Петрдыҥ 1-кы самаразы 4:7 - Јаҥы Кереес

⁷ Је ончозыныҥ учы јуук. Анайдарда, керсӱ болыгар, мӱргип, сергек болыгар.

Петрдыҥ 1-кы самаразы 4:7 Iomraidhean Croise

Матфей 24:42

Анайдарда, ойгу болыгар, нениҥ учун дезе Кайраканыгар кандый кӱнде келерин билбезигер.

Матфей 25:13

Анайдарда, ойгу болыгар, Кижи Уулы келериниҥ кӱнин де, саадын да билбезигер.

Лука 21:34

Бойыгарды тудуныгар, калаҥы ла эзирик болоры, јадын-јӱрӱмниҥ сурактары јӱрегерди олјолоп јоботпозын. Оноҥ башка ол кӱн јер-ӱстинде јаткандардыҥ ончозына сакыбаган јанынаҥ келип, олорго тузак ошкош болор.

Лука 21:36

Келип јаткан ончо тӱбектеҥ кыйып ӧдӧргӧ, Кижи Уулыныҥ алдына турарга, јаантайын сергек болуп, мӱргип јӱрӱгер.

Лука 22:46

– Не уйуктап јадыгар? – деп, Иисус олордоҥ сурады. – Туруп, ченелтеге кирбеске, мӱргигер!

Римдегилерге 12:12

Ижемји слерге сӱӱнчи экелзин. Ачу-корондо чыдамкай болыгар, јаантайын мӱргигер.

1 Коринфтегилерге 15:24

Оноҥ Ол Каандыкты Ада Кудайга табыштырза, кандый ла баштаҥыны, кандый ла ӧрӧги јаҥды ла кӱчти јоголтсо, учы болор.

1 Коринфтегилерге 7:29

Слерге айдайын деп, карындаштар: ӧй ас артып јат, оныҥ учун ӱйлӱ улус ӱй јоктый болор учурлу,

Ефестегилерге 6:18

Мӱргип, јаантайын Кудайдаҥ сурагар. Слерге Тынныҥ берип турганыла, нени керексип турганыгарды ончозын сурап, мӱргигер. Бого болуп сергек, турумкай болыгар, ончо агарулар учун сурагар.

Филиппыдагыларга 4:5

Кӱӱнзек болгоныгарды ончо улус кӧрзин. Кайракан јуук.

Колоссыдагыларга серкпеге самаразы 4:2

Јаантайын мӱргигер, мӱргӱде сергек болыгар, алкыш-быйан айдыгар.

2 Тимофейге 4:5

Је сен ончозында ойгу-эрӱӱл бол, кыйын-шырага чыдаш, Сӱӱнчилӱ Јар јарлаачыныҥ керегин – бойыҥныҥ ижиҥди бӱдӱр.

Титке 2:12

Кежиктӱ ижемјини – улу Кудай Аргадаачыбыс Иисус Христостыҥ магы ачыларын сакып јӱреристе, бу јакшылык Кудай јок јӱрерин ле телекейдиҥ улузыныҥ кычаларын јектеп, эмдиги ӧйдӧ чын сананып, акту јӱрерге ле Кудайга беринип јӱрерге ӱредет.

Еврейлерге 10:25

Јуундарыстаҥ туура артпайлыктар, кезик улуста андый темигӱ бар. Оныҥ ордына Кайраканныҥ кӱни јууктап келеткенин кӧрӱп, бой-бойыбысты мынаҥ артык сергидектер.

Еврейлерге 9:26

Оноҥ башка телекей јайалганынаҥ ала Ого кӧп катап кыйналарга келижер эди. Је Ол чактардыҥ учында Бойын тайып, кинчекти јоголтойын деп, бир ле катап јажына келген.

Петрдыҥ 1-кы самаразы 1:13

Оныҥ учун, кур курчанган чылап, санаагарды курчап, ойгу болуп, Иисус Христос ачылганда, слерге берилип турган јакшылыкка бӱткӱлинче иженигер.

Петрдыҥ 1-кы самаразы 3:7

Анайда ок слер де, эр улус, ӱйлереерге керсӱ болыгар, олорды бортык айакты чылап алып јӱригер. Олорго кӱндӱ эдип јӱригер, нениҥ учун дезе олор слерле кожо јакшылыкту јӱрӱмди энчиленер. Слердиҥ мӱргӱгерге буудак болбозын деп, анайда эдигер.

Петрдыҥ 1-кы самаразы 5:8

Эрӱӱл, сергек болыгар! Слердиҥ ӧштӱгер, кӧрмӧс, кемди јуда салайын деп бедиреп, ыркыранган каракула чылап базып јӱрӱ.

Ачылта 16:15

– Бат, уурчы чылап сакыбас јанынаҥ келерим. Јылаҥаш баспайын, уйадымды кижи кӧрбӧзин деп, ойгу болуп, кийимин чеберлеген кижи кежиктӱ.