Петрдыҥ 2-чи самаразы 2:4 - Јаҥы Кереес

⁴ Кудай кинчек эткен ангелдерге де килебеген, олорды јаргыга јетире таамыныҥ карачкызына отургызып койгон.

Петрдыҥ 2-чи самаразы 2:4 Iomraidhean Croise

Матфей 25:41

Оноҥ сол јанында тургандарга айдар: «Каргышка калгандар, кӧрмӧскӧ, оныҥ элчилерине белетелген ӧчпӧс отко Менеҥ кеде тайылыгар.

Матфей 8:29

Је бат, олор кыйгырыжа бердилер: – Бисти кайдайын деп туруҥ, Кудайдыҥ Уулы? Сен бери ӧй јеткелекте бисти кинчектеерге келгеҥ.

Марк 5:7

тыҥ ӱнденип кыйгырды: – Ӧрӧ турган Кудайдыҥ Уулы Иисус! Сеге менеҥ не керек болды? Сени Кудайдыҥ учун сурап турум: мени кыйнаба!

Лука 10:18

Ол айтты: – Сатана јалкын чылап теҥеридеҥ келип тӱшкенин кӧрдим.

Лука 8:31

Таамыныҥ тӱбине тӱжерге јакарбазын деп, олор јалына бердилер.

Иоанн 8:44

Слердиҥ адагар – кӧрмӧс, слер адагардыҥ кычазын бӱдӱрерге јадыгар. Алдынаҥ бери ол кижи ӧлтӱреечи болгон, чындыкка јайылбаган. Оныҥ бойында чындык јок ине. Тӧгӱнди айдып турган тушта бойындыйын айдат, нениҥ учун дезе ол тӧгӱнчи ле тӧгӱнниҥ адазы.

Римдегилерге 11:21

Кудай агашта ӧскӧн будактарга килебеген болзо, сеге килеер деп сананып туруҥ ба?

Римдегилерге 8:32

Ол Бойыныҥ Уулын килебей, ончобыс учун ӧлӱмге берип, Оныла кожо биске ончозын сыйлап бербес беди?

Петрдыҥ 2-чи самаразы 2:11

Ангелдер де олордоҥ чик-јок кӱчтӱ ле бек те болзо, Кайраканныҥ алдында олорды каралап јаргы этпей јадылар.

Петрдыҥ 2-чи самаразы 2:5

Ол баштапкы телекейге де килебей, Кудайы јок улустыҥ телекейине чайык чыгарган, је чынныҥ јарлыктаачызы Нойды ла оныҥ билезиндеги јети кижини чеберлеп алган.

Петрдыҥ 2-чи самаразы 2:9

Анайдарда, Кайракан билер, Кудайга беринген улусты канайып ченелтедеҥ айрыйтанын, јарамастуларды дезе кезедип, јаргыныҥ кӱнине јетире тудатанын;

Иоанныҥ 1-кы самаразы 3:8

Кинчек эткен кижи – кӧрмӧстӧҥ, нениҥ учун дезе озо баштап кӧрмӧс кинчек эдет. Мыныҥ учун кӧрмӧстиҥ керектерин бузарга Кудайдыҥ Уулы ачылган.

Иуданыҥ самаразы 1:13

Олор – бойлорыныҥ быјарыла кӧбӱктелген талайдыҥ калапту толкулары, азып јӱрген јылдыстар. Олорго ӱргӱлјиге карачкыныҥ карачкызы белетелген.

Иуданыҥ самаразы 1:6

Ол анайып ок баштаҥы айалгазын чеберлебей, јӱрген јерин таштап барган ангелдерди улу кӱнде јаргылаарга, карачкыда ӱргӱлјиге кӱлӱде тудуп јат.

Ачылта 20:10

Олорды астырган кӧрмӧс дезе отту ла кӱкӱрлӱ кӧлгӧ ташталган. Аҥ ла тӧгӱн јарлыкчы анда ок болгондор. Олор ончозы тӱни-тӱжи ӱргӱлји чакка кыйналар.