Петрдыҥ 1-кы самаразы 1:7 - Јаҥы Кереес

⁷ Онызы слердиҥ Кудайга чындык бӱдӱп турганыгар быртып калар алтыннаҥ баалу болуп калзын деп керектӱ. Алтынныҥ да чыҥдыйы отло ченелет ине. Ол тушта слердиҥ бӱдӱп турганыгар, Иисус Христос ачылза, јараду, мак, кӱндӱ экелер.

Петрдыҥ 1-кы самаразы 1:7 Iomraidhean Croise

Матфей 19:28

Иисус дезе олорго айтты: – Чынын айдадым слерге: Кижи Уулы Бойыныҥ магыныҥ ширеезине отурып алза, слер де, тирилгендер, Мениле кожо јӱргендер, Израильдиҥ он эки угын јаргылаарга, он эки ширееге отурып аларыгар.

Матфей 25:21

Бийи ого айткан: «Јакшы, керсӱ ле бӱдӱмјилӱ кул! Аска бӱдӱмјилӱ болдыҥ, кӧптиҥ бажына сени тудуп јадым. Бийиҥле кожо сӱӱн».

Матфей 25:23

Бийи ого айткан: «Јакшы, керсӱ ле бӱдӱмјилӱ кул! Аска бӱдӱмјилӱ болдыҥ, кӧптиҥ бажына сени тудуп јадым. Бийиҥле кожо сӱӱн».

Лука 12:33

Јӧӧжӧгӧрди садып, быйан эдип јӱригер. Бойыгарга элебес кап белетеп алыгар, коробос байлыкты теҥериде јӧӧгӧр, – ого уурчы једип албас, оны кӱйе јибес.

Лука 17:30

Кижи Уулы ачылар кӱн андый ок болор!

Иоанн 12:26

Меге јалчы болуп јӱргени, Мениле кожо барзын. Мен кайда болорым, јалчым да анда болор. Меге јалчы болуп јӱргенди Адам тоор.

Иоанн 5:44

Кудайдаҥ мак бедиребей, бойыгардаҥ бойыгар мак алып, канайып бӱдеригер?

Апостолдордыҥ керектери 8:20

Је Петр ого айтты: – Мӧҥӱниҥ сениле кожо ӧлӱмге болзын, нениҥ учун дезе Кудайдыҥ сыйын акчала садып аларым деп санангаҥ.

Римдегилерге 2:10

Јакшыны эдеечи кажы ла кижиге мак, кӱндӱ ле амыр ийер: озо баштап иудейге, анайда ок еллинге.

Римдегилерге 2:29

Је чын иудей – ол ич јаны андый болгоны, чын томдош јӱректе эдилгени. Ол бичилген Јасакла эмес, је Тынла эдилген. Андый кижини улус эмес, Кудай мактаар.

Римдегилерге 2:7

Јаантайын јакшы керектер эдип, макка, кӱндӱге ле ӧлбӧскӧ јӱткӱп турган улуска ӱргӱлји јӱрӱм берер.

Римдегилерге 8:19

Кудай Бойыныҥ балдарын макка кӧдӱрерин ончо јайалган неме энчикпей сакып јат ине.

1 Коринфтегилерге 3:13

кажы ла кижиниҥ эткен кереги ачылар. Мыны кӧргӱзетен кӱн келер, нениҥ учун дезе кажы ла кижиниҥ эткен кереги отто ачылат, ол кандый болгонын от ченеер.

1 Коринфтегилерге 4:5

Оныҥ учун Кайракан келбегенче, ӧйинеҥ озо бир де јаргылабагар. Ол караҥуйда јажырылганды јарыдып ийер, јӱректе алып јӱрген санааларды иле эдер. Ол тушта кажы ла кижи Кудайдаҥ бойыныҥ кайралын алар.

Иаковтыҥ самаразы 1:12

Ченелтеге чыдажып турган кижи кежиктӱ, нениҥ учун дезе, ол ченеделе, јӱрӱмниҥ кайралын алар. Бу кайралды Кайракан Оны сӱӱген улуска берер болгон.

