1 Eachdraidh 11:23 - Am Bìoball Gàidhlig 1992

²³ Agus mharbh e Eiphiteach, duine de mheudachd mhòir, còig làmhan-coille air àirde; agus ann an làimh an Eiphitich bha sleagh cosmhail ri garman figheadair: ach chaidh esan sìos da ionnsaigh le luirg, agus spìon e an t‑sleagh à làimh an Eiphitich, agus mharbh e le a shleagh fhèin e.

Am Bìoball Iomraidh Gàidhlig 1880 1992

²³ Agus mharbh e Eiphiteach, duine de mheudachd mhòir, còig làmhan‐coille air àirde; agus ann an làimh an Eiphitich bha sleagh cosmhail ri garman figheadair: ach chaidh esan sìos da ionnsaigh le luirg, agus spìon e an t‑sleagh à làimh an Eiphitich, agus mharbh e le a shleagh fhèin e.

1 Eachdraidh 11:23 Iomraidhean Croise

1 Eachdraidh 11:24

Na nithean sin rinn Benaiah mac Iehoiada, agus bha ainm aige am measg triùir dhaoine treuna.

1 Eachdraidh 20:5

Agus bha a‑rìs cogadh ris na Philistich, agus bhuail Elhanan mac Iair Lahmi, bràthair Gholiath an Giteach, aig an robh crann a shleagha mar gharman figheadair.

Deuteronomi 3:11

Oir bha Og rìgh Bhasain a‑mhàin a làthair de fhuidheall nam famhairean; feuch, a leabaidh, bu leabaidh iarainn i: nach eil i ann an Rabat chloinn Amoin? B’iad naoi làmhan-coille a fad, agus ceithir làmhan-coille a leud, a rèir làmh-choille duine.

1 Samuel 17:4

Agus thàinig curaidh a‑mach à camp nam Philisteach, dom b’ainm Goliath o Ghat, anns an robh sia làmhan-coille agus rèis air àirde.

1 Samuel 17:51

Uime sin ruith Daibhidh agus sheas e air an Philisteach, agus ghlac e a chlaidheamh, agus tharraing e as a thruaill e, agus mharbh e e, agus gheàrr e dheth a cheann leis. Agus nuair a chunnaic na Philistich gu robh an gaisgeach marbh, theich iad.

1 Samuel 17:7

Agus bha crann a shleagha mar gharman figheadair; agus bha ann an ceann a shleagha sia ceud secel iarainn; agus bha fear a’ giùlan sgèithe ag imeachd roimhe.