matitiah, agus Eliab, agus Benaiah, agus Obed-edom; agus Ieiel le saltairean agus clàrsaichean; agus Asaph le ciombalan a’ dèanamh fuaim:

1 Eachdraidh 16:8

Molaibh an Tighearna, gairmibh air a ainm, dèanaibh a ghnìomharan aithnichte am measg nan sluagh.

1 Eachdraidh 24:3

Agus roinn Daibhidh iad, araon Sadoc de mhic Eleàsair, agus Ahimelech de mhic Itamair, a rèir an àireamh nan seirbhis.

1 Eachdraidh 25:1

Os bàrr, chuir Daibhidh agus ceannardan an t‑sluaigh air leth fa chomhair na seirbhis de mhic Asaiph, agus Hemain, agus Iedutuin, daoine a dhèanadh fàidheadaireachd, le clàrsaichean, le saltairean, agus le ciombalan. Agus b’e àireamh an luchd-frithealaidh, a rèir an seirbhis:

1 Eachdraidh 6:31

Agus is iad sin iadsan a chuir Daibhidh os cionn seirbhis a’ chiùil ann an taigh an Tighearna an dèidh don àirc fois fhaghail.

2 Eachdraidh 5:13

Agus bha iad mar aon a’ dèanamh fuaim le trompaidean, agus a’ seinn, a thoirt air aon ghuth a bhith air a chluinntinn a mholadh agus a thoirt buidheachais don Tighearna. Ach nuair a thog iad suas an guth leis na trompaidean, agus na ciombalan, agus na h‑innealan-ciùil, agus a bha iad a’ moladh an Tighearna, a chionn gu bheil e math, a chionn gum mair a thròcair gu bràth; an sin lìonadh an taigh le neul, taigh an Tighearna.

Esra 3:10

Agus nuair a leag an luchd-togail bunait teampall an Tighearna, sheas na sagartan nan culaidhean le trompaidean, agus na Lèbhithich, mic Asaiph, le ciombalan, a mholadh an Tighearna le làimh Dhaibhidh rìgh Israeil.

Nehemiah 12:24

Agus cinn nan Lèbhitheach: Hasabiah, Serebiah, agus Iesua mac Chadmieil, agus am bràithrean thall fan comhair, a mholadh agus a thabhairt buidheachais a rèir àithne Dhaibhidh òglach Dhè, faire fa chomhair faire.

Salm 103:2

Beannaich an Tighearna, O m’anam, agus na dìochuimhnich a thìodhlacan uile.

Salm 105:5

Cuimhnichibh a obraichean iongantach a rinn e, a chomharraidhean agus breitheanais a bheòil,

Salm 106:48

Guma beannaichte an Tighearna, Dia Israeil, o shìorraidheachd gu sìorraidheachd! Agus abradh an sluagh uile, Amen. Molaibh-se an Tighearna.

Salm 37:1

Na biodh campar ort mu dhaoine aingidh, agus na gabh farmad ri luchd-dèanamh na h‑euceirt,

Salm 70:1

A Dhè, a‑chum mo theasairginn, a Thighearna, a‑chum mo chuideachaidh dèan deifir.

Salm 72:18

Beannaichte gu robh an Tighearna Dia, Dia Israeil, an tì a‑mhàin a nì nithean iongantach!