Петрдыҥ 1-кы самаразы 2:15 - Јаҥы Кереес

¹⁵ нениҥ учун дезе Кудайдыҥ табы мындый: бис јакшыны эдип, неме билбес улустыҥ учуры јок эрмек-куучындарын токтодор учурлу.

Петрдыҥ 1-кы самаразы 2:15 Iomraidhean Croise

Матфей 25:2

Бежӱзи керсӱ, бежӱзи сагыжы јетпес болгон.

Матфей 7:26

Бу сӧзимди угуп, оны бӱдӱрбей турган кижини керсӱ эмес кижиге тӱҥейлеп айдайын. Ол туразын кумакка туткан.

Римдегилерге 1:21

Олор Кудайды билип алып, Оны Кудайды чылап мактабадылар, Ого алкыш-быйанын айтпадылар. Карын, бойлорын куру санаа-шӱӱлтелерге берип койдылар. Мынаҥ улам неме аайлабас јӱректери караҥуйга алдырган.

Галаттарга 3:1

Э-э, санаа-укаа јок галаттар! Слерди чындыкка бакпазын деп, кем тармалады? Слерде кере тартылган Иисус Христосты бойыгардыҥ кӧзигерле кӧргӧн јок бедигер.

1 Фессалоникадагыларга 4:3

Кудай слерди агару болзын, балыр јӱрӱм јӱрбей тудунзын деп кӱӱнзейт.

1 Фессалоникадагыларга 5:18

Ончозы учун алкыш јетиригер. Слерге, Христос Иисусла бирлик болуп јӱргендерге, Кудайдыҥ табы андый.

1 Тимофейге 1:13

Башкыда Оны јамандагам, истегем ле тарындыргам, је меге быйан эдилген, нениҥ учун дезе билбей ле бӱтпей јадып анайда эткем.

Титке 3:3

Бис те качан да сананбас, бакпас болгоныс, асканыс, јӱзӱн-базын кычалардыҥ ла соот-јыргалдыҥ кулдары болгоныс; ачынып ла кӱйӱнип јӱргенис, јаман кӧрдиргенис ле бой-бойысты база јаман кӧргӧнис.

Петрдыҥ 1-кы самаразы 2:12

ӧскӧ калыктар ортодо јакшы јӱрӱм јӱригер. Олор слерди јаманды эдип туру деп бурулап болбозын, карын, слердиҥ јакшы керектеригерди кӧрӱп, Кудай олорго быйан берер кӱнде Оны мактазын.

Петрдыҥ 1-кы самаразы 3:16

Је мыны јымжак кӱӱндӱ, айап ла тооп эдигер, санаагар ару болзын. Ол тушта Христостыҥ Бойындагы јакшы јӱрӱмеерди јамандап турган улус уйатка калар.

Петрдыҥ 1-кы самаразы 3:17

Кудайдыҥ табы болзо, јаман керектер учун шыралаганча, јакшы керектер учун шыралаганы артык ине.

Петрдыҥ 1-кы самаразы 4:2

Јердеги јӱрӱминиҥ арткан ӧйин кижиниҥ кычаларына башкартпай, је Кудайдыҥ табыла ӧткӱрерге, оныҥ анайда эдип турганы ол.

Петрдыҥ 2-чи самаразы 2:12

Бу улус санаа-укаа јок тындуларга тӱҥей: олор бӱткен сезимиле башкарынып јадылар, олорды тудуп, ӧлтӱрзин деп туулгандар; олор нени билбес, оны јамандап јадылар. Анайып, бойлоры бойлорын јайрадып, јоголып јадылар;

Иуданыҥ самаразы 1:10

Бу улус нени билбес, оны јамандап јадылар; санаа-укаа јок тындулар чылап, бӱткен сезимиле нени билер, оныла бойлорын јайрадып јадылар.