Петрдыҥ 1-кы самаразы 3:14 - Јаҥы Кереес

¹⁴ Је чындык учун шыралап та јӱрген болзогор, слер кежиктӱ. Слерге јаман эдерге турган улустаҥ коркыбагар, тӱймебегер.

Петрдыҥ 1-кы самаразы 3:14 Iomraidhean Croise

Матфей 10:28

Кижиниҥ эди-канын ӧлтӱрип, јулазын дезе ӧлтӱрип болбос улустаҥ коркыбагар. Кижиниҥ эди-канын да, јулазын да таамыда ӧлтӱрер аргалудаҥ коркыгар.

Матфей 10:31

Анайдарда, коркыбагар: слер кӧп кучыйактардаҥ артык.

Матфей 10:39

Јӱрӱмин чеберлегени, онызын јылыйтар, Мен учун јӱрӱмин јылыйтканы дезе, онызын чеберлеп алар.

Матфей 16:25

Јӱрӱмин аргадайын дегени, онызын јылыйтар. Је Меге болуп јӱрӱмин јылыйтканы, онызын таап алар.

Матфей 19:29

Кем кижи айлы-јуртын, эмезе ага-карындажын, эмезе эје-сыйнын, эмезе адазын, эмезе энезин, эмезе ӱйин, эмезе бала-барказын, эмезе кыразын Меге болуп таштаза, онызынаҥ јӱс артык алар, ӱргӱлји јӱрӱмди энчиленер.

Марк 10:29

Иисус айтты: – Чынын айдадым слерге: кем айлы-јуртын, эмезе ага-карындажын, эмезе эје-сыйнын, эмезе адазын, эмезе энезин, эмезе бала-барказын, эмезе кыразын Меге болуп, Сӱӱнчилӱ Јарга болуп таштаза,

Марк 8:35

Јӱрӱмин аргадайын дегени, онызын јылыйтар. Меге ле Сӱӱнчилӱ Јарга болуп јӱрӱмин јылыйтканы дезе, онызын аргадап алар.

Иоанн 14:1

Јӱректеригер тӱймебезин. Кудайга бӱдигер, Меге де бӱдигер.

Иоанн 14:27

Слерге амыр берип, барып јадым. Бойымныҥ амырымды слерге берип јадым, телекей берип јаткандый эмес, Мен берип турум. Јӱректеригер тӱймебезин, чочыбазын.

Апостолдордыҥ керектери 9:16

Мениҥ адым учун канча кире шыралайтанын Мен ого кӧргӱзип берерим.

2 Коринфтегилерге 12:10

Оныҥ да учун Христоско болуп чине јок тужымда, јамандаткамда, не-немедеҥ тутакту јӱргемде, истеткемде, уур-кӱчтерге учурагамда, болорзынып јадым. Нениҥ учун дезе чине јок тужымда мен кӱчтӱ.

Филиппыдагыларга 1:29

Слерге Христоско болуп Ого јаҥыс та бӱдери эмес, је тартыжып, Ол учун кыйналары берилген. Бу тартыжуны ӧдӱп турганымды билеригер, эмди де мен керегинде угадыгар.

Иаковтыҥ самаразы 1:12

Ченелтеге чыдажып турган кижи кежиктӱ, нениҥ учун дезе, ол ченеделе, јӱрӱмниҥ кайралын алар. Бу кайралды Кайракан Оны сӱӱген улуска берер болгон.

Иаковтыҥ самаразы 5:11

Бат, чыдашкан улусты кежиктӱ деп адайдыс. Иовтыҥ чыдашканын укканыгар, ого учында Кайракан нени эткенин кӧргӧнигер, нениҥ учун дезе Кайракан кӧп быйанду ла буурзак.

Петрдыҥ 1-кы самаразы 3:6

Анайып, Сарра Авраамды бий деп адап, ого сӧсуккур јӱрген. Јакшыны эдип, недеҥ де коркыбай ла тӱймебей турган болзогор, Сарраныҥ балдары болгоныгар ол.