Петрдыҥ 2-чи самаразы 3:9 - Јаҥы Кереес

⁹ Кайракан Бойыныҥ берген сӧзин бӱдӱрерге табыланбайт; кезик улус оны табыланыш деп бодойт. Је Ол биске узак чыдажат, нениҥ учун дезе кем де ӧлӱп калбазын, карын, ончо улус кинчегин алынып, Кудайга баштанзын деп кӱӱнзейт.

Петрдыҥ 2-чи самаразы 3:9 Iomraidhean Croise

Римдегилерге 13:11

Анайда эдигер, нениҥ учун дезе слер эмдиги ӧйди билеригер: биске уйкудаҥ ойгонор ӧй келген. Бис Кудайга бӱткен тужыска кӧрӧ эмди аргадалатан кӱнибис јуук.

Римдегилерге 13:12

Тӱн ӧдӱп калды, тӱш јууктап келди. Анайдарда, караҥуйдыҥ керектерин таштап, јарыктыҥ мылтык-јепселин кийели.

Римдегилерге 2:4

Ол эмезе, Оныҥ улу быйанзагын, јымжак ла чыдамкай болгонын јектеп јадыҥ ба? Оныҥ быйанзагы сени кинчегиҥди алынарына экелип турганын аайлабай јадыҥ ба?

Римдегилерге 9:22

Кудай дезе Бойыныҥ чугулын ла кӱчин кӧргӱзерге кӱӱнзеп, Оныҥ чугулын алып турган ла ӧлӱмге јаргылаткан улуска килеп, узак чыдашкан.

1 Тимофейге 1:16

Иисус Христос Бойыныҥ ончо узак чыдузын озо мен ажыра кӧргӱссин деп, бого болуп меге быйан эдилгени ол. Мынызыла ӱргӱлји јӱрӱм аларга Ого бӱдетен улуска тем эткен.

1 Тимофейге 2:4

Ол ончо улус аргадалып, чындыкты билип алзын деп јат.

Еврейлерге 10:37

База ла эмеш, келер учурлу Кудай једип келер, саадабас.

Петрдыҥ 1-кы самаразы 3:20

Олор Нойдыҥ кӱндеринде Кудайга бакпаган улус болгон. Кудай олорды ковчег тудулганча узак чыдажып сакыган. Ковчегте јӱк сегис кижи чайыктаҥ аргадалган.

Петрдыҥ 2-чи самаразы 1:4

Анайып биске баалу-чуулу ла улудаҥ улу сӧс берилген. Ол сӧс бисти Кудайдыҥ бӱдӱмелин бойына алынзын, бу телекейдеги јайрадуга экелеечи кычадаҥ кыйышсын деп берилген.

Петрдыҥ 2-чи самаразы 3:15

Кайраканыстыҥ узак чыдажып турганы слерге аргадаш деп оҥдогор. Ол ок керегинде слерге сӱӱген Павел карындажыс бичиген эди. Ол мынайда ого берилген ойгорлыкла бичиген.

Ачылта 2:21

Мен ого балыр кылыныжында кинчегин алынар ӧй бергем, је ол кинчегин алынбаган.