Петрдыҥ 2-чи самаразы 3:7 - Јаҥы Кереес

⁷ Је эмдиги теҥери ле јер Кудайдыҥ сӧзиле анайып ок отко чеберлелет; олор јаргыныҥ кӱнине ле Кудайы јок улусты јоголторго чеберлелет.

Петрдыҥ 2-чи самаразы 3:7 Iomraidhean Croise

Матфей 10:15

Чынын айдадым слерге: Јаргы болор кӱнде Содом ло Гоморра јерине, ол калага кӧрӧ, јеҥил болор.

Матфей 11:22

Је айдып турум слерге: Јаргы болор кӱнде Тир ле Сидонго слерге кӧрӧ јеҥил болор.

Матфей 11:24

Је айдып турум слерге: Јаргы болор кӱнде Содом јерине сеге кӧрӧ јеҥил болор.

Матфей 12:36

Айдып турум слерге: кижи кажы ла кей-куру сӧзи учун Јаргы болор кӱнде каруузына турар.

Матфей 24:35

Теҥери ле јер јастыгар, је Мениҥ сӧстӧрим јастыкпас.

Матфей 25:41

Оноҥ сол јанында тургандарга айдар: «Каргышка калгандар, кӧрмӧскӧ, оныҥ элчилерине белетелген ӧчпӧс отко Менеҥ кеде тайылыгар.

Марк 6:11

Кандый бир јерде слерди јуутпаза, слерди укпаза, ол јердеҥ чыгып барадып, будыгардаҥ тоозынды кактагар. Онызы олорго удура кере болзын. Чынын айдадым слерге: јаргы болотон кӱнде, ол калага кӧрӧ, Содом ло Гоморрага јеҥил болор.

Иоанн 12:48

Мени јектеп, сӧзимди јаратпай турган кижи бойын јаргыга бергени ол: айткан сӧзим, калганчы кӱнде оны јаргылаар.

Римдегилерге 2:5

Је сен кедер, јӱрегиҥ Кудайга баштанбаган. Кудайдыҥ чугулы келерине ле Оныҥ чындык јаргызы ачылар кӱнге бойыҥа бойыҥ чугул јууп јадыҥ.

1 Коринфтегилерге 3:13

кажы ла кижиниҥ эткен кереги ачылар. Мыны кӧргӱзетен кӱн келер, нениҥ учун дезе кажы ла кижиниҥ эткен кереги отто ачылат, ол кандый болгонын от ченеер.

Филиппыдагыларга 1:28

слерге удурлашкан улустаҥ бир де јалтанбай јӱргенигерди. Мынызы олорго јайрадуныҥ иле темдеги болор, слерге – аргадаштыҥ. Мыны Кудай эдер.

2 Фессалоникадагыларга 2:3

Слерди кем де канайып та тӧгӱндебезин. Кудайдаҥ јана тӱжӱш болбогончо, кинчектиҥ кижизи, јайраду уулы ачылбаганча, ол кӱн келбес.

1 Тимофейге 6:9

Байыырга сананган улус дезе ченелтеге кирип, чакпыга тӱжӱп, эш-кереги јок ло каршулу кӧп кычага алдырып јадылар; онызы улуска јаман ла ӧлӱм экелет.

Еврейлерге 12:29

нениҥ учун дезе, бистиҥ Кудайыс – ол јуда салар от.

Петрдыҥ 2-чи самаразы 2:9

Анайдарда, Кайракан билер, Кудайга беринген улусты канайып ченелтедеҥ айрыйтанын, јарамастуларды дезе кезедип, јаргыныҥ кӱнине јетире тудатанын;

Петрдыҥ 2-чи самаразы 3:10

Кайраканныҥ кӱни тӱнде уурчы чылап келер, ол тушта теҥери табыштанып јоголор, телекейдиҥ тӧзӧлгӧзи дезе кӱйӱп јайрадылар, јер ле ондогы ончо керектер кӱйӱп калар.

Петрдыҥ 2-чи самаразы 3:12

слер, Кудайдыҥ кӱни келерин сакып, оны јылгырладып тургандар, кандый болор учурлу? Ол кӱнде теҥери јалбырап, јайрадылар, телекейдиҥ тӧзӧлгӧзи кайылар.

Иоанныҥ 1-кы самаразы 4:17

Бу ажыра сӱӱш бистиҥ бойыбыста бӱткен. Јаргыныҥ кӱнинде бӱдӱмјилӱ болорыс, нениҥ учун дезе Ол кандый, бу телекейде бис те андый.

Иуданыҥ самаразы 1:7

Анайда ок Содом ло Гоморрала, јакалай калаларла болгон. Олордыҥ улузы анайып балыр кылынып, ӧскӧ эт-канды бедирегендер. Бу учун олор ӧчпӧс оттыҥ кезедӱзин алып, тем эдип кӧргӱзилген.

Ачылта 17:11

Болгон ло эмди јок аҥ – ол сегизинчи, јетӱниҥ тоозынаҥ. Ол бойыныҥ ӧлӱмине барат.

Ачылта 17:8

Сен кӧргӧн аҥ – болгон, эмди – јок. Ол алыс јердеҥ чыгып, бойыныҥ ӧлӱмине барар. Телекейдиҥ бӱткенинеҥ ала јӱрӱмниҥ тӱрбегинде ады-јолдоры бичилбеген, јерде јуртаган улус аҥды кӧрӱп, кайкажар, нениҥ учун дезе ол болгон, эмди јок, је ойто келер.

Ачылта 20:11

Улу ак ширеени ле ондо Отурганды кӧрӱп ийгем. Оныҥ кӧрӱжинеҥ теҥери ле јер качкандар, олорго јер табылбаган.

Ачылта 21:1

Јаҥы теҥерини ле јаҥы јерди кӧрӱп ийгем. Башкы теҥери ле башкы јер кеде јӱре бергендер, талай да јок болгон.