Петрдыҥ 2-чи самаразы 1:12 - Јаҥы Кереес

¹² Оныҥ учун мыны билип, бу чындыкта бек те турган болзогор, ол керегинде слерге јаантайын эске алындырар кӱӱним бар.

Петрдыҥ 2-чи самаразы 1:12 Iomraidhean Croise

Апостолдордыҥ керектери 16:5

Серкпелер бӱдетениле тыҥып, тоозыла кӱнӱҥ сайын арбындап турган.

Филиппыдагыларга 3:1

Анайдарда, карындаштар, Кайраканныҥ Бойында сӱӱнигер. Слерге ол ло керегинде бичийтени меге кӱч эмес, је слерди бу корулап алар.

Колоссыдагыларга серкпеге самаразы 1:5

Слер бӱдӱп ле сӱӱп јадыгар, нениҥ учун дезе слерге теҥериде не чеберлелген, ого иженедигер. Онызын слер башкыда Сӱӱнчилӱ Јардыҥ чындык сӧзинде укканыгар.

Колоссыдагыларга серкпеге самаразы 2:7

Слерди ӱреткениле, Оныҥ Бойында тазылданып, јӱрӱмигерди тӧзӧгӧр, бӱдеринде тыҥыдыныгар, јӱректеригер алкыш-быйанла толзын.

1 Тимофейге 4:6

Мыны карындаштарга айдып, Кудайга бӱдериниҥ сӧстӧриле, сен ӱренген јакшы ӱредӱле јӱрӱп јадыҥ деп, бойыҥды кӧргӱзериҥ. Анайып Христос Иисустыҥ јакшы јалчызы болорыҥ.

2 Тимофейге 1:6

Оныҥ учун сеге кол салып, алкаарымда, Кудайдаҥ берилген јайалтаны бойыҥда ӧскӱр деп, эске алындырып турум.

Еврейлерге 10:32

Башкыдагы кӱндеригерди эске алыгар. Ол тушта Кудайдыҥ јарыгыла јарыдылган бойыгар кыйналып, јаан тартыжуны чыдажып ӧттигер.

Еврейлерге 13:9

Слерди јӱзӱн-јӱӱр ле ӧскӧ ӱредӱлер јолдоҥ астыктырбазын. Јӱректеригерди курсакла эмес, јакшылыкла тыҥыдыгар, онызы јакшы. Курсакка болуп јӱрген улус туза албас.

Петрдыҥ 1-кы самаразы 5:10

Кандый ла јакшылыкты берип турган Кудай дезе бисти Иисус Христостогы Бойыныҥ мӧҥкӱлик магына кычырган. Слер кыска ӧйгӧ шыралаган кийнинде Ол Бойы слерди тӱзеткей, бек тургускай, кӱчтӱ, турумкай эткей.

Петрдыҥ 1-кы самаразы 5:12

Мыны Силуанныҥ болужыла бичидим. Мен оны чындык карындаш деп бодоп јадым. Кычыру эдип ле керелеп, Кудайдыҥ чын јакшылыгы не болгонын слерге кыскарта бичидим. Бу јакшылыкта болуп јӱригер.

Петрдыҥ 2-чи самаразы 1:13

Бу байканда – бортык эт-канда јӱрген тужымда слерди эске алындырышла ойгозоры чын деп бодоп турум.

Петрдыҥ 2-чи самаразы 1:15

Мен атана да берген соҥында слер мыны јаантайын эске алынып турзын деп, ончо кӱчимди салып кичеенерим.

Петрдыҥ 2-чи самаразы 3:1

Кару улузым! Слерге экинчи самара бичип турганым бу. Экилезинде эске алындырышла слерде ару санаалар ойгозып турум.

Петрдыҥ 2-чи самаразы 3:17

Анайдарда, слер, кару улузым, мыны озолондыра билип, јарамастулардыҥ асканына тартылбаска ла бӱдӱп турганыгарды јылыйтпаска чеберленигер.

Иоанныҥ 1-кы самаразы 2:21

Слерге чындыкты билбегенигер учун бичиген эмезим, карын, слер оны билер учун, кандый да тӧгӱн чындыктаҥ болор аргазы јогын билип турганыгар учун бичидим.

Иоанныҥ 2-чи самаразы 1:2

Бу чындык бойыбыста јӱрӱп, бисле кожо ӱргӱлјиге болор.

Иуданыҥ самаразы 1:17

Је слер, кару улузым, Иисус Христос Кайраканыстыҥ апостолдоры башкыда айткан сӧстӧрди сананып јӱригер.

Иуданыҥ самаразы 1:3

Кару улузым! Бистиҥ текши аргаданыжыс керегинде бичиирге сӱрекей кӱӱнзедим. Оныҥ учун агаруларга Кудайдаҥ бир катап ӱргӱлјиге берилген бӱдӱмји учун слерди тартышсын деп, слерге кычыру бичиири керектӱ деп бододым.

Иуданыҥ самаразы 1:5

Мыны билер де болзогор, слерге эске алындырар кӱӱним бар: Кайракан калыкты Египет јеринеҥ бир катап ӱргӱлјиге аргадайла, оноҥ бӱтпегендерди јоголтып койгон.