Петрдыҥ 2-чи самаразы 1:9 - Јаҥы Кереес

⁹ Кемде бу ончозы јок, ол сокор ло каралга, башкы кинчектерин арутайтанын ундып койгон.

Петрдыҥ 2-чи самаразы 1:9 Iomraidhean Croise

Марк 10:21

Иисус ол јаар кӧрӧлӧ, ого карузып, айтты: – Сеге бир ле неме јетпейт. Барып, не барыҥды садала, тӱреҥилерге ӱлеп бер. Ол тушта теҥериде эрјинелӱ болорыҥ. Оноҥ келип, керӱ агажыҥды алганча, Мениле кожо бар.

Лука 18:22

Мыны угала, Иисус ого айтты: – Сеге база бир неме јетпейт: не барыҥды садып ийеле, тӱреҥилерге ӱлеп бер. Ол тушта теҥериде эрјинелӱ болорыҥ. Оноҥ келип, Мени ээчий бар.

Римдегилерге 6:11

Анайып слер де, бойыгарды кинчекке ӧлӱп калганыгар, је Христос Иисус Кайраканыс ажыра Кудайга тирӱ деп бодогор.

Галаттарга 5:13

Јайым јӱрерге кычырылдыгар ине, карындаштар. Јайымыгар јӱк эт-канныҥ керексигенин јеткилдеер арга болбозын. Карын, бой-бойыгарга сӱӱшле јалчыланыгар.

Галаттарга 5:6

Томдолгоны ба, томдолбогоны ба, Христос Иисустыҥ алдында учур јок ине. Је сӱӱш ажыра болуп турган Кудайга бӱдери учурлу.

Титке 2:14

Бисти кандый ла јарамастаҥ айрыйын деп, јакшы керектер эдерге јӱткип турган талдама калыкты Бойына арутап алайын деп, Ол Бойын бис учун берген.

Еврейлерге 9:14

Је Христостыҥ каны мынаҥ кӧпти эдет. Ол Агару Тын ажыра Бойын Кудайга јек јок тайылга эдип берген. Оныҥ каны санаабысты ӧлӱмге экелеечи керектердеҥ арутаар. Анайып тирӱ ле чындык Кудайга бажырып јӱрер аргалу болорыс.

Петрдыҥ 1-кы самаразы 3:21

Анайып, слерди де эмди креске тӱжери аргадайт. Креске тӱжери – ол эт-канныҥ кирин јунары эмес, је ару санаала Кудайга баштанары, ол Христостыҥ тирилгени ажыра аргадайт.

Иоанныҥ 1-кы самаразы 1:7

Ол јарыкта јӱргени чилеп, јарыкта базып јӱрген болзобыс, бойы бойыбысла бирлик болгоныс ол. Анайып, Оныҥ Иисус Христос Уулыныҥ каны бисти кандый ла кинчектеҥ арутайт.

Ачылта 3:17

Сен айдадыҥ: „Мен бай, байыгам, немедеҥ тутабай јадым“. Је сен бойыҥды кежик јок, ич ачыыр, тӱреҥи, сокор ло јылаҥаш деп билбейдиҥ.