Петрдыҥ 1-кы самаразы 2:23 - Јаҥы Кереес

²³ Оны јамандаарда, Ол удура јамандабаган; шыралап јӱрӱп, коркытпаган, је мыны эдерин Чындык Јаргычыга бӱдӱмјилеген.

Петрдыҥ 1-кы самаразы 2:23 Iomraidhean Croise

Лука 23:41

Бисти чын јаргылаган, эткен керектериске турарын алып јадыбыс. Ол дезе бир де јаманды этпеген – дейле,

Лука 23:46

Иисус тыҥ ӱнденип, – Ада! Сениҥ колыҥа тынымды берип јадым! – дейле, тыны кыйыла берди.

Лука 23:9

Ол Иисуска кӧп сурактар берди, је бирӱзине де каруу албады.

Апостолдордыҥ керектери 17:31

Ол чындыкла јаргылайтан кӱнди темдектеп койгон. Телекейди Ол Бойы кӧстӧп туткан Кижи ажыра јаргылаар; Оны тиргизеле, ончозына кере берген.

Апостолдордыҥ керектери 4:29

Эмди, Кайракан, олордыҥ кекенгенин кӧр, Бойыҥныҥ кулдарыҥа сӧзиҥди јалтанбай айдарга бер,

Апостолдордыҥ керектери 7:59

Стефанды ташла шыбалап турдылар, ол дезе, эреп-јайнап, айдып турды: – Иисус Кайракан, тынымды Бойыҥа ал!

Апостолдордыҥ керектери 9:1

Савл дезе, каны-јинин јудунып, Кайраканныҥ ӱренчиктерин ӧлтӱрерге кекенгенче болгон. Ол улу абыска келип,

Римдегилерге 2:5

Је сен кедер, јӱрегиҥ Кудайга баштанбаган. Кудайдыҥ чугулы келерине ле Оныҥ чындык јаргызы ачылар кӱнге бойыҥа бойыҥ чугул јууп јадыҥ.

Ефестегилерге 6:9

Слер де, бийлер, кулдарла база анайда тудуныгар, олорго кату болбогор. Олордо до, слерде де теҥериде Кайракан барын ундыбагар. Ол улусты ылгабай јат.

2 Фессалоникадагыларга 1:5

Мынызы Кудайдыҥ јаргызы чындык болгонын керелейт: слер Кудайдыҥ Каандыгына јарамыкту деп бодолорыгар. Ого болуп шыралап јадыгар.

2 Тимофейге 1:12

Мынаҥ улам шыралап турум. Је уйалбай јадым, нениҥ учун дезе кемге бӱдӱп турганымды билерим; меге ижемјилегенди Ол айдылган кӱнге јетире чеберлеер аргалузына бӱдӱп јадым.

2 Тимофейге 4:8

Эмди меге актуныҥ кайралы белетелген. Оны меге Кайракан, чындык Јаргычы, ол кӱнде берер; јаҥыс та меге эмес, Оныҥ ачыларын сӱӱп сакыган ончо улуска берер.

Еврейлерге 12:3

Кинчектӱ улустыҥ удурлашканына чыдашкан Иисус керегинде шӱӱп кӧригер. Ол тушта чинегер чыкпас, сӱригер тӱшпес.

Петрдыҥ 1-кы самаразы 3:9

јаманныҥ ордына јаман этпегер, айткылаштыҥ ордына айткылабагар, карын, алкышты энчиленерге кычырылганыгарды билип, алкагар.

Петрдыҥ 1-кы самаразы 4:19

Анайдарда, Кудайдыҥ табыла шыралап јӱргендер јакшыны эдип, Ого, сӧзине чындык Јайаачыга, јӱрӱмин бӱдӱмјилезин.

Ачылта 19:11

Ачык теҥерини ле ак атка Мингенди кӧрӱп ийгем. Оны Чындык ла Чын деп адап јадылар, Ол чындык јаргылап ла јуулажып јат.