Петрдыҥ 2-чи самаразы 1:4 - Јаҥы Кереес

⁴ Анайып биске баалу-чуулу ла улудаҥ улу сӧс берилген. Ол сӧс бисти Кудайдыҥ бӱдӱмелин бойына алынзын, бу телекейдеги јайрадуга экелеечи кычадаҥ кыйышсын деп берилген.

Петрдыҥ 2-чи самаразы 1:4 Iomraidhean Croise

Римдегилерге 9:4

Олор Израильдиҥ улузы: олорды Кудай балазынып алган, олорго Бойыныҥ магын ачкан, кереестер ле Јасак берген, Ого бажырып јӱрерин ле Бойыныҥ сӧзин берген.

2 Коринфтегилерге 1:20

Кудай канча да кире кӧп сӧс берзе, Оныҥ Бойында «эйе» болуп јат. Оныҥ учун Кудай макталзын деп, Ол ажыра «аминь» дейдис.

2 Коринфтегилерге 3:18

Ончобыстыҥ јӱстерибис ачык болуп, кӱскӱ чилеп Кайраканныҥ магыныҥ јаркынын кӧргӱзип, Ого тӱҥейлежип, кубуладыс, Оныҥ магыла там ла там јаркындаладыс. Мыны Кайракан эдет, Ол – Тын.

2 Коринфтегилерге 6:17

«Оныҥ учун олордыҥ ортозынаҥ чыгып, олордоҥ бӧлӱнигер, – деп, Кайракан айдат, – ару эмеске тийбегер, Мен слерди јуудып аларым».

Галаттарга 3:16

Је Авраамга ла оныҥ калдыгына Кудай сӧзин берген. Кӧп чилеп, «калдыктарына» деп айдылбаган, је јаҥыс чылап, «калдыгыҥа» деп айдылган. Ол дезе Христос.

Галаттарга 6:8

Эт-канына болуп ӱрендеечи, эт-каннаҥ чирип турганды јууп алар; Тынга болуп ӱрендеечи, Тыннаҥ ӱргӱлји јӱрӱмди јууп алар.

Ефестегилерге 4:13

Кудайга бӱдеринде ле Оныҥ Уулын билип аларында ончобыс бирликке јетсин деп, Христостыҥ толо кемине једип, эр кемине табышкан улус болзын деп, мынайда эдилген.

Колоссыдагыларга серкпеге самаразы 3:10

Слер бойыгарга јаҥы кижини кийип алдыгар. Бу јаҥы кижи Кудайды билип, бойыныҥ Јайаачызыныҥ сӱр-кеберине тӱҥейлежип, јаҥырып јат.

Еврейлерге 12:10

Бисти јердеги адаларыс кыска ӧйгӧ лӧ бойлоры чын деп бодогоныла кезеткен. Теҥеридеги Ада дезе биске чын туза болзын, Оныҥ агарулыгында кожо турушсын деп кезедет.

Еврейлерге 9:15

Оныҥ учун Христос јаҥы кереесте Ортокчы болуп јат. Ол Бойыныҥ ӧлӱми ажыра баштапкы кереес тужында јазык эткен улуска јайым берген. Кычырылган улус Кудайдыҥ берер болгон мӧҥкӱ энчизин алар аргалу болзын деп, Оныҥ анайда эткени ол.

Иаковтыҥ самаразы 1:27

Ада Кудай алдында ару ла јек јок кудайзак болоры ол: ӧскӱс-јабыстарга ла тул ӱй улуска ачу-коронында килемји эдери, бу телекейдеги јаманнаҥ бойыгарды чеберлеери.

Петрдыҥ 2-чи самаразы 1:1

Иисус Христостыҥ кулы ла апостолы Симон-Петрдаҥ – Кудайыстыҥ, Аргадаачы Иисус Христостыҥ, чындыгына једип, бис чилеп акту јӱректеҥ бӱдӱп турган улуска.

Петрдыҥ 2-чи самаразы 3:13

Је Оныҥ берген сӧзиле, чындык бар јаҥы теҥерини ле јаҥы јерди сакып јадыбыс.

Петрдыҥ 2-чи самаразы 3:9

Кайракан Бойыныҥ берген сӧзин бӱдӱрерге табыланбайт; кезик улус оны табыланыш деп бодойт. Је Ол биске узак чыдажат, нениҥ учун дезе кем де ӧлӱп калбазын, карын, ончо улус кинчегин алынып, Кудайга баштанзын деп кӱӱнзейт.

Иоанныҥ 1-кы самаразы 2:25

Оныҥ биске берер болгоны – ол ӱргӱлји јӱрӱм.

Иоанныҥ 1-кы самаразы 3:2

Кару улузым! Бис эмди Кудайдыҥ балдары. Је кандый болорыс, эм тура ачылгалак. Христос ачылза, Ого тӱҥей болорысты билерис, нениҥ учун дезе Ол кандый болгонын кӧрӱп ийерис.