Петрдыҥ 1-кы самаразы 1:13

Оныҥ учун, кур курчанган чылап, санаагарды курчап, ойгу болуп, Иисус Христос ачылганда, слерге берилип турган јакшылыкка бӱткӱлинче иженигер.

Петрдыҥ 1-кы самаразы 1:5

Слерди дезе Кудай Бойыныҥ кӱчиле бӱдӱмјигер ажыра аргадаарга чеберлейт. Бу аргадаш калганчы ӧйдӧ ачыларга белен.

Петрдыҥ 1-кы самаразы 2:4

Ого, улус јектеп койгон, је Кудай эрјине деп талдап алган тирӱ ташка, јууктап,

Петрдыҥ 1-кы самаразы 2:7

Анайдарда, ол слерге, бӱдӱп тургандарга, эрјине таш, бӱтпей тургандарга ол – тура тудаачылар јектеп койгон таш. Је ол булуҥныҥ тӧзиндеги таш боло берген. Ол улус бӱдӱрилетен таш, олордыҥ јолында кайадый.

Петрдыҥ 1-кы самаразы 4:12

Кару улузым! Слерге Кудай отло ченелте ийзе, кайкабагар, ол слерге туш неме деп бодобогор.

Петрдыҥ 1-кы самаразы 4:13

Карын, сӱӱнигер, нениҥ учун дезе Христостыҥ шыраларында туружып јадыгар. Оныҥ магы ачылза, сӱӱнеригер ле јыргаарыгар.

Петрдыҥ 1-кы самаразы 5:1

Анайдарда, мен, серкпениҥ јааны бойым, Христостыҥ шыразыныҥ керечизи ле ачылатан макта туружаачы кижи, слердиҥ јаандарыгарга баштанып турум:

Петрдыҥ 2-чи самаразы 1:1

Иисус Христостыҥ кулы ла апостолы Симон-Петрдаҥ – Кудайыстыҥ, Аргадаачы Иисус Христостыҥ, чындыгына једип, бис чилеп акту јӱректеҥ бӱдӱп турган улуска.

Петрдыҥ 2-чи самаразы 1:4

Анайып биске баалу-чуулу ла улудаҥ улу сӧс берилген. Ол сӧс бисти Кудайдыҥ бӱдӱмелин бойына алынзын, бу телекейдеги јайрадуга экелеечи кычадаҥ кыйышсын деп берилген.

Петрдыҥ 2-чи самаразы 3:14

Оныҥ учун, кару улузым, мыны сакып, Оныҥ алдына быјарзыбаган, јек јок ло амыр-энчӱде келерге кичеенип,

Иуданыҥ самаразы 1:24

Кудай слерди јыгыларынаҥ аргадаар ла Бойыныҥ магы алдында јек јок ло сӱӱнчиде тургузар аргалу.

Ачылта 1:7

Бат, Ол булутла келер, Оны кандый ла кӧс, Оны јыдала сайгандары да, кӧрӱп ийер, јердиҥ ончо ук-калыктары Оныҥ алдында сыктажар. Чын, аминь.

Ачылта 2:10

Сеге ӧдӧтӧн кыйын-шырадаҥ коркыба. Бат, кӧрмӧс слерди ченейин деп, ортогордоҥ кезигерди тӱрмеге сугар. Слер он кӱн кыйналарыгар. Ӧлӧргӧ јетире чындык бол, кайрал эдип сеге јӱрӱм берерим.

Ачылта 3:10

Мениҥ айтканымла чыдамкай болгоҥ. Оныҥ учун ченелте ӧйинеҥ Мен де сени чеберлеп аларым. Ол ӧй јерде јуртагандарды ченеерге, бастыра телекейге келер.

Ачылта 3:18

Сеге јӧп берип турум: байыырга, Менеҥ отло аруталган алтын садып ал, кийип аларга ла уйатту јылаҥажыҥ кӧрӱнбезин деп, ак кийим садып ал, кӧрӧргӧ, кӧзиҥди сӱркӱшле сӱртӱп ал.