Biblia Todo Logo
Bìoball air-loidhne

- Sanasan -




Петрдыҥ 2-чи самаразы 1:8 - Јаҥы Кереес

8 Бу ончозы слерде бар болуп, кожулып турза, Иисус Христос Кайраканысты билип аларында једими ле тузазы јок артпазыгар.

Faic an caibideil Dèan lethbhreac




Петрдыҥ 2-чи самаразы 1:8
33 Iomraidhean Croise  

Тегенектӱ јерге ӱренделген дегени, сӧсти уккан кижи керегинде айтканы. Је јадынды кичеейтени, јӧӧжӧгӧ тартылатаны уккан сӧсти туй базып койот, ол сӧс тӱжӱм јок артып калат.


Тогус саат киреде чыгып, базарда иштебей, соодоп турган улусты кӧрӧлӧ,


Беш саат кирезинде чыгып, база тегин турган улусты таап, олорго айткан: «Кере-тӱжине мында тегин не тургулараар?»


Бийи ого айткан: «Јаман, јалку кул! Ӱрендебеген јеримнеҥ кезеримди, чачпаган јеримнеҥ тереримди билгениҥде,


Мендеги јиилеги бӱтпес кандый ла сапты Ол кезип јат. Јиилеги бӱткенди дезе, јиилеги оноҥ кӧп болзын деп, арчып јат.


Ӱргӱлји јӱрӱм дезе – ол јаҥыс чын Кудай Бойыҥды, Сен ийген Иисус Христосты билери.


Је Мен слерди билерим: слердиҥ ичигерде Кудайга сӱӱш јок.


Мында јаантайын кичееҥкей болыгар, тынла јалбыштаныгар, Кайраканга јалчы болуп јӱригер.


Анайдарда, сӱӱген карындаштарым, кӧп иштеп јӱргенигер Кайракан алдында калас эмезин билип, турумкай болыгар, јана баспагар, Кайраканга иштеерине бастыра бойыгарды беригер.


Чындаптаҥ бӱдӱп турганыгар ба деп, бойыгарды бойыгар ченегер, бойыгарды бойыгар шиҥдегер. Эмезе бойыгарда Иисус Христос јӱрӱп јат деп, бойыгарды бойыгар билбейдигер бе? Андый эмес болзо, ченелтени ӧдӱп албаган болороор бо?


олор ачу-коронло улу ченелтелер ӧдӱп јадылар, је сӱӱнчиле артыктай толо. Тӱреҥиде јӱрӱп јадылар, је улуска кӱӱнзегиле бай.


Слерде ончозы артыктай: бӱдедигер, слерде Кудайдаҥ сӧс лӧ билгир бар, ончозында кичеенип јадыгар. Слерде бистеҥ алган сӱӱш бар. Андый болгондо, бу да јакшылыкта артыктай болыгар.


Олор слер учун слерге јӱректери тартылып мӱргиир, нениҥ учун дезе слерге Кудай Бойыныҥ арбынду јакшылыгын берген.


Чынды билип аларында, не ле сезимде сӱӱжигер там ла там ӧссин. Ченейле, эҥ артыгын талдап алып, Христос келер кӱнде ару, бузук јок болыгар. Кудай макталзын ла алкалзын, Иисус Христостыҥ болужыла јаантайын быйанду керектер эдигер. Бу ончозы учун мен мӱргип турум.


Слердиҥ шӱӱлтегер Христос Иисустыҥ шӱӱлтезиндий болор учурлу.


Эйе, Христос Иисус Кайраканымды билип алатанына кӧрӧ ончозын коромјы деп бодойдым. Ого болуп ончозын јылыйтып, Христос менийи болзын деп, ончозын чӧпкӧ бодогом.


ончозында Кудайга јараарыла эдип, Ого јарамык јӱргейигер, не ле быйанду керекте тӱжӱмдӱ болгойыгар, Кудайды билип аларында ӧзӱп тургайыгар.


Слерди ӱреткениле, Оныҥ Бойында тазылданып, јӱрӱмигерди тӧзӧгӧр, бӱдеринде тыҥыдыныгар, јӱректеригер алкыш-быйанла толзын.


Христостыҥ сӧзи ончо байлыгыла слердиҥ бойыгарда јӱрзин. Бой-бойыгарды ончо ойгорлыкла ӱредигер ле бӱдӱндиригер; јӱректеригерде Кайраканга алкыш-быйанду болуп, Ого сарындар, мак јаҥарлар, тыннаҥ берилген јаҥарлар айдыгар.


Слерди дезе Кайракан бой-бойыгарга, ончо улуска сӱӱшле толтырзын, ажыра да толтырзын. Андый ок сӱӱшле бис слерди сӱӱген эмейис.


Анайдарда, карындаштар, канайда јӱретени ле Кудайга јарайтаны керегинде бистеҥ ӱредӱ алган эдигер. Слер анайда ла јӱрӱп јадыгар. Је мында мынаҥ кӧп једимдерге једигер деп, Христос Иисустыҥ адынаҥ сурап ла кычырып турубыс.


Бис Кудайга слер учун јаантайын алкыш јетирер учурлу, карындаштар. Онызы чын, нениҥ учун дезе, бӱдӱп турганыгар там тыҥып, кажыгардыҥ ла бой-бойыгарга сӱӱжигер арбындап јат.


Ӱзеери иш этпей, айылдар керип јӱрерине ӱренип калгылайт. Јаҥыс та иштебей јӱрген эмес, је калырууш болгылайт, ӧскӧ улустыҥ керектерине киришкилейт, айтпасты айдып јӱргӱлейт.


Јӱрӱми туза јок болбозын деп, бистиҥ де улус јакшы керектер эдерге ӱрензин, керексип турган улуска болушсын.


Сениҥ бӱдӱп турганыҥ ончобысла текши болзын деп, мӱргип турум. Мынызы сени Христос Иисуска болуп бисте бар ончо јакшыны билип аларына экелер.


Слерди јалкуурбазын, је бӱдӱп, узак чыдажып, Кудайдыҥ берер болгонын энчиленип турган улустаҥ тем алзын деп кӱӱнзейдис.


Кудайды ла Иисус Христос Кайраканысты билип турган тужыгарда слерге јакшылык ла амыр кожулзын.


Оныҥ кудайлык кӱчи јӱрӱмге ле Кудайга беринерине керектӱ ончо немени биске тегин берип јат. Мыны ончозын бисти Бойыныҥ магыла, быйаныла кычырган Кудайды билип турганыс ажыра алып јадыбыс.


Бу улус Кайраканды – Аргадаачы Иисус Христосты билеле, телекейдиҥ быјарынаҥ кыйыжып, бу быјарга ойто кирип, јеҥдиртип турза, олордыҥ айалгазы башкызынаҥ коомой болуп јат.


Је Кайраканыстыҥ, Аргадаачы Иисус Христостыҥ, јакшылыгын алып, Оны билип, ӧзигер. Ого эмди ле ӱргӱлјиге мак. Аминь.


Lean sinn:

Sanasan


Sanasan