Петрдыҥ 1-кы самаразы 2:16 - Јаҥы Кереес

¹⁶ Јайым улус чылап јӱригер, јайымыгарды јаманды эдерге тузаланбагар, карын, Кудайдыҥ кулдары чылап јӱригер.

Петрдыҥ 1-кы самаразы 2:16 Iomraidhean Croise

Матфей 23:13

Бичикчилер ле фарисейлер, слерге ачу-корон! Эки јӱстӱлер! Слер улустыҥ алдында Теҥери Каандыгын бӧктӧп јадыгар. Ого бойыгар да кирбейдигер, кирейин дегенди де кийдирбей јадыгар.

Иоанн 15:22

Мен келип, олорго айтпаган болзом, кинчектӱ болгылабас эди, је эмди кинчегинеҥ актанып болбос.

Римдегилерге 6:18

Кинчектеҥ јайымдалып, чын эдип јӱрерге, Кудайдыҥ кулдары боло бердигер.

Римдегилерге 6:22

Је эмди кинчектеҥ јайымдалып, Кудайдыҥ кулдары боло берип, агарулалып јадыгар. Мыныҥ турултазы – ӱргӱлји јӱрӱм.

1 Коринфтегилерге 7:22

Кайракан кычырып алган кул – Кайраканныҥ јайым кижизи. Анайып ок јайым тужында кычырылган кижи – Христостыҥ кулы.

Галаттарга 5:1

Јайым јӱрзин деп, бисти Христос јайымдаган. Анайдарда, бек турыгар, кулданышка бойыгарды комуттадарга бербегер.

Галаттарга 5:13

Јайым јӱрерге кычырылдыгар ине, карындаштар. Јайымыгар јӱк эт-канныҥ керексигенин јеткилдеер арга болбозын. Карын, бой-бойыгарга сӱӱшле јалчыланыгар.

Ефестегилерге 6:6

Јалканчыктар чылап, улус кӧрзин деп эмес, је бастыра јӱрегинеҥ Кудайдыҥ кӱӱнин бӱдӱрип јӱрген Христостыҥ кулдары чылап багыгар.

Колоссыдагыларга серкпеге самаразы 3:24

Мыныҥ ордына Кайраканнаҥ энчи алатаныгарды билеригер. Слердиҥ Бийигер – Христос, слер Ого јалчы болуп јадыгар.

1 Фессалоникадагыларга 2:5

Слер билеригер, слерге качан да јарамсыбаганысты, бойыбыска нени де алар деген умзаныш јок болуп айтканысты. Кудай бого керечи!

Иаковтыҥ самаразы 1:25

Је кем јайым берип турган сыраҥай јакшы јасакты оҥдоп аларга кичеенип, ондо болуп јӱрзе, ол ундынчак угаачы эмес, је керекти бӱдӱреечи болор, бойыныҥ керегинде кежиктӱ болор.

Иаковтыҥ самаразы 2:12

Анайып, јайым берип турган јасакла јаргыладар улус чылап айдыгар, эдигер.

Петрдыҥ 2-чи самаразы 2:19

Олорго јайым береечи болодылар, је бойлоры – чириириниҥ кулдары, нениҥ учун дезе олор кемге јеҥдирткен, ого кулдар болуп јадылар.

Иуданыҥ самаразы 1:4

Ортогорго бир кезик улус сӱмеленип кирген. Андый улуска јебрен ӧйлӧрдӧҥ ала јаргы јарлалган. Олор Кудайга чындык эмес, Кудайыстыҥ јакшылыгын алып, оны саҥ-тескери эдип, тудунбас јӱрӱмиле јӱргенче. Олор сок јаҥыс Ээбис Кудайды, Иисус Христос Кайраканысты, јектеп јадылар.