Петрдыҥ 1-кы самаразы 1:4 - Јаҥы Кереес

⁴ Бисти мӧҥкӱлик, ару ла чалдыкпас энчи алзын деп, Ол јаҥы јӱрӱм берген. Бу энчи слерге теҥериде чеберлелет.

Петрдыҥ 1-кы самаразы 1:4 Iomraidhean Croise

Матфей 25:34

Ол тушта Каан Бойыныҥ оҥ јанында тургандарга айдар: «Келигер, Адамныҥ алкагандары, телекей јайалганынаҥ ала слерге белетелген Каандыкты энчиленигер.

Марк 10:17

Иисус јолго кӧндӱгип јадарда, бир кижи јӱгӱрип келеле, Оныҥ алдына тизеленип, сурады: – Быйанду Ӱредӱчи! Ӱргӱлји јӱрӱмди энчиленерге, нени эдейин?

Апостолдордыҥ керектери 20:32

Эмди слерди, карындаштар, Кудайга ла Оныҥ сӧзиниҥ јакшылыгына берип јадым. Ол слерди тыҥыдар, бойын Кудайга агарулаган улус ортодо энчи берер аргалу.

Апостолдордыҥ керектери 26:18

Кӧстӧрин ачарга, караҥуйдаҥ јарыкка, сатананыҥ јаҥ-табынаҥ Кудайга баштангылазын деп, кинчектери ташталзын деп, Меге бӱдӱп, јаҥдайла, бойын Кудайга агарулаган улус ортодо энчилӱ болгылазын деп, сени ийип јадым».

Римдегилерге 8:17

Балдары болзобыс, Кудайдыҥ берер болгонын аларыс. Мыны Христосло кожо аларыс. Оныла кожо шыралап турган болзобыс, Оныла кожо макталарыс.

1 Коринфтегилерге 9:25

Маргаанныҥ ончо туружаачылары кӧп немедеҥ мойноп јадылар. Олор чалдыгар чечектиҥ ӧрӱмелин аларга болуп мыны эдедилер, бис чалдыкпас ӧрӱмелди аларга болуп.

Галаттарга 3:18

Энчини Јасактаҥ алып турган болзо, оны берген сӧслӧ алып болбос ине. Је мыны Кудай Авраамга Бойыныҥ сӧзиле сыйлаган.

Ефестегилерге 1:11

Элдеҥ озо Христоско иженип јӱрген бойлорыс Кудайдыҥ магын алказын деп, Оныҥ Бойынаҥ энчи алзын деп, Ол биске озолондыра темдектеген, нениҥ учун дезе, Кудай ончозын Бойыныҥ умзанганыла, кӱӱниле эдет.

Ефестегилерге 1:14

Ол энчибисти аларыс деп, биске бӱдӱмји эдип, Кудайдыйы болгон улус јайымдалзын ла Оныҥ магы алкалзын деп берилген.

Ефестегилерге 1:18

јӱректеригердиҥ кӧстӧрин јарытсын, Ол слерди не ижемјиге кычырып алганын, агарулар алып турган Оныҥ мактулу энчизиниҥ байлыгы кандый болгонын билип алзын деп;

Колоссыдагыларга серкпеге самаразы 1:12

Кудайга ла Адага сӱӱнип, алкыш-быйан айдыгар. Ол бисти јарыктыҥ каандыгындагы агарулардыҥ энчизинде туружарга кычырган.

Колоссыдагыларга серкпеге самаразы 1:5

Слер бӱдӱп ле сӱӱп јадыгар, нениҥ учун дезе слерге теҥериде не чеберлелген, ого иженедигер. Онызын слер башкыда Сӱӱнчилӱ Јардыҥ чындык сӧзинде укканыгар.

Колоссыдагыларга серкпеге самаразы 3:24

Мыныҥ ордына Кайраканнаҥ энчи алатаныгарды билеригер. Слердиҥ Бийигер – Христос, слер Ого јалчы болуп јадыгар.

2 Тимофейге 4:8

Эмди меге актуныҥ кайралы белетелген. Оны меге Кайракан, чындык Јаргычы, ол кӱнде берер; јаҥыс та меге эмес, Оныҥ ачыларын сӱӱп сакыган ончо улуска берер.

Еврейлерге 10:34

Слер кижендӱлерле кожо кыйналдыгар, јӧӧжӧгӧрди тоноордо – сӱӱндигер, нениҥ учун дезе слерде теҥериде мынаҥ артык мӧҥкӱлик јӧӧжӧ барын билер болгоныгар.

Еврейлерге 9:15

Оныҥ учун Христос јаҥы кереесте Ортокчы болуп јат. Ол Бойыныҥ ӧлӱми ажыра баштапкы кереес тужында јазык эткен улуска јайым берген. Кычырылган улус Кудайдыҥ берер болгон мӧҥкӱ энчизин алар аргалу болзын деп, Оныҥ анайда эткени ол.

Иаковтыҥ самаразы 1:11

Кӱн чыгып, изип баштайт, изӱдеҥ ӧлӧҥ какшайт, оныҥ ӧҥи ӧчӱп, јаражы јоголып јат. Анайып бай да кижи бойыныҥ керектериле кожо чалдыгар.

Петрдыҥ 1-кы самаразы 3:9

јаманныҥ ордына јаман этпегер, айткылаштыҥ ордына айткылабагар, карын, алкышты энчиленерге кычырылганыгарды билип, алкагар.

Петрдыҥ 1-кы самаразы 5:4

Баш Кӱдӱчи ачылза, мактыҥ чалдыкпас кайралын аларыгар.

Ачылта 21:27

Ого бир де быјар неме, јескинчилӱ кылынып, тӧгӱнденип јӱрген бир де кижи кирбес, јӱк ле Кураандагы јӱрӱмниҥ тӱрбегинде бичилгени кирер.