Петрдыҥ 1-кы самаразы 3:18 - Јаҥы Кереес

¹⁸ Христос то бисти Кудайга экелерге, кинчектер учун, акту бойы, акту эместер учун бир катап ӱргӱлјиге ӧлгӧн. Ол эт-канла ӧлтӱрилген, тынла – тирилген.

Петрдыҥ 1-кы самаразы 3:18 Iomraidhean Croise

Матфей 27:19

Качан ол јаргы эдетен јерде отурарда, абакайы айттырып ийди: «Ол Актуга тийбеген болзоҥ кайдар? Бӱгӱн тӱш јеримде Ол учун кӧп кыйналдым».

Матфей 27:24

Пилат аргазын таппай, калыктыҥ тӱймеени тыҥып турганын кӧрӧлӧ, суу сузуп, калык кӧзинче колын јунуп, айтты: – Бу Актуныҥ канында бурулу эмезим. Бойыгар кӧрӱгер.

Иоанн 16:10

ак-чек дегени – Мен Адага барып јадым, эмди база Мени кӧрбӧзигер;

Апостолдордыҥ керектери 22:14

Ол айткан: «Кудайдыҥ табын билип алзын, Актуны кӧрӱп, Оныҥ ӱнин Бойынаҥ уксын деп, Сени ада-ӧбӧкӧлӧристиҥ Кудайы талдап алган.

Апостолдордыҥ керектери 3:14

Је слер Агарудаҥ ла Актудаҥ јана тӱжӱп, кижи ӧлтӱреечини слерге берзин деп сураганыгар,

Римдегилерге 4:25

Иисус бисти акталзын деп, јазыктарыс учун ӧлӱмге берилип, тирилген.

Римдегилерге 5:2

Христос биске бӱдӱп турганыс ажыра јакшылыкка кирер арга берген. Бу јакшылыкта јӱрӱп, Кудайдыҥ магында туружарыска иженип турганысла мактанып јадыбыс.

Римдегилерге 8:11

Христосты тиргискен Кудайдыҥ Тыны бойыгарда јӱрген болзо, Оны тиргискен Кудай бойыгарда јӱрген Тыныла слердиҥ де ӧлӱмдӱ эди-каныгарды тындандырар.

Римдегилерге 8:3

Эт-каннаҥ улам кӱчин јылыйткан Јасактыҥ эдип болбогонын Кудай эткен. Ол кинчектӱ эт-каныбыстый эт-канду болгон Уулын кинчек учун тайылга эдип ийип, эт-кан эдип турган кинчекти бурулаган.

2 Коринфтегилерге 1:24

Бис Кудайга бӱдӱп јӱргенигерди башкарып турганыс бу эмес, је бис сӱӱнчигерге болуп слерле кожо иштейдис. Слер дезе бӱдӱп, бек туруп јадыгар.

2 Коринфтегилерге 13:4

Ол чине јок тужында керилген, је Ол Кудайдыҥ кӱчиле тирӱ. Бис те Христос чылап ок чине јок, је слерге болуп Кудайдыҥ кӱчиле Оныла кожо јӱрерис.

2 Коринфтегилерге 5:21

Бис Оныҥ Бойында Кудай актаган улус боло берзин деп, Ол кинчектӱ эмести биске болуп кинчек учун тайылга эдип койгон.

Галаттарга 1:4

Ол бисти јаманга алдыртып койгон бу телекейдеҥ айрыырга, кинчектерис учун Бойын берген. Мыны Кудайдыҥ, бистиҥ Адабыстыҥ, табыла эткен.

Галаттарга 3:13

Христос бисти Јасактыҥ каргыжынаҥ јайымдаган, бистиҥ ордыбыска каргышты бойына алынган. Бичилген јок беди: «Агашка кере тартылган кажы ла кижи, каргышка калганы ол».

Ефестегилерге 3:12

Оныла бирлик болуп, Ого бӱдӱп, Кудайга јӱректерис ачык ла бӱдӱмјилӱ кирер аргабыс бар.

Титке 2:14

Бисти кандый ла јарамастаҥ айрыйын деп, јакшы керектер эдерге јӱткип турган талдама калыкты Бойына арутап алайын деп, Ол Бойын бис учун берген.

Еврейлерге 10:10

Оныҥ табы неде дезе, Иисус Христостыҥ эди-каны бир катап ла ӱргӱлјиге тайылганы ажыра агарулалдыс.

Еврейлерге 9:14

Је Христостыҥ каны мынаҥ кӧпти эдет. Ол Агару Тын ажыра Бойын Кудайга јек јок тайылга эдип берген. Оныҥ каны санаабысты ӧлӱмге экелеечи керектердеҥ арутаар. Анайып тирӱ ле чындык Кудайга бажырып јӱрер аргалу болорыс.

Еврейлерге 9:26

Оноҥ башка телекей јайалганынаҥ ала Ого кӧп катап кыйналарга келижер эди. Је Ол чактардыҥ учында Бойын тайып, кинчекти јоголтойын деп, бир ле катап јажына келген.

Еврейлерге 9:28

Анайып Христос то кӧп улустыҥ кинчектерин јоголторго, бир катап тайылган. Ол экинчи катап кинчектер таштаарга келбес, Оны сакып јӱрген улусты аргадаарга келер.

Иаковтыҥ самаразы 5:6

Слер Актуны јаргылап, ӧлтӱрдигер; Ол слерге удурлашпады.

Петрдыҥ 1-кы самаразы 3:19

Бу тын ажыра ок таамыдагы кижендӱ сӱнелерге келип јарлыктаган.

Петрдыҥ 1-кы самаразы 4:1

Анайдарда, Христос бис учун эди-каныла шыралаган. Слер де ол ло санаала јепсенигер, нениҥ учун дезе эди-каныла шыралап јӱрген кижи кинчек этпей барат.

Петрдыҥ 1-кы самаразы 4:6

Бого болуп ӧлгӧн дӧ улуска Сӱӱнчилӱ Јар јарлалган, олор, ончо улус чылап эт-канныҥ эткен керектери учун јаргылаткан бойлоры, тыныла Кудайдыйы чылап јӱрзин.

Иоанныҥ 1-кы самаразы 1:9

Кинчектеристи айдынып турган болзобыс, Ол, чындык ла акту Бойы, кинчектеристи таштап, бисти кандый ла тӧгӱннеҥ арутаар.