Петрдыҥ 1-кы самаразы 3:17 - Јаҥы Кереес

¹⁷ Кудайдыҥ табы болзо, јаман керектер учун шыралаганча, јакшы керектер учун шыралаганы артык ине.

Петрдыҥ 1-кы самаразы 3:17 Iomraidhean Croise

Матфей 26:39

Эмеш кедери барып, јерге кӧҥкӧрӧ тӱжӱп, мӱргий берди: – Адам! Бу кыйын-шыра Менеҥ јастыккадый болзо, јастыксын. Андый да болзо, Мениҥ кӱӱнимле болбозын, је Сенийиле болгой.

Матфей 26:42

База, экинчи катап барып, мӱргиди: – Адам, бу кыйын-шыраны јастыктырбай, Мени ого чыдашсын дезеҥ, Сениҥ табыҥ болгой.

Апостолдордыҥ керектери 18:21

Је олорло јакшылажала, јууктап келеткен байрамды мен кыйалта јогынаҥ Иерусалимде ӧткӱрер учурлу, Кудайдыҥ табы болзо, слерге ойто бурыларым дейле, Ефестеҥ јӱзӱп ийди. Акила ла Прискилла Ефесте артып калдылар.

Апостолдордыҥ керектери 21:14

Ол јӧпкӧ кирбей турарда, бис токынап, – Кайраканныҥ табы болгой – дештис.

Петрдыҥ 1-кы самаразы 1:6

Бого сӱӱнигер. Эмди јӱзӱн-јӱӱр ченелтелердеҥ улам эмеш кунугарга келижип турган болзо, чыдажыгар.

Петрдыҥ 1-кы самаразы 2:15

нениҥ учун дезе Кудайдыҥ табы мындый: бис јакшыны эдип, неме билбес улустыҥ учуры јок эрмек-куучындарын токтодор учурлу.

Петрдыҥ 1-кы самаразы 2:20

Кинчектер учун соктырып турган болзогор, не учун мактайтан? Јакшыны эдип шыралап, је чыдажып турган болзогор, слерди Кудай јарадып јат.

Петрдыҥ 1-кы самаразы 3:14

Је чындык учун шыралап та јӱрген болзогор, слер кежиктӱ. Слерге јаман эдерге турган улустаҥ коркыбагар, тӱймебегер.

Петрдыҥ 1-кы самаразы 4:15

Слерге шыралаарга келишсе, ол шырагар ӧлтӱргени, уурдаганы, јаман эткени, ӧскӧ кижинийин кӱӱнзегени учун эмес болзын.

Петрдыҥ 1-кы самаразы 4:19

Анайдарда, Кудайдыҥ табыла шыралап јӱргендер јакшыны эдип, Ого, сӧзине чындык Јайаачыга, јӱрӱмин бӱдӱмјилезин.