Петрдыҥ 1-кы самаразы 3:15 - Јаҥы Кереес

¹⁵ Јӱректеригерде Христос Кайракан агару болзын; ижемјигер керегинде слердеҥ јартамал некеп турган не ле кижиге каруу берерге јаантайын белен болыгар.

Петрдыҥ 1-кы самаразы 3:15 Iomraidhean Croise

Апостолдордыҥ керектери 21:39

Павел каруу јандырды: – Мен – иудей, Киликияныҥ тапту јарлу калазыныҥ, Тарстыҥ, кижизи. Улуска баштанарга јӧбиҥ бер деп, сени сурап турум.

Апостолдордыҥ керектери 24:25

Је Павел чындык, тудунатаны ла келер јаргы керегинде айдып турарда, Феликс коркып, айтты: – Эмди бар, керек болзоҥ, сени бойыма алдырып аларым.

Колоссыдагыларга серкпеге самаразы 1:23

Је слер бӱдеринде бек болор ло эреҥистелбес учурлу, слерге Сӱӱнчилӱ Јар берген ижемјидеҥ кыйбас учурлу. Бу Јарды слер укканыгар, ол теҥери алдында јӱргендерге ончозына јарлалган, мен, Павел, бу Јардыҥ јалчызы боло бергем.

Колоссыдагыларга серкпеге самаразы 1:27

Кудай олорго бу јажыттыҥ ончо калыктар ортозындагы мактулу байлыгын ачарга кӱӱнзеген. Бу јажыт – слерге мактулу ижемји берип турган, слердиҥ јӱрегерде јӱрген Христос.

Колоссыдагыларга серкпеге самаразы 1:5

Слер бӱдӱп ле сӱӱп јадыгар, нениҥ учун дезе слерге теҥериде не чеберлелген, ого иженедигер. Онызын слер башкыда Сӱӱнчилӱ Јардыҥ чындык сӧзинде укканыгар.

Колоссыдагыларга серкпеге самаразы 4:6

Сӧзигер јаантайын јакшылыкту ла чечен болзын. Кажы ла кижиге канайып каруу јандыратанын билип јӱригер.

Титке 1:2

Анайда јаҥыс ӱргӱлји јӱрӱмге иженип бӱдӱп јадылар. Ӱргӱлји јӱрӱмди чактар башталардаҥ озо тӧгӱндебес Кудай биске берер болгон.

Еврейлерге 3:6

Оныҥ туразында башкарзын деп, Христос уулы чылап тургузылган. Ачык-јарыгысты ла неле мактанып турганыска ижемјини бек чеберлеп алар болзобыс, Оныҥ туразы – ол бис.

Еврейлерге 6:1

Оныҥ учун оноҥ ары толо кемдӱ болорго јӱткип, Христостыҥ баштаҥы ӱредӱлерине ойто бурылбактар. Кудайга бӱдери керегинде, ӧлӱмге экелеечи керектердеҥ мойнооры керегинде ӱредӱни ойто баштайтаны биске керек јок.

Петрдыҥ 1-кы самаразы 1:17

Кудай кажы ла кижини ылгабай, эткен керектериле јаргылайт. Анайдарда, Оны Адагар деп адап турган болзогор, Оноҥ айап, јерде удурум јӱрген ӧйигерди ӧткӱригер.

Петрдыҥ 1-кы самаразы 3:4

Карын, кееркемјигер ич бойыгар болзын. Бу јобош ло токуналду тынныҥ чалдыкпас јаражы болуп јат. Мынызы Кудайдыҥ алдында баалу.