Петрдыҥ 2-чи самаразы 2:1 - Јаҥы Кереес

¹ Калыкта тӧгӱн јарлыкчылар да болгон. Анайып слерде база тӧгӱн ӱредӱчилер болор. Олор слерге ӧлӱмге экелетен ӱредӱ кийдирер, олорды јайымга садып алган Кайраканды јектеп, бойлоры бойлорын ӧлӱмге кийдирер.

Петрдыҥ 2-чи самаразы 2:1 Iomraidhean Croise

Матфей 10:33

Улус алдында Менеҥ јана тӱшкен кижидеҥ Мен де Теҥеридеги Адамныҥ алдында јана тӱжерим.

Матфей 24:11

Кӧп тӧгӱн јарлыкчылар чыгар, кӧп улусты астыктырар.

Матфей 24:24

Тӧгӱн христостор, тӧгӱн јарлыкчылар табылар, улу билдилер ле кайкалдар кӧргӱзер. Мыныла олор, аргалу болзо, талдалгандарды да астыктырарга эдер.

Матфей 24:5

Кӧп улус Мениҥ адымды аданып келер, «Мен Христос» деер, кӧп улусты астыктырар.

Матфей 7:15

Тӧгӱн јарлыкчылардаҥ чеберленигер. Олор слерге кой терезин јабынган келгилейт, ичин кӧрзӧ, казыр бӧрӱлер.

Марк 13:22

Тӧгӱн христостор, тӧгӱн јарлыкчылар табылар, улу билдилер ле кайкалдар кӧргӱзер. Мыныла олор, аргалу болзо, талдалгандарды да астыктырарга эдер.

Лука 12:9

Улус алдында кем Менеҥ јана тӱжер, Кижи Уулы Кудайдыҥ ангелдери алдында ол кижидеҥ јана тӱжер.

Лука 21:8

Ол айтты: – Ајарыҥкай болыгар, бойыгарды астыртпагар. Кӧп улус Мениҥ адымды аданган келер, «Мен – Христос!» эмезе: «Ӧй јуук!» – деер. Олорды ээчий барбагар!

Лука 6:26

Слерди ончо улус мактап айткажын, слерге ачу-корон! Олордыҥ адалары тӧгӱн јарлыкчыларга анайып ок эдип јӱргендер.

Римдегилерге 16:18

Андый улус Иисус Христос Кайраканыска эмес, боро кардына болуп иштеп јадылар. Олор тату, јараш сӧстӧр айдып, сӱмеленип билбес улусты астырадылар.

1 Коринфтегилерге 11:19

Кудай кемигерди јарадып турганы јарталзын деп, ортогордо јӱзӱн-башка шӱӱлтелер де болор учурлу.

1 Коринфтегилерге 6:20

Слерди јаан баала садып алгандар. Анайдарда, Кудайдыйы болгон эди-каныгар ла сӱнегер Кудайдыҥ магына болзын.

1 Коринфтегилерге 7:23

Слерди јаан баала садып алгандар. Улустыҥ кулдары боло бербегер!

Галаттарга 2:4

Мыны јӱк тӧгӱн карындаштар кӱӱнзеп тургандар. Олор Христос Иисус ажыра алган јайымысты кайып кӧрӧргӧ лӧ бисти кулданарга ортобыска киргендер.

Галаттарга 3:13

Христос бисти Јасактыҥ каргыжынаҥ јайымдаган, бистиҥ ордыбыска каргышты бойына алынган. Бичилген јок беди: «Агашка кере тартылган кажы ла кижи, каргышка калганы ол».

Галаттарга 4:17

Бу улус слерди бойлорына тартып аларга јадылар, је оны јакшыга этпейдилер. Слерди олорго тартылзын деп кӱӱнзеп, бисти айрыштырарга јадылар.

Галаттарга 5:20

чалуга бажырыш, илбизин, ӧштӧш, кериш-чугаан, кӱнӱркеш, чугул, ӧӧн-бӧкӧн, бӧлиниш, јайрадуга экелеечи тӧгӱн ӱредӱ,

Ефестегилерге 1:7

Оныҥ Бойында ла Оныҥ каны ажыра биске јайым берилген, кинчектерис ташталган. Кудай мыны Бойыныҥ јакшылыгыныҥ байлыгыла эткен.

Ефестегилерге 4:14

Ол тушта база кичӱ балдар болбозыс, салкындый кубулчаҥ не ле ӱредӱ бисти тӱймедип, баштап апарбас. Бу ӱредӱ астырышка экелип турган кижиниҥ тӧгӱнинеҥ ле сӱмезинеҥ улам табылат.

Филиппыдагыларга 3:19

Олордыҥ учы – јайраду, олордыҥ кудайы – ич-карын, олордыҥ мактанып турганы олорго уйат болор; олор јердийин сананып јадылар.

Колоссыдагыларга серкпеге самаразы 2:18

Јобожыдынары, ангелдерге бажырып јӱрери керегинде тӧгӱн сӧстӧрлӧ слерди кем де мекелебезин. Андый улус кӧрбӧгӧни керегинде айдып, кижиниҥ санаазыла калас мактанып јадылар.

Колоссыдагыларга серкпеге самаразы 2:8

Ајарынып јӱригер, ойгор айдыныштарла, куру тӧгӱнле слерди кем де баштап апарбазын. Олор кижиниҥ ӱредӱзине, телекейди башкарган јасактарга тӧзӧлгӧн, је Христоско эмес,

1 Тимофейге 5:8

Бойыныҥ улузын, анчада ла айылдагы улузын кичеебей турган кижи дезе бӱдӱп јӱреринеҥ јана тӱжӱп, бӱтпес кижидеҥ јаман болгоны ол.

2 Тимофейге 4:3

Улус кемжикпеген ӱредӱни угарга кӱӱнзебес ӧй келер. Олор кулак сӱӱндирсин деп, бойлорыныҥ кӱӱниле ӱредӱчилер јуур;

Титке 1:11

Андый улусты унчуктырбас керек, нениҥ учун дезе, олор бойына туза аларга, ӱретпес немеге ӱредип, бӱткӱл билелерди јайрадып јадылар.

Титке 3:10

Бӧлиниш эдип турган кижини бир катап, экинчи катап санандырган соҥында, оноҥ јана бол.

Еврейлерге 10:29

Андый болгондо, Кудайдыҥ Уулын тепсеп, кереестиҥ каныла агарулалган бойы, оны агару эмес деп бодоп, јакшылыктыҥ Тынын јамандап турган кижи канча кире кату кезедӱ алар?

Петрдыҥ 1-кы самаразы 1:8

Оны кӧрбӧй туруп сӱӱп јадыгар. Оны эмдиге кӧрбӧй јадып, Ого бӱдӱп, сӧслӧ айдып болбос улу сӱӱнчиле сӱӱнип,

Петрдыҥ 2-чи самаразы 2:3

Олор ачыркап, слерге сананып тапкан немелер айдып, слерди бойлорыныҥ тузазына болуп садып алар. Олорго јаргы туку качан белен, олорды ӧлӱм сакыйт.

Иоанныҥ 1-кы самаразы 2:26

Мыны слерди астырып турган улус керегинде слерге бичидим.

Иоанныҥ 1-кы самаразы 4:1

Кару улузым! Болгон-тушкан тынга бӱтпегер, је тындарды ченегер, олор Кудайдаҥ ба деп, нениҥ учун дезе телекейге кӧп тӧгӱн јарлыкчылар чыккан.

Иуданыҥ самаразы 1:18

Калганчы ӧйдӧ Кудай јок кычаларыла кылынып јӱрген электеечи улус табылар деп, олор слерге айткан.

Иуданыҥ самаразы 1:4

Ортогорго бир кезик улус сӱмеленип кирген. Андый улуска јебрен ӧйлӧрдӧҥ ала јаргы јарлалган. Олор Кудайга чындык эмес, Кудайыстыҥ јакшылыгын алып, оны саҥ-тескери эдип, тудунбас јӱрӱмиле јӱргенче. Олор сок јаҥыс Ээбис Кудайды, Иисус Христос Кайраканысты, јектеп јадылар.

Ачылта 13:14

Аҥныҥ алдында эдерге берилген кайкалдарла ол јерде јуртаган улусты тӧгӱндеп јат. Анайып, кылыштаҥ шыркалу, је тирӱ аҥныҥ сӱрин этсин деп, јерде јуртаган улуска айдып јат.

Ачылта 2:13

«Сениҥ керектериҥди, сатананыҥ ширеези турган јерде јуртаганыҥды билерим. Анайда ок Меге чындык болгоныҥды, керек дезе слерде, сатана јуртаган јерде, чындык Антипа керечим ӧлтӱртип койордо, Меге бӱткениҥнеҥ јана тӱшпегениҥди де билерим.

Ачылта 2:9

«Сениҥ керектериҥди, кыйыныҥды да, тӱреҥиҥди де (чындап, сен бай) билерим, је сен бай эмейиҥ. „Иудейлер бис“ дешкендердиҥ јамандаганын да билерим. Олор иудейлер де эмес, сатананыҥ јууны.

Ачылта 3:8

«Эдип јӱрген керектериҥди билерим. Бат, сениҥ алдыҥда эжикти ачтым, оны кем де јаап болбойт. Сениҥ кӱчиҥ ас, је Мениҥ сӧзимди чеберлеп, Мениҥ адымла аданарынаҥ јана тӱшпегеҥ.

Ачылта 5:9

Олор јаҥы сарын сарнап, айдып јадылар: «Сен тӱрбекти колго аларга ла оныҥ таҥмазын алып ийерге јарамык, нениҥ учун дезе, Сен сойылып, Бойыҥныҥ каныҥла кандый ла ӱйедеҥ, тилдеҥ, калыктаҥ ла уктаҥ улусты Кудайга садып алгаҥ.

Ачылта 6:10

Олор тыҥ ӱнденип кыйгырыжып тургандар: – Э-э, агару ла чын Каан, јерде јӱрген улусты тӧгӱлген каныбыс учун јаргылап, ӧч аларга јетире канча кире ӧй арткан